ஃபிர்கல் நடனம்
ஃபிர்கல் என்பது பூமிஜ் பழங்குடியினரின் தற்காப்பு கலையோடு இணைந்த நாட்டுப்புற நடனம் ஆகும். ஃபிர்கலின் முக்கிய கருவிகள் வாள், அம்புகள், வில் மற்றும் கேடயங்கள். இது ஜார்க்கண்டின் பொட்கா தொகுதியிலும் இந்தியாவின் ஒடிசாவின் சில பகுதிகளிலும் உள்ள மக்களால் ஆடப்படுகிறது. [1]
தென்னிந்தியாவின் களரிபாய்ச்சல் மற்றும் சீனா மற்றும் ஜப்பானில் தற்காப்புக் கலைகளிலிருந்து அதன் தோற்றம் மற்றும் வடிவங்களை விடவும் பழமையானது, ஆனாலும் ஃபிர்கல் இன்னும் உயிரோட்டமுள்ள தற்காப்புக் கலை அடிப்படையிலான நடன வடிவமாகும். இது முக்கியமாக ஜார்கண்டில் உள்ள சோட்டாநாக்பூர் பகுதியில் உள்ள பூமிஜ் பழங்குடியினரால் நிகழ்த்தப்படுகிறது.
முதலில் பார்க்கும் போது, ஆப்பிரிக்க பழங்குடியினர் ஆடும் மற்ற போர்வீரர் நடனம் போல் ஃபிர்கால் ஆட்டமும் தெரிகிறது. நடன நிகழ்ச்சிகள் முதலில் வேட்டைக் காட்சிகள் மற்றும் தற்காப்புக் காட்சிகளாக இருந்தன, முக்கியமாக ஆண்மையப்படுத்தப்பட்ட காட்சிகளாக ஆரம்பிக்கப்பட்டது. இருப்பினும், காலப்போக்கில், பூம்ஜிகளின் வளர்ந்து வரும் வாழ்க்கை முறை அதன் நடன அசைவுகளை மாற்றியமைக்க வழிவகுத்தது. காலப்போக்கில், நடன அசைவுகள் தைரியத்தின் சடங்கு ரீதியான ஆர்ப்பாட்டமாக இல்லாமல் ஒரு நிதானமான, பொழுதுபோக்கு பயிற்சியாக மாறிவிட்டன. இந்த நடனப் படிகள் பாக் தால், பிர்சா முண்டா தால், பஹல்பானி தால் எனப் பலவிதமாக அழைக்கப்படுகின்றன. இவை பூமிஜ் சமூகம் அனுபவித்த துணிச்சலான விடுதலை மற்றும் சமூகப் போராட்டத்தைக் குறிக்கின்றன. ஆனால், இளைய தலைமுறையினருக்கு இந்த நடனப் படிகள் முற்றிலும் அறிமுகமில்லாததாகத் தெரிவதோடு அன்னியமாகவும் உள்ளது.[2]
ஜாம்ஷெட்பூரை தளமாகக் கொண்ட ஒரு தன்னார்வ தொண்டு நிறுவனமான கலாமந்திர் - தி செல்லுலாய்ட் அத்தியாய கலை அறக்கட்டளையின் (TCCAF) முயற்சிகளுக்கு பின்பாக ஃபிர்கல் ஆட்டம் இன்னமும் ஆடப்பட்டு வருகிறது. பல ஆண்டுகளாக, இந்த அமைப்பு ஃபிர்கலின் மறுமலர்ச்சி மற்றும் மேம்பாட்டிற்காக அயராது உழைத்து வருகிறது. இன்று, ஜார்க்கண்டின் கிழக்கு சிங்பூம் மாவட்டத்தில் உள்ள பொட்கா தொகுதியில் உள்ள ஜனும்திஹ் என்ற ஒரு கிராமத்தில் சுமார் 25 பூமிஜ் பழங்குடி குடும்பங்களின் குழு வாழ்ந்து வருகிறது. அவர்கள் தங்கள் பழங்குடி வழக்கத்தையோ மரபையோ மாற்றாமல் இன்னமும் ஒழுக்கத்தின் மரபுகளைப் பின்பற்றுகிறார்கள். அதன் வழியே ஃபிர்கல் நடனம் வாழ்ந்து வருகிறது. நிபுணர்கள் கூறுகையில், ஃபிர்கல் என்பது, கிர்பான் சுசுனின் (கிர்பான் என்றால் வாள் மற்றும் சுசுன் நடனம்) மாறுபட்ட வடிவம் ஆகும்.[3]
மேலும் பார்க்கவும்
தொகு- ஜார்கண்ட் நாட்டுப்புற நடனங்கள்
- ஒடிசாவின் நாட்டுப்புற நடனங்களின் பட்டியல்
- பூமிஜ்
- பொட்கா தொகுதி
மேற்கோள்கள்
தொகு- ↑ "The last frontier of Firkal martial art of Chotanagpur area – Jharkhand | Tribal Cultural Heritage in India Foundation". indiantribalheritage.org. பார்க்கப்பட்ட நாள் 2022-04-13.
- ↑ "The last frontier of Firkal martial art of Chotanagpur area – Jharkhand | Tribal Cultural Heritage in India Foundation". indiantribalheritage.org. பார்க்கப்பட்ட நாள் 2022-04-13.
- ↑ "The Sunday Tribune - Books". m.tribuneindia.com. பார்க்கப்பட்ட நாள் 2022-04-13.[தொடர்பிழந்த இணைப்பு]
வெளி இணைப்புகள்
தொகுFIRKAL DANCE । NATIONAL TRIBAL FESTIVAL VANAJ 2015 (Video), Desi Cinema Classical, Ministry of tribal affairs, Govt of India, 24 August 2015, பார்க்கப்பட்ட நாள் 25 May 2022