இரத்னவேல் பாண்டியன் சுப்பையா

(நீதியரசர்) ரத்னவேல் பாண்டியன் சுப்பையா மதராசு உயர் நீதிமன்றத்தில் பணியமர்வு நீதிபதி ஆவார். நீதிபதி சுப்பையா தமிழ்நாடு மாநிலச் சட்ட சேவைகள் ஆணையத்தின் நிர்வாகத் தலைவராகவும் உள்ளார். அவர் மார்ச் 24, 2008 அன்று மெட்ராஸ் உயர் நீதிமன்ற நீதிபதியாக வழக்கறிஞர் பட்டியல் தொகுப்பில் இருந்து உயர்த்தப்பட்டார்.

மாண்புமிகு நீதியரசர் மதராசு உயர் நீதிமன்றம் நீதியரசர் சுப்பையா
தலைவர், மாநில சட்ட சேவைகள் ஆணையம், மதராசு உயர் நீதிமன்றம்.
மதராசு உயர் நீதிமன்றம்
பரிந்துரைப்பு	பிரதிபா பாட்டீல், முன்னாள் இந்திய குடியரசுத் தலைவர்
இரண்டாம் நீதிபதி உயர் நீதிமன்றம்
நியமிப்பு	பிரதிபா பாட்டீல், முன்னால் இந்திய குடியரசுத் தலைவர்
தனிப்பட்ட விவரங்கள்
பிறப்பு	சுப்பையா இரத்னவேல் பாண்டியன் 21 சூன் 1959 (1959-06-21) திருப்புடைமருதூர், தமிழ் நாடு, இந்தியா
முன்னாள் கல்லூரி	மெட்ராஸ் சட்டக் கல்லூரி
வேலை	உயர் நீதிமன்ற நீதிபதி
இணையத்தளம்	hcmadras.nic.in
இந்திய உச்ச நீதிமன்ற நீதியரசர் இரத்தினவேல் பாண்டியனின் மகன்

நீதிபதி சுப்பையா ஓய்வு பெற்ற உச்சநீதிமன்ற நீதிபதி நீதிபதி எஸ்.இரத்னவேல் பாண்டியனின் மகன் ஆவார். நீதிபதி சுப்பையா மதராசு உயர்நீதிமன்றத்தின் கூடுதல் நீதிபதியாக 24 மார்ச் 2008 அன்று இந்திய ஜனாதிபதி பிரதிபா பாட்டீல் அவர்களால் நியமிக்கப்பட்டார்.

ஆரம்ப கால வாழ்க்கை

நீதிபதி சுப்பையா ஜூன் 21, 1959 இல் திருப்புடைமருதூர், திருநெல்வேலி மாவட்டத்தில் பிறந்தார். அவர் உச்ச நீதிமன்ற நீதிபதி எஸ்.ரத்னவெல் பாண்டியனின் மகன் ஆவார்.

மெட்ராஸ் சட்டக் கல்லூரியில், சட்டப் பட்டம் பெற்று தனது பட்டப்படிப்பை முடித்த பின்னர், நீதிபதி சுப்பையா டிசம்பர் 14, 1983 அன்று வழக்கறிஞராக பணியில் சேர்ந்தார்..

வழக்கறிஞர் தொழில்

சுப்பையா மெட்ராஸ் உயர் நீதிமன்றத்தில் அனைத்து வழக்குகளிலும் 23 ஆண்டுகள் பயிற்சி பெற்றார். அரசியலமைப்பு, சிவில், குற்றவியல் மற்றும் சேவை விஷயங்களில் நிபுணத்துவம் பெற்றவர்.

நீதிபதி சுப்பையா பாண்டிச்சேரி தொழில்துறை மேம்பாடு மற்றும் மேம்பாட்டுக் முதலீட்டுக் கழகத்தின் குழு வழக்கறிஞராகப் பணியாற்றினார், மேலும் அவர் சென்னை துறைமுக அறக்கட்டளை மற்றும் சென்னை பாரத் சஞ்சார் நிகம் லிமிடெட் (பி. எஸ். என். எல்) ஆகியவற்றில் குழு வழக்கறிஞராகவும் பணியாற்றினார்.

