அனில் போர்தியா
அனில் போர்தியா (Anil Bordia) இவர் ஒரு இந்திய கல்வியாளரும், சமூக ஆர்வலரும் மற்றும் முன்னாள் அரசு ஊழியருமாவார். இந்திய கல்வித் துறையில் இவர் செய்த பங்களிப்புகளுக்கு பரவலாக மதிக்கப்படுகிறார். [1] கல்வி மற்றும் இலக்கியத் துறைகளில் கல்வி தொடர்பான துறைகளுக்கு இவர் செய்த சேவைகளுக்காக இந்திய அரசு 2010 ஆம் ஆண்டில் மூன்றாவது மிக உயர்ந்த குடிமக்கள் விருதான பத்ம பூசண் வழங்கி கௌரவித்தது. [2]
சுயசரிதை
தொகுஅனில் போர்தியா 1934 மே 5 அன்று இந்தியப் மத்தியப் பிரதேசத்தின் இந்தூரில் பிறந்தார். உதய்பூரில் உள்ள பாரதிய வித்யா பவனில் பள்ளிப்படிப்பைப் பெற்ற இவர், உதய்பூரில் உள்ள எம். பி. கல்லூரியில் பட்டம் பெற்றார். பின்னர், புனித ஸ்டீபன் கல்லூரியில் முதுகலைப் பட்டம் பெற்றார். 1957 இல் இந்திய ஆட்சிப்பணித் தேர்வில் தேர்ச்சி பெற்றார். [3]
அனில் போர்தியா முன்னாள் இந்திய ஆட்சிப்பணி அதிகாரியான ஒடிமா என்பவரை மணந்தார். இந்த்தம்பதியருக்கு மைத்ரி என்ற ஒரு மகளும் மற்றும் ஸ்ரேயாஸ் என்ற ஒரு மகனும் இருக்கின்றனர். [4] போர்தியா 2012 செப்டம்பர் 2 அன்று, தனது 78 வயதில் மாரடைப்புக் காரணமாக இறந்தார். [5]
இந்திய ஆட்சிப்பணி
தொகுஅனில் போர்தியா 1957 ஆம் ஆண்டில் இந்திய ஆட்சிப்பணியில் சேர்ந்தார். இது ஆட்சிப்பணி வாழ்க்கையில் 35 ஆண்டுகள் நீடித்தது. பணியிலிருந்து ஓய்வு பெறும் வரை 1992 இல் மத்திய கல்வி செயலாளராக இருந்தார். இவரது ஆட்சிப்பணியின்போது, இவர் 1986 இன் கல்வி கொள்கை போன்ற பல பெரிய கல்வித் திட்டங்கள் மற்றும் கொள்கை வகுக்கும் பணிகளில் ஈடுபட்டார். [6] தனது பொதுச் சேவையின் போது, 1977 முதல் 1980 வரை பீகார் கல்வித் திட்டத்தைத் தொடங்கினார். அங்கு இவர் பல தன்னார்வ நிறுவனங்கள், கல்வி நிறுவனங்கள் மற்றும் பொது வள மையங்களை கூட்டி மாநிலத்தில் மொத்த கல்வியறிவை அடைவதற்குப் பணியாற்றினார். பல்வேறு மகளிர் இயக்கங்களின் பங்களிப்பைக் கொண்ட மகளிர் சமக்யா திட்டமான மகளிர் கல்வித் திட்டத்திற்கும் இவர் பின்னணியாக இருந்தார். 1987 ஆம் ஆண்டில், ராஜஸ்தான் மாநிலத்தில் இருந்து கல்லாமையை ஒழிப்பதற்கான ஷிகா கர்மி திட்டத்தை இவர் தொடங்கினார். இந்த திட்டத்தின் கீழ், உள்ளூரில் பயிற்சி பெற்ற ஆசிரியர்களைக் கொண்ட சமூக கண்காணிப்பு பள்ளிகள் அறிமுகப்படுத்தப்பட்டன. இது மாநிலத்தில் ஆரம்பக் கல்வியை உலகமயமாக்குவதில் வெற்றிகரமாக இருப்பதாக அறிவிக்கப்பட்டது.
சமூக செயல்பாடு
தொகு1992 இல் அரசுப் பணியிலிருந்து ஓய்வு பெற்ற பின்னர், அனில் போர்தியா இளம் கல்வியறிவற்றவர்களுக்கான கல்வித் திட்டத்தைத் தொடங்கினார். அதை இவர் கருத்தாக்கம் செய்து ராஜஸ்தானில் லோக் ஜும்பிஷ் என்று பெயரிட்டார். இவர் 1999 வரை இந்த திட்டத்தை வழிநடத்தினார். மேலும் இது மிகவும் வெற்றிகரமான முயற்சி என்று கூறப்பட்டது. [7] 2001 ஆம் ஆண்டில், போர்தியா இளைஞர்களின் கல்வி மற்றும் வளர்ச்சி இலக்காகக் கொண்ட மற்றொரு இயக்கம், தூஸ்ரா தசக் என்பதைத் தொடங்கியுள்ளது.
