இராபர்ட் வில்லியம் பாயில்
இராபர்ட்டு பாயில் [2] (Robert Boyle, 25 சனவரி 1627 – 31 திசம்பர் 1691) ஓர் ஆங்கிலேய-ஐரிசு இனத்தைச் சார்ந்த இயற்கைத் தத்துவவியலாளர், வேதியியலாளர், இயற்பியலாளர் மற்றும் கண்டுபிடிப்பாளர் ஆவார். இவர் அயர்லாந்து நாட்டில் வாட்டர்போர்டு மாகாணத்தில் உள்ள இலிசுமோர் என்னும் இடத்தில் பிறந்தார். இவர் உலகின் முதல் நவீன வேதியியலாளராகக் கருதப்படுகிறார். நவீன வேதியியலுக்கு அடித்தளம் இட்டவர். நவீன சோதனை அறிவியல் முறையின் முன்னோடிகளில் ஒருவர். ஒரு மூடிய அமைப்பில் உள்ள வளிமத்தின் வெப்பநிலை மாறாதிருக்கும் போது அதன் அழுத்தத்திற்கும் கன அளவுக்கும் உள்ள தொடர்பு எதிர் விகிதத்தில் இருக்கும் என்னும் பாயில் விதியின் மூலம் பிரபலமடைந்தார். இவரது படைப்புகளில் ஒன்றான தி ஸ்கெப்டிகல் கைமிஸ்ட் என்னும் நூல் வேதியியல் துறையில் ஒரு மூல நூலாகக் கருதப்படுகிறது. இவர் இறைபக்தி நிறைந்து விளங்கியவர் என்பதை இறையியல் சார்ந்த அவரது எழுத்துக்கள் மூலம் அறியலாகிறது.
| இராபர்ட்டு பாயில் | |
|---|---|
 இராபர்ட்டு பாயில் (1627–91) | |
| பிறப்பு | 25 சனவரி 1627 இலிசுமோர், வாட்டர்போர்டு கவுண்ட்டி, அயர்லாந்து |
| இறப்பு | 31 திசம்பர் 1691 (அகவை 64) இலண்டன், இங்கிலாந்து |
| தேசியம் | ஐரிசுக்காரர் |
| துறை | இயற்பியல், வேதியியல் |
| கல்வி | ஈட்டன் கல்லூரி |
| குறிப்பிடத்தக்க மாணவர்கள் | இராபர்ட்டு ஊக்கு |
| அறியப்படுவது | |
| பின்பற்றுவோர் | ஐசாக் நியூட்டன்[1] |
இளமைக் காலம்
தொகு1627 சனவரி 25 அன்று இரிச்சர்டு பாயில் மற்றும் கேதரின் பென்றன் (அயர்லாந்து நாட்டின் மாநில செயலராக இருந்த சர் ஜாப்ரி பென்றன் மற்றும் ஆலிஸ் வெஸ்டன் இவர்களின் மகள்) தம்பதியினரின் பதினான்காவது குழந்தையாக அயர்லாந்து நாட்டில், வாட்டர்போர்டு மாகாணத்தில் உள்ள இலிசுமோர் என்னும் இடத்தில் பிறந்தார். இரிச்சர்டு பாயில் அயர்லாந்தில் உள்ள டூடர் தோட்டங்களில் துணை நிர்வாகியாக நியமிக்கப்பட்டதன் காரணமாக 1588ல் இங்கிலாந்திலிருந்து அயர்லாந்துக்கு வந்தார். இரிச்சர்ட்டு பாயில் நில சுவானாக இருந்த காலத்தில் தான் இராபர்ட்டு வில்லியம் பாயில் பிறந்தார். அவர் குழந்தையாக இருந்த போது தன் மூத்த சகோதரர்களைப் போன்று அயர்லாந்து குடும்ப பின்னணியில் வளர்க்கப்பட்டார். பாயில் தனியார் பாடசாலை மூலம் இலத்தீன், கிரேக்கம் மற்றும் பிரெஞ்ச் மொழிகளைக் கற்றுக் கொண்டார். இவர் தனது எட்டாவது அகவையில் தாயை இழந்தார். இவரது தந்தையின் நண்பரான சர்.ஹென்றி வோட்டன் இங்கிலாந்தில் உள்ள ஈட்டன் கல்லூரியில் ஆசிரியராக இருந்ததால் அங்கு அனுப்பி வைக்கப்பட்டார். இக்காலத்தில் இராபர்ட்டு காரே என்னும் தனியார் பயிற்றுநரை ஐரிசு மொழியறிவை இராபர்ட்டு வில்லியம் பாயில் பெற்றுக் கொள்ளுவதற்கு அவரது தந்தை பணி அமர்த்தினார். இருப்பினும் இவருக்கு ஐரிசு மொழியில் ஆர்வம் ஏற்படவில்லை. மூன்று ஆண்டுகள் ஈட்டனில் கழித்த பிறகு பிரெஞ்சு பயிற்றுநருடன் வெளிநாடு சென்றார். 1641ஆம் ஆண்டில் இத்தாலி நாட்டினைப் பார்வையிட்டனர். அந்நாட்களில் வாழ்ந்த கலீலியோ கலிலி என்பவரின் பெரு நட்சத்திரங்களின் முரண்பாடுகள் குறித்து அறிந்து கொள்ளும்படி குளிர்காலத்தில் பிளாரன்ஸ் மாகாணத்தில் தங்கினார்.
விருதுகள்
தொகு
இராயல் சொசைட்டி என்னும் அமைப்பின் நிறுவனர்களுள் ஒருவராய் இருந்த பாயில் 1663-ஆம் ஆண்டில் இவ்வமைப்பிற்குத் தேர்ந்தெடுக்கப்படுகிறார்.[2] பாயில் விதி என்பது இவரது பெயரை ஒட்டி வழங்கப்படுகிறது.
மேற்கோள்கள்
தொகு- ↑ "Philosophical tract from Mr Isaac Newton".. (February 1678). கேம்பிரிச்சுப் பல்கலைக்கழகம். “But because I am indebted to you & yesterday met with a friend Mr Maulyverer, who told me he was going to London & intended to give you the trouble of a visit, I could not forbear to take the opportunity of conveying this to you by him.”
- ↑ 2.0 2.1 "Fellows of the Royal Society". London: Royal Society. Archived from the original on 2015-03-16.
வெளி இணைப்புகள்
தொகு
- Robert Boyle, Internet Encyclopedia of Philosophy
- ஆக்கங்கள் இராபர்ட் வில்லியம் பாயில் இணைய ஆவணகத்தில்
- Readable versions of Excellence of the mechanical hypothesis, Excellence of theology, and Origin of forms and qualities
- Robert Boyle Project, Birkbeck, University of London
- Summary juxtaposition of Boyle's The Sceptical Chymist and his The Christian Virtuoso
- The Relationship between Science and Scripture in the Thought of Robert Boyle
- Robert Boyle and His Alchemical Quest : Including Boyle's "Lost" Dialogue on the Transmutation of Metals, Princeton University Press, 1998, பன்னாட்டுத் தரப்புத்தக எண் 0-691-05082-1
- Robert Boyle's (1690) Experimenta et considerationes de coloribus – digital facsimile from the Linda Hall Library