சுப்பையா தமிழ்நாட்டின் தொழில்துறை மேம்பாட்டுக் கழகம் மற்றும் பல்வேறு அரசு அமைப்புகளுக்கான நிலையான சட்ட ஆலோசகராக பணியாற்றினார், மேலும் அவர் தமிழ்நாட்டின் சிறப்பு அரசு பிலீடர் (சி. எஸ்) ஆகவும் தமிழ் நாடு மாநில அரசுக்காக பணியாற்றினார்.

உயர் நீதிமன்ற நீதிபதி

மெட்ராஸ் உயர் நீதிமன்ற வளாகத்தில் நீதியரசர் ரத்னவேல் பாண்டியன் அவர்கள் நிறுவச் செய்துள்ள மனுநீதிச் சோழன் சிலை. (இறந்து போன கன்றுக்கு நீதி கேட்ட பசுவுக்கு கன்று இறக்க காரணமாக இருந்த தனது மகனை தேர்காலிலிட்டு மரண தண்டனை வழங்கிய சமநீதிச் சோழன் சிலையில் பசு ஆராய்ச்சி மணி அடிக்கும் காட்சி செதுக்கப்பட்டுள்ளது.)

24 மார்ச் 2008 அன்று மெட்ராஸ் உயர்நீதிமன்றத்தின் கூடுதல் நீதிபதியாக நீதிபதி சுப்பையா நியமிக்கப்பட்டார். இந்திய ஜனாதிபதி ஸ்ரீமதி பிரதிபா பாட்டீல் அவரை நியமிக்க வாரண்ட் பிறப்பித்தார்.

நவம்பர் 9, 2009 அன்று மெட்ராஸ் உயர்நீதிமன்றத்தின் நிரந்தர நீதிபதியாக திரு. சுப்பையா நியமிக்கப்பட்டார். நீதிபதி சுப்பையாவின் தந்தையான எஸ்.இரத்னவேல் பாண்டியன் மதராசு உயர் நீதிமன்றத்தின் தலைமை நீதிபதியாக பணி புரிந்தவர் அவார். எஸ்.இரத்னவேல் பாண்டியனின் பதவி காலத்தில் சமநீதி சோழன் சிலை உயர் நீதிமன்ற வளாகத்தில் நிறுவினார்.

முக்கியமான தீர்ப்புக்கள்

ஜான் டியோ உத்தரவு

திரைப்படங்கள், பாடல்கள் போன்ற கலைப் படைப்புகளை உருவாக்கியவரின் அறிவுசார் சொத்துரிமைகளைப் பாதுகாக்க வழங்கப்படும் முன் மீறல் தடை உத்தரவு ஜான் டியோ உத்தரவு ஆகும். ஜான் டியோ உத்தரவானது " ரோலிங் ஆன்டன் பில்லர் உத்தரவு", அல்லது "ஆன்டன் பில்லர் உத்தரவு" அல்லது "அசோக் குமார் உத்தரவு" என்றும் அழைக்கப்படுகிறது.

தம்மு திரைப்படம் தொடர்பான வழக்கில் நீதிபதி சுப்பையா ஜான் டியோ உத்தரவு பிறப்பித்தார். இந்த திரைப்படத்தை கிரியேட்டிவ் கமர்ஷியல்ஸ் மீடியா & என்டர்டெயின்மென்ட் லிமிடெட் உருவாக்கியது. மேலும் பிஎஸ்என்எல் மற்றும் பிற ஐஎஸ்பி ஆகியவர்கள் பதிப்புரிமைகளை மீறுவதைத் தடுப்பதற்கு எதிராக ஜான் டியோ உத்தரவு பிறப்பிக்கப்பட்டது.

ஊழல் சட்டம் உத்தரவு

நீதிபதி சுப்பையா மற்றும் நீதிபதி கிருஷ்ணன் ராமசாமி ஆகியோர் ஒரு பெஞ்சில் அமர்ந்து, புதுச்சேரி சட்டமன்ற உறுப்பினர் ஒருவர், சபாநாயகர் அந்த சட்ட மன்ற உறுப்பினரை தகுதி நீக்கம் செய்த உத்தரவினை எதிர்த்து தாக்கல் செய்த வழக்கினை தள்ளுபடி செய்தனர். சிறப்பு நீதிமன்றத்தில் ஊழல் நிரூபிக்கப்பட்டுள்ளது என்பதைக் கண்டறிந்து மனுதாரர் தாக்கல் செய்த மனுவை பெஞ்ச் நிராகரித்தது, எனவே, மனுதாரர் சட்டமன்ற உறுப்பினராக இருப்பதற்கான இடத்தை இழந்துவிட்டார்.

