அலெப்போ ஆளுநரகம்

சிராயாவின் ஆளுநரகம்

அலெப்போ பிரதேசம் (Aleppo Governorate, அரபு மொழி: محافظة حلب / ALA-LC : Muḥāfaẓat Ḥalab /   ) என்பது சிரியாவின் பதினான்கு ஆளுநரகங்களில் (மாகாணங்களில்) ஒன்றாகும். இது சிரியாவின் அதிக மக்கள் தொகை கொண்ட ஆளுநரகமாகுமாக 4,868,000 க்கும் அதிகமான மக்கள்தொகையுடன் (2011 கணக்கீடு) உள்ளது. இது சிரியாவின் மொத்த மக்கள் தொகையில் கிட்டத்தட்ட 23% ஆகும். ஆளுநரகத்தின் பரப்பளவு 18,482 km2 (7,136 sq mi) ஆகும். இது சிரியாவின் ஆளுநரகங்களில் பரப்பளவில் ஐந்தாவது இடத்தில் உள்ளது. [1] மேலும் இது நாட்டின் மொத்த பரப்பளவில் சுமார் 10% ஐ கொண்டுள்ளது. இதன் தலைநகரமாக அலெப்போ நகரம் உள்ளது. இந்த ஆளுநரகமானது நாடாளுமன்றத்தில் 52 பிரதிநிதிகளைக் கொண்டுள்ளது (250 பேரில்), இவர்களில் 20 பேர் அலெப்போ நகரத்திலிருந்து தேர்ந்தெடுக்கப்படுகின்றனர்.

இதுலிபு ஆளுநரகத்துடன் சேர்ந்து, அலெப்போ ஆளுநரகமானது சிரியாவின் வடக்கு பிராந்தியமாக உள்ளது. வரலாற்று ரீதியாக, வடக்குப் பகுதியானது சிரியாவில் மிகவும் வளமானதாகவும், அதிக மக்கள் அடர்த்தி கொண்டதாகவும் இருந்தது. அலெப்போவின் ஆளுநரகமானது சிரியாவின் மிகுதியான எண்ணிக்கையிலான நகரங்கள் (32 நகரங்கள்), கிராமங்கள் (1,430 கிராமங்கள்) மற்றும் பண்ணைகள் (1,424 பண்ணைகள்) ஆகியவற்றைக் கொண்டதாக உள்ளது. இதை சிரியாவில் (ரிஃப் டிமாஷ்க் கவர்னரேட்டில் 28 நகரங்கள், 190 கிராமங்கள் மற்றும் 82 பண்ணைகளுடன் ஒப்பிடுக). சிரியாவில் மற்ற இடங்களை விட வடக்கு பிராந்தியத்தில் ஏன் அதிக எண்ணிக்கையிலான தொல்லியல் இடங்கள் உள்ளன என்பதையும் இது விளக்குகிறது. [2]

எல்லைகள் மற்றும் நிலக்காட்சிதொகு

இந்த ஆளுநரகமானது துருக்கியின் கிலிஸ், காசியான்டெப் மற்றும் சான்லூர்பா மாகாணங்களுடன் 221 கிலோமீட்டர் (137 மைல்) நீளமான வடக்கு எல்லையைக் கொண்டுள்ளது. மேற்கில் அலெக்ஸாண்ட்ரெட்டாவின் சஞ்சக் (துருக்கியுடன் பிணக்கு ) மற்றும் இதுலிபு மாகாணம் ஆகியவை உள்ளன. தெற்கே ஹமா ஆளுநரகம் யூப்ரடீஸ் ஆறு கிழக்கு எல்லையின் தெற்குப் பகுதியின் பெரும்பகுதியை ரக்கா ஆளுநரகத்தைக் கொண்டுள்ளது.

இந்த ஆளுநரகமானது அலெப்போ பீடபூமி என்று அழைக்கப்படும் ஒரு பீடபூமியில் உள்ளது . ஆளுநரகத்தின் கிழக்கு மற்றும் வடக்கு எல்லைகள் பீடபூமியின் கிழக்கு மற்றும் வடக்கு எல்லைகளை தோராயமாக ஒத்திருக்கின்றது. இருப்பினும் ஆளுநரகத்தின் வடகிழக்கு பகுதி யூப்ரடீஸ் பள்ளத்தாக்கைக் கடந்து ஜசாரா பீடபூமிக்குள் நுழைகிறது. ஆளுநரகத்தின் தென்கிழக்கு முனை வடக்கு சிரிய பாலைவனத்தின் வறண்ட புல்வெளியுடன் தொடர்ந்து உள்ளது. தெற்கே ஹமாவின் கிழக்கு சமவெளிகளும், தென்மேற்கில் இட்லிப்பின் வடக்கு சமவெளிகளும் உள்ளன.

