இறைவன் மிகப்பெரியவன் (திரைப்படம்)

இறைவன் மிகப்பெரியவன், அமீர் இயக்கத்தில் வெளிவர உள்ள தமிழ்த் திரைப்படம் ஆகும். இப்படத்தின் கதையை இயக்குநர் வெற்றிமாறன் மற்றும் தங்கம் எழுதியுள்ளனர். இப்படத்தின் தயாரிப்பாளர் ஜாபர் சாதிக் திமுகவின் முன்னாள் நிர்வாகி ஆவார். ஜாபர் சாதிக்கின் சகோதரர் முகமது சலீம் இப்படத்தின் கதாநாயகன் ஆவர்.

படப்பிடிப்பு நிறுத்தம்

இத்திரைப்படத்தின் இறுதி கட்டப் படப்பிடிப்பு நடந்து கொண்டிருக்கையில், இதன் தயாரிப்பாளரான ஜாபர் சாதிக் போதைப் பொருள் கடத்தல் வழக்கில் தில்லியில் வைத்து கைது செய்யப்பட்டதால், படப்பிடிப்பில் தடை ஏற்பட்டுள்ளது. இத்திரைப்படம் பாதியில் நின்றது குறித்து இயக்குநர் அமீர் அறிக்கை வெளியிட்டுள்ளார்.

வழக்கு

18 செப்டம்பர் 2024 அன்று இத்திரைப்பட தயாரிப்பாளர் ஜாபர் சாதிக், கதாநாயகன் முகமது சலீம் மற்றும் இயக்குநர் அமீர் உள்ளிட்ட 12 பேர் மீது சட்டவிரோத பணப்பரிமாற்ற வழக்கில், அமலாக்க இயக்குனரகம், சென்னை முதன்மை அமர்வு நீதிமன்றத்தில் குற்றப் பத்திரிக்கை தாக்கல் செய்தது.