இணைய வழி சூதாட்ட தடை உத்தரவு

மெட்ராஸ் உயர்நீதிமன்ற நீதிபதியாக அமர்ந்திருந்த சுப்பையா, இணைய வழி சூதாட்ட விளையாட்டுகளை தடைசெய்யும் அரசு ஆணையை தடை செய்ய்ய கோரிய வழக்கை தள்ளுபடி செய்தார். கட்டளைச் சட்டத்தை எதிர்த்து தாக்கல் செய்யப்பட்ட மனு ஒன்றில் இந்த உத்தரவு பிறப்பிக்கப்பட்டது. இணைய வழி சூதாட்டம் மூலம் பல இளைஞர்கள் மற்றும் மாணவர்கள் தங்கள் வருமானத்தை இழந்துவிட்ட நிலையில், இந்த அரசாணை நிறைவேற்றப்பட்டது. ரம்மி ஒரு புத்திசாலித்தனமான விளையாட்டு என்றும் எனவே அது சூதாட்டமல்ல என மனுதாரரின் பக்கத்தில் வாதிடப்பட்டது. ஆனால், இணைய வழி சூதாட்டம் இளைஞர்களின் வாழ்க்கையை கெடுத்துவிட்டது என்று அரசாணையில் ஏற்கனவே தெளிவுபடுத்தி இருந்தது. எனவே, அரசாணை பிரப்பிக்கப்பட்டதன் நோக்கம் மற்றும் பொருள் பற்றி ஆய்வு செய்த பின்னர், நீதிபதி சுப்பையா அந்த மனுவை தள்ளுபடி செய்தார்.

கல்விக்கான உரிமை மீதான உத்தரவு

கல்விக்கான உரிமை சட்டத்தின் கீழ், கல்வி கட்டணம் வசூலிப்பதில் தலையிட மாநில அரசுக்கு உரிமை இல்லை என 'சி. பி. எஸ். சி' பள்ளிகள் தரப்பில் நீதிமன்றத்தில் சவால் விடுக்கப்பட்டது. நீதிபதி சுப்பையா, அமர்வில், கல்வி உரிமைச் சட்டத்தின் பிரிவு 25 ன் கீழ் வசூலிக்கப்பட்ட கட்டணத்தை திருப்பிச் செலுத்த மாநில அரசுக்கு உரிமை உண்டு என்று தீர்ப்பளித்தார். இந்த சட்டம் அனைத்து பள்ளிகளிலும் சமூக அடிப்படியிலும், பொருளாதார அடிப்படியிலும் பலவீனமான பிரிவுகளைச் சேர்ந்த மாணவர்களுக்கு இலவச கல்வியை வழங்குகிறது, மேலும் ஒவ்வொரு பள்ளியும் பலவீனமான பிரிவு மாணவர்களுக்கு இலவச கல்விக்காக மொத்த இடங்களில் 25% ஒதுக்க வேண்டும் என உத்தரவிட்டார். அனைத்து தனியார் உதவி பெறாத பள்ளிகளும் 2009 ஆம் ஆண்டு வரை தங்களது சொந்த கட்டணக் கட்டமைப்பை நிர்ணயித்து வந்தன. ஆனால், நீதிமன்ற உத்தரவுக்குப் பிறகு, கல்விக் கட்டண அமைப்பு முறைப்படுத்தப்பட்டது.

டி. சி. எஸ் நிறுவன ஊழியர் ஆணை

'டி. சி. எஸ்' எனும் தகவல் தொழில்நுட்ப நிறுவனத்தின் ஒரு கர்ப்பிணி பெண் ஊழியர் சேவையிலிருந்து நீக்கப்பட்டார். அவர் உயர்நீதிமன்றத்தில் வழக்குத் தாக்கல் செய்தபோது, ​​நீதிபதி சுப்பையா ஐடி நிறுவனம் அந்த பெண்ணை வேலையில் இருந்து நீக்குவதைத் தடுக்கும் இடைக்கால உத்தரவை பிறப்பித்திருந்தார். பின்னர் ஐ.டி நிறுவனம் ஊழியரின் பணிநீக்க உத்தரவை மீளப் பெற்றது. பின்னர், அந்த பெண் பணியினை தொடர்ந்தார்.