ஹிஸ்ட்ரி ஆஃப் வுமன் சஃப்ரேஜ்
ஹிஸ்ட்ரி ஆஃப் வுமன் சஃப்ரேஜ் (History of Woman Suffrage) எலிசபெத் கேடி ஸ்டாண்டன், சூசன்பிரவுன் அந்தோனி பி.அந்தோனி, மாடில்டா ஜோஸ்லின் கேஜ் மற்றும் ஐடா ஹஸ்டட் ஹார்பர் ஆகியோரால் தயாரிக்கப்பட்ட ஒரு நூல் ஆகும். 1881 முதல் 1922 வரை ஆறு தொகுதிகளாக வெளியிடப்பட்ட பெண் வாக்குரிமை வரலாறு பற்றிய நூல் ஆகும். இது முதன்மையாக அமெரிக்காவில் பெண்கள் வாக்குரிமை இயக்கத்தின் வரலாற்றினை மையமாகக் கொண்டது. இதில் மொத்தம் 5700 பக்கங்களுக்கும் மேலாக உள்ளது. 1920 ஆம் ஆண்டில் அமெரிக்காவில் பெண்களுக்கு வக்குரிமையை வழங்கிய அமெரிக்க அரசியலமைப்பின் பத்தொன்பதாம் திருத்தத்தை அங்கீகரிப்பதன் மூலம், அதன் ஆரம்பத்தில் இருந்தே பெண்கள் வாக்குரிமை இயக்கம் பற்றிய முதன்மை ஆவணங்களுக்கான முக்கிய ஆதாரமாக உள்ளது. இந்த நூல் ஸ்டாண்டன் மற்றும் அந்தோனி தலைமையிலான இயக்கத்தின் பிரிவின் கண்ணோட்டத்தில் எழுதப்பட்டது, அதன் போட்டி குழுக்கள் மற்றும் தனிநபர்களின் உள்ளடக்கம் குறைவாக இதில் இடம் பெற்றுள்ளதாகவும் கருதப்படுகிறது.
இத்திட்டம் லாபம் ஈட்ட வாய்ப்பில்லை என்பதை உணர்ந்த அந்தோணி 1885 ல் ஒரு விருப்புறுதி மூலம் பணத்தை மற்ற எழுத்தாளர்களிடமிருந்தும், ஏற்கனவே வழங்கப்பட்ட இரண்டு தொகுதிகளின் வெளியீட்டாளரிடமிருந்தும் உரிமைகளைப் பெற பயன்படுத்தினார். தனி உரிமையாளராக, அவர் புத்தகங்களை தானே வெளியிட்டார் மற்றும் பல பிரதிகளை நூலகங்கள் மற்றும் செல்வாக்கு உள்ளவர்களுக்கு வழங்கினார். அவரது விருப்பப்படி, அந்தோனி அனைத்து தொகுதிகளுக்கான தட்டுகளையும் தேசிய அமெரிக்க பெண் வாக்குரிமை சங்கத்திற்கு ஏற்கனவே உள்ள தொகுதிகளுடன் வழங்கினார்.
உருவாக்கம், வெளியிடுதல்
தொகுதேசிய பெண் வாக்குரிமை சங்கத்தின் (NWSA) தலைவர்கள் சூசன் பிரவுண் அந்தோனி மற்றும் எலிசபெத் கேடி ஸ்டாண்டன் ஆகியோர் 1876 இல் பெண்கள் வாக்குரிமை இயக்கத்தின் வரலாற்றை எழுதும் திட்டத்தை தொடங்கினர். அடுத்த பத்தாண்டுகளில் இந்த திட்டம் அவர்களின் வாழ்க்கையில் ஆதிக்கம் செலுத்தியது, இருப்பினும் குறிப்பாக அந்தோனி விரிவுரை மற்றும் பிற பெண்களின் வாக்குரிமை நடவடிக்கைகளின் தொடர்ச்சியான அட்டவணையை பராமரித்தார். முதலில் எழுதுவதற்கு நான்கு மாதங்கள் மட்டுமே எடுக்கும் ஒரு சாதாரணமான வெளியீடாக இருக்கும் என கருதப்பட்டது, [1] ஆனால் இதனை எழுதுவதற்கு 41 வருடங்கள் ஆனது, மொத்தம் 5700 பக்கங்களுக்கும் அதிகமான படைப்பாக உருவெடுத்தது. 1902 மற்றும் 1906 இல் ஸ்டான்டன் மற்றும் அந்தோனியின் மரணத்திற்குப் பிறகு, 1922 ஆம் ஆண்டில் இந்த நூலின் படைப்பு நிறைவடைந்தது.
முன்னுரையில் ஆசிரியர்கள் பின்வருமாறு எழுதினர்: "நாங்கள் செய்த பங்களிப்பு எதிர்காலத்தில் வேறு சிலருக்கு இன்னும் முழுமையான வரலாற்றை எழுத உதவும் என்று நம்புகிறோம் 'உலகின் மிக முக்கியமான சீர்திருத்தமாக இது இருக்கும். " [2] முதல் தொகுதி, மேரி உல்சுடன்கிராஃப்ட், பெண்ணின் உரிமைகளுக்கான கொள்கை நிர்ணயம் (1792), இயக்கத்தில் பங்களித்த முன்னோடி பெண்களின் நினைவாக அர்ப்பணிக்கப்பட்டுள்ளது.
இயக்கத்தின் தொடக்கத்திலிருந்து 1885 வரையிலான வரலாற்றை உள்ளடக்கிய முதல் மூன்று தொகுதிகள் ஸ்டான்டன், அந்தோணி மற்றும் மாடில்டா ஜோஸ்லின் கேஜ் ஆகியோரால் எழுதப்பட்டு, திருத்தங்கள் மேற்கொள்ளப்பட்டது. தொகுதி 1 (1848-1861) 1881 ஆம் ஆண்டிலும் தொகுதி 2 (1861-1876) 1882 இல் மற்றும் தொகுதி 3 (1876-1885) 1886 ஆம் ஆண்டுகளில் வெளிவந்தது. [3] கேஜின் செய்தித்தாளான தி நேஷனல் சிட்டிசன் அண்ட் பாலட் பாக்ஸில் சில ஆரம்ப அத்தியாயங்கள் முதலில் தோன்றின. [4]
சான்றுகள்
தொகு- ↑ Harper (1898–1908), Vol. 1, pp. 480-481
- ↑ Stanton, Anthony, Gage, Harper (1881–1922), Vol. 1, p. 8. The quote's author is identified as Wendell Phillips in The Hand Book of the National American Woman Suffrage Association, 1894, Volumes 26–30, p. 170
- ↑ Gordon (2006), Vol. 4, p. xxv. Not all sources agree on the publication date of Volume 2. The copyright dates listed in the first three volumes themselves are 1881, 1881 and 1886 respectively. Anthony's authorized biography, however, says on page 543 that Volume 2 was completed in April 1882.
- ↑ Kelly (2005) "A Little History of The History of Woman Suffrage