அலோக் அகர்வால்
அலோக் அகர்வால் (Alok Agarwal) (பிறப்பு: 1967 ஆகஸ்ட் 25) ஒரு இந்திய சமூக ஆர்வலரும் ஆம் ஆத்மி கட்சியுடன் தொடர்புடைய அரசியல் தலைவருமாவார்.[1] இவர், கட்சியின் மத்திய பிரதேச மாநில ஒருங்கிணைப்பாளராகவும்,[2] தேசிய செயற்குழு உறுப்பினராகவும் உள்ளார். 1990ஆம் ஆண்டில், இவர் "நர்மதா பச்சாவ் அந்தோலன்" என்ற திட்டத்தில் சேர்ந்தார்,[3] கடந்த மூன்று தசாப்தங்களாக, அணைகள் கட்டுவதற்கு எதிராக பழங்குடியினர், விவசாயிகள், சுற்றுச்சூழல் ஆர்வலர்கள் மற்றும் மனித உரிமை தொழிலாளர்கள் ஆகியோரின் இந்த சமூக இயக்கத்தையும் போராட்டத்தையும் கட்டியெழுப்புவதில் ஒரு முக்கியச் செயல்பாட்டாளராக இருந்து வருகிறார். மத்திய இந்தியாவில் நருமதை ஆற்றின் குறுக்கே கட்டப்பட்டு வரும் அணைகளால் இடம்பெயர்ந்த மில்லியன் கணக்கான விவசாயிகள் மற்றும் பழங்குடியினருக்கான உரிமைகள் மற்றும் மேம்பட்ட மறுவாழ்வு ஆகியவற்றிற்காகவும் போராடி வருகிறார். ஜனவரி 2014 முதல், இவர் ஆம் ஆத்மி கட்சியின் 2014 மக்களவைத் தேர்தலில் மத்திய பிரதேசத்தில் உள்ள காண்டுவா நாடாளுமன்றத் தொகுதியில் போட்டியிட்டார்.
| அலோக் அகர்வால் | |
|---|---|
 | |
| தாய்மொழியில் பெயர் | आलोक अग्रवाल |
| பிறப்பு | 25 ஆகத்து 1967 இலக்னோ, உத்தரப் பிரதேசம், இந்தியா |
| படித்த கல்வி நிறுவனங்கள் | Indian Institute of Technology, Kanpur (BTech) |
| பணி | சமூகச் செயல்பாடு |
| செயற்பாட்டுக் காலம் | 1989 - தற்போது வரை |
| அறியப்படுவது | மத்திய பிரதேசத்தின் காண்டுவா மாவட்டத்தில் தண்ணீர் சத்தியாகிரகம், பழங்குடியினர் நடத்து மாநில அளவிலான போராட்டத்துக்கு ஆதரவு |
| குறிப்பிடத்தக்க படைப்புகள் | நர்மதா பள்ளத்தாக்கு அணை திட்டத்தின் வெளியேற்றப்பட்டவர்களின் எதிர்காலத்தைப் பாதுகாத்தல் |
| பாணி | சத்யாகிரகம், அகிம்சை, ஒத்துழையாமை |
| அரசியல் கட்சி | ஆம் ஆத்மி கட்சி |
ஆரம்பகால வாழ்க்கையும் கல்வியும்
தொகுஅலோக் அகர்வால் 25 ஆகஸ்ட் 1967இல் ஒரு ஓய்வு பெற்ற அரசு கால்நடை மருத்துவருக்கு மகனாகப் பிறந்தார். ஆரம்ப நாட்களில் இவரது தந்தையின் பணி காரணமாக, இவரது பள்ளிப்படிப்பும் வளர்ப்பும் பல்வேறு இடங்களில் இருந்தது. 1989 ஆம் ஆண்டில் கான்பூரின் இந்திய தொழில் நுட்பக் கழகத்திலிருந்து வேதியியல் பொறியியலில் தனது இளங்கலை தொழில்நுட்பத்தைப் பெற்றார். அலோக் திருமணமாகாதவர், மத்திய பிரதேசத்தின் காண்டுவாவில் வசிக்கிறார்.
சமூகப் பணி
தொகுநர்மதா பச்சாவ் அந்தோலன்
தொகு2012 ஆம் ஆண்டில், இவரும் இவரது சகாக்களும் சேர்ந்து நடத்திய 17 நாள் தண்ணீர் சத்தியாக்கிரகத்திற்கு பதிலளிக்கும் விதமாக, அரசாங்கம் ஓம்காரேசுவர் அணையின் அளவை 189 மீட்டர் வரை வைத்திருந்தது
செப்டம்பர் 2013 இல், இந்திரசாகரின் உயரத்தை 260 மீட்டராக பராமரிக்க வேண்டும் என்ற கோரிக்கையை வலியுறுத்த மத்திய மாநிலத்தின் மூன்று மாவட்டங்களான காண்டுவா, தேவாஸ் ,ஹர்தா ஆகிய இடங்களில் மற்றொரு தண்ணீர் சத்தியாக்கிரகத்தை நர்மதா பச்சாவ் அந்தோலன் குழு வழிநடத்தியது.[4][5] ஏப்ரல் 2015 இல், காண்டுவா மாவட்டத்தில் மற்றொரு தண்ணீர் சத்தியாக்கிரகமும் தொடங்கியது.
