இலவங்கப்பட்டை பறவை
இலவங்கப்பட்டை பறவை (cinnamon bird), சினமோலோகசு, சினோமோல்கசு அல்லது சின்னமோல்கசு என்றும் அழைக்கப்படும் பறவை தொன்ம உயிரினம் ஆகும். இது தன் கூடுகளை உருவாக்க இலவங்கப்பட்டையைச் சேகரித்ததாக பல்வேறு இடைநிலைக் காலத்திய விலங்கியல் விளக்க ஏடுகளில் விவரிக்கப்பட்டுள்ளது.[1]
எரோடோட்டசின் கூற்று தொகு
எரோடோட்டசின் தி ஹிஸ்டரியின் படி, இலவங்கப்பட்டை பறவை அரேபியாவில் வசித்து வந்தது. அக்காலத்தில் இலவங்கப்பட்டை உற்பத்தி செய்யும் ஒரே