நிலப்பரப்பின் சராசரி உயரம் 379 மீட்டர்கள் (1,243 ft) என்று உள்ளது. மேற்பரப்பு படிப்படியாக வடக்கு-தெற்கு மற்றும் மேற்கு-கிழக்கு திசைகளில் சாய்ந்து செல்கிறது. தாழ்நிலங்கள் ஒருங்கிணைந்த பாலியோசோயிக் மற்றும் மெசோசோயிக் வண்டல்களால் மூடப்பட்டுள்ளன. அவை முழு மேற்பரப்பிலும் சராசரியாக 4-5 கி.மீ தடிமன் கொண்டவை. [3]

 
வடக்கு சிரியாவின் புவியியல் அம்சங்கள்

யூப்ரடீஸ் வடிநிலத்தில் தொடங்கும், நிலப்பரப்பானது மன்பீஜ் சமவெளியை உருவாக்கி மீண்டும் அலெப்போ ஆளுநரகத்தின் கிழக்கில் உள்ள தஹாப் நதி பள்ளத்தாக்கில் கீழிறங்குகிறது. தஹாப் ஆறானது வடக்கில் உயரமான நிலப்பகுதிகளில் பாய்கிறது மேலும் வடக்கு-தெற்கு திசையில் சுமார் 50 km (31 mi) ஓடுகிறது இது இறுதியில் ஜப்பாவுள் ஏரிக்குச் சென்று சேருகிறது. தஹாப் பள்ளத்தாக்கின் மேற்கே நிலப்பரப்பு மீண்டும் எழுந்து பாபிற்கு மேற்கே அகால் (டெய்மர் மவுண்ட்) மற்றும் ஜப்பாவுள் ஏரிக்கு மேற்கே பாப் மற்றும் ஜாஸ் மலையால் மேலெழுகிறது. அதன் பிறகு நிலப்பரப்பு மீண்டும் கீழிறங்கி குவாக் ஆற்று வடிநிலத்தை உருவாக்குகிறது. குவாக்கின் இறுதி நிலப்பகுதியானது, மத்க் சதுப்பு நிலம் ( 249 மீட்டர்கள் (817 ft) ) ஆகும். இதுவே அலெப்போ ஆளுநரகத்தில் கடல்மட்டத்தில் இருந்து மிகக் குறைந்த உயரத்தில் உள்ள பகுதியாகும். குவாக்கின் மேற்கே சிமியோன் மலை உள்ளது . சிமியோன் மலையின் தெற்கே இதுலிபு சமவெளி. சிமியோன் மலையின் மேற்கே அஃப்ரான் ஆறு பாய்கிறது. நதியின் மேற்கில் அஃப்ரான் நிலம் மீண்டும் உயர்ந்து குர்த் மலையை உருவாக்குகிறது. ஆளுநரின் மிக உயரமான இடம், புல்பூல் மலை ( 1,269 மீட்டர்கள் (4,163 ft) ), இது குர்த் மலையின் வடக்கு பகுதியில் அமைந்துள்ளது. சிஃப்மோன் மலைக்கும் குர்த் மலைக்கும் இடையில் வடக்கிலிருந்து தெற்கே ஓடும் இஃப்ரான் ஆறு, பின்னர் மேற்கே ஓரோண்டஸ் பள்ளத்தாக்குக்குத் திரும்புகிறது, இதனால் குர்த் மலையை ஜரிம் மலையிலிருந்து தெற்கே பிரிக்கிறது.

குறிப்புகள்தொகு

  1. "History of Aleppo" (Arabic). மூல முகவரியிலிருந்து 2013-07-23 அன்று பரணிடப்பட்டது.
  2. Phenix, Robert R. (2008) The sermons on Joseph of Balai of Qenneshrin
  3. Abd as-Salam, Adil (1991) General Geography of Syria (Arabic)
"https://ta.wikipedia.org/w/index.php?title=அலெப்போ_ஆளுநரகம்&oldid=2869946" இருந்து மீள்விக்கப்பட்டது