தொடக்கக் கல்வியின் உலகளாவியமயமாக்கலை அடைய கட்டாயப்படுத்தப்பட்ட அரசாங்கத் திட்டமான அனைவருக்கும் இடைநிலைக் கல்வியுடன் கட்டாயக்கல்வி உரிமையின் விதிமுறைகள் மற்றும் உத்திகளை ஒத்திசைப்பதற்கான பரிந்துரைகளுடன் விரிவான அறிக்கையை சமர்ப்பிக்கும் கல்விக்கான உரிமை குழுவுக்கு இவர் தலைமை தாங்கினார், இதனால் செயல்பாட்டு ஒத்துழைப்புகள் அடையப்படுகிறது. சமுதாயத்தில் பெண்களின் பங்கு மற்றும் ஆரம்பக் கல்வியில் பெண்கள் பங்கேற்பது குறித்தும் இவர் குரல் கொடுத்தார். [8]
விருதுகள் மற்றும் அங்கீகாரங்கள்
தொகுஅனில் போர்தியாவுக்கு 2010 ஆம் ஆண்டில் பத்ம பூசண் விருது வழங்கப்பட்டது. புனித ஸ்டீபன் கல்லூரியில் இவரது ஆசிரியரான பேராசிரியர் முகமது அமினுடன், விருது பெற்றவர்களுக்கு ஒரு பாராட்டு விழாவாக கொண்டாடப்பட்டது. [9]
குறிப்புகள்
தொகு- ↑ "Eminent educationist, activist, former civil servant Anil Bordia passes away". Chennai. 4 September 2006. http://www.thehindu.com/todays-paper/tp-national/eminent-educationist-activist-former-civil-servant-anil-bordia-passes-away/article3856351.ece. பார்த்த நாள்: 31 December 2015.
- ↑ Ministry of Home Affairs (25 January 2010). "This Year's Padma Awards announced". New Delhi: Press Information Bureau, Government of India. பார்க்கப்பட்ட நாள் 31 December 2015.
- ↑ "Eminent educationist, activist, former civil servant Anil Bordia passes away". தி இந்து (Chennai). 4 September 2006. http://www.thehindu.com/todays-paper/tp-national/eminent-educationist-activist-former-civil-servant-anil-bordia-passes-away/article3856351.ece. பார்த்த நாள்: 31 December 2015.
- ↑ "Noted academician Anil Bordia passes away". பிசினஸ் ஸ்டாண்டர்ட். 3 September 2012. http://www.business-standard.com/article/pti-stories/noted-academician-anil-bordia-passes-away-112090300414_1.html. பார்த்த நாள்: 31 December 2015.
- ↑ "Eminent educationist, activist, former civil servant Anil Bordia passes away". தி இந்து (Chennai). 4 September 2006. http://www.thehindu.com/todays-paper/tp-national/eminent-educationist-activist-former-civil-servant-anil-bordia-passes-away/article3856351.ece. பார்த்த நாள்: 31 December 2015.
- ↑ "Eminent educationist, activist, former civil servant Anil Bordia passes away". தி இந்து (Chennai). 4 September 2006. http://www.thehindu.com/todays-paper/tp-national/eminent-educationist-activist-former-civil-servant-anil-bordia-passes-away/article3856351.ece. பார்த்த நாள்: 31 December 2015.
- ↑ . Chennai.
- ↑ "Eminent educationist, activist, former civil servant Anil Bordia passes away". தி இந்து (Chennai). 4 September 2006. http://www.thehindu.com/todays-paper/tp-national/eminent-educationist-activist-former-civil-servant-anil-bordia-passes-away/article3856351.ece. பார்த்த நாள்: 31 December 2015.
- ↑ . Chennai.
வெளி இணைப்புகள்
தொகு- Kumar, Krishna. "In Memoriam Anil Bordia 1934-2012". பார்க்கப்பட்ட நாள் 7 August 2014.
- Das, Achyut. "Obituary - Mr. Anil Bordia , Educationist and former Secretary of Ministry of Education passed Away". பார்க்கப்பட்ட நாள் 7 August 2014.
- "List of publications on Amazon". பார்க்கப்பட்ட நாள் 8 August 2014.
- JP Naik Memorial Lecture highlights - "Current education policy irrelevant, says ex-bureaucrat". Sakal Times (Pune: Sakal Media Group). 6 April 2011. http://www.sakaaltimes.com/NewsDetails.aspx?NewsId=5372726986832147679&SectionId=5171561142064258099&SectionName=Pune&NewsDate=20110406&. பார்த்த நாள்: 31 December 2015.
- Shiksha Karmi (Education Worker) and Lok Jumbish (People's Movement) Initiatives - "Partnerships in Education: Shiksha Karmi and Lok Jumbish, Rajasthan" (PDF). National Resource Cell for Decentralized District Planning (NRCDDP). பார்க்கப்பட்ட நாள் 31 December 2015.