ஹமாத் பன்னாட்டு வானூர்தி நிலையம்

ஹமாத் பன்னாட்டு வானூர்தி நிலையம் (Hamad International Airport) கத்தாரில் உள்ள ஒரே பன்னாட்டு வானூர்தி நிலையமாகும். கத்தாரின் தேசிய விமானசேவை நிறுவனமான கத்தார் ஏர்வேஸின் தாயகம் ஆகும். அதன் தலைநகரான தோஹாவின் தெற்கே இந்த வானூர்தி நிலையம் அமைந்துள்ளது.

ஹமாத் பன்னாட்டு விமான நிலையம் مطار حمد الدولي Maṭār Ḥamad al-Duwalī
ஐஏடிஏ: DOH ஐசிஏஓ: OTHH
சுருக்கமான விபரம்
உரிமையாளர்	கத்தார் சிவில் விமான போக்குவரத்து துறை
இயக்குனர்	கத்தார் ஏர்வேஸ்
சேவை புரிவது	கத்தார்
அமைவிடம்	தோகா, கத்தார்
திறக்கப்பட்டது	30 ஏப்ரல் 2014 (2014-04-30)
மையம்	கத்தார் ஏர்வேஸ்
உயரம் AMSL	4 m / 13 அடி
ஆள்கூறுகள்	25°16′23″N 51°36′29″E
இணையத்தளம்	dohahamadairport.com
ஓடுபாதைகள்
திசை நீளம் மேற்பரப்பு மீட்டர் அடி 16R/34L 4,250 13,944 ஆஸ்பால்ட் 16L/34R 4,850 15,912 ஆஸ்பால்ட்
புள்ளிவிவரங்கள் (2019)
பயணி போக்குவரத்து 38,786,422 12.4% விமானப் போக்குவரத்து 232,917 5.6%
மூலம்: ஹமாத் பன்னாட்டு வானூர்தி நிலையம் SkyVector

விமான சேவை துவக்கம்

இவ்விமான நிலையம் துவங்குவதற்கு முன் தோஹா சர்வதேச விமான நிலையம் கத்தாரின் முதன்மை விமான நிலையமாக இருந்த‌து. முன்னர் நியூ தோஹா சர்வதேச விமான நிலையம் (NDIA) என அறியப்பட்ட ஹமாத் சர்வதேச விமான நிலையம் முதலில் 2008 இல் திறக்க திட்டமிடப்பட்டது. ஆனால் தொடர்ச்சியான தாமதங்களுக்குப் பிறகு, இறுதியாக 30 ஏப்ரல் 2014 அன்று சம்பிரதாயமான கத்தார் ஏர்வேஸ் விமானம் அருகிலுள்ள தோஹா சர்வதேச விமான நிலையத்திலிருந்து வந்து தரையிறங்கியது.

பெயர் சூட்டல்

கத்தார் ஏர்வேஸ் மற்றும் அனைத்து பிற விமான நிறுவனங்களும் 27 மே 2014 அன்று புதிய விமான நிலையத்திற்கு முறையாக இடம் பெயர்ந்தன. இந்த விமான நிலையத்திற்கு கத்தாரின் முந்தைய அமீரான ஹமாத் பின் கலீஃபா அல் தானியின் பெயர் சூட்டப்பட்டது.