அலோக் அகர்வால் நீர் மற்றும் மின்சாரத்தை தனியார்மயமாக்குவதற்கு எதிராக செயல்பட்டு வருகிறார். 2003ஆம் ஆண்டில், இவரது நர்மதா பச்சாவ் அந்தோலன் குழு மாநிலம் தழுவிய "பிஜ்லி பச்சாவ்-ஆசாதி பச்சாவ்" இயக்கத்தில் [6] ஜான் சங்கர்ஷ் மோர்ச்சா ( மத்திய பிரதேசத்தின் பல சமூக இயக்கங்களின் கூட்டமைப்பு) ஏற்பாடு செய்தது. இதேபோல், தண்ணீரை தனியார்மயமாக்குவதற்கு எதிராக செயல்படும் அமைப்புகளும் இவரிடமிருந்து தீவிர ஆதரவைப் பெற்று வருகின்றன. பிராந்தியத்தின் விவசாயிகள், பழங்குடியினர் மற்றும் தொழிலாளர்கள் எதிர்கொள்ளும் பல வகையான பிரச்சினைகளுக்கு பதிலளிக்க ஒரு பொதுவான முன்னணியின் அவசியத்தை கருத்தில் கொண்டு, இவரது குழு "நிமர் - மால்வா கிசான் மஜ்தூர்" அமைப்பை உருவாக்க உதவியது.[7]
பழங்குடியினர் பகுதிகளில் நீர் கிடைப்பதை உறுதி செய்வதற்காக நீர் சேகரிப்புத் திட்டங்களுக்கும் அலோக் தலைமை தாங்கினார். குஜராத் பூகம்பத்திற்குப் பிறகு இவரது சக ஊழியர்களுடன் சேர்ந்து இவர் ஒரு மாதம் மறுவாழ்வு மற்றும் நிவாரணப் பணிகளில் செலவிட்டார்.
அரசியல் வாழ்க்கை
தொகு
ஜனவரி 2014 இல், அலோக் அகர்வால் ஆம் ஆத்மி கட்சியில் சேர்ந்தார். 2014 ஆம் ஆண்டில் காண்டுவா மக்களவைத் தொகுதியிலிருந்து தேர்தலில் போட்டியிட்டார். தேர்தலின் போது ஆம் ஆத்மி கட்சியின் மத்திய பிரதேச பிரச்சாரக் குழுவின் ஒருங்கிணைப்பாளராக இருந்தார். தற்போது, ஆம் ஆத்மி கட்சியின் தேசிய செய்தித் தொடர்பாளராகவும் மத்திய பிரதேசத்தின் ஆம் ஆத்மி கட்சியின் ஒருங்கிணைப்பாளராக இருக்கிறார்.
15 ஜூலை 2018 அன்று அரவிந்த் கெஜ்ரிவால், சட்டமன்றத் தேர்தலுக்காக ஆம் ஆத்மி கட்சியைச் சேர்ந்த முதலமைச்சர் வேட்பாளராக இவரை றிவித்தார்.
மேற்கோள்கள்
தொகு- ↑ "Aam Aadmi Party". Aam Aadmi Party (in அமெரிக்க ஆங்கிலம்). பார்க்கப்பட்ட நாள் 2018-07-22.
- ↑ "Home - Official Website of AAP Madhya Pradesh". Official Website of AAP Madhya Pradesh (in அமெரிக்க ஆங்கிலம்). Archived from the original on 2018-07-22. பார்க்கப்பட்ட நாள் 2018-07-22.
- ↑ "NBA PRESS RELEASE: 5 November". www.narmada.org. Archived from the original on 2018-08-09. பார்க்கப்பட்ட நாள் 2018-07-22.
- ↑ Dogra, Bharat (15 September 2013). "The water warriors". The Hindu. பார்க்கப்பட்ட நாள் 10 April 2015.
- ↑ "Huge Rally of Narmada Dam Oustees in Bhopal: Jeevan Adhikar Satyagraha and Upwaas begins with Demand for Rehabilitation and Resettlement". Kafila. 30 June 2013. Archived from the original on 18 ஜூன் 2015. பார்க்கப்பட்ட நாள் 10 April 2015.
{{cite web}}: Check date values in:|archive-date=(help) - ↑ Palit, Chittaroopa; Verma (15 November 2002). ""Bijli Bachao - Azadi Bachao yatra" organized by Jan Sangarsh Morcha begins in Indore today; MPSEB must withdraw petition: People will struggle until government concedes". Friends of River Narmada. Archived from the original on 3 March 2016. பார்க்கப்பட்ட நாள் 10 April 2015.
- ↑ "Refugees of DEVELOPMENT and DE RESERVATION". India Times. 2015. Archived from the original on 19 April 2015. பார்க்கப்பட்ட நாள் 10 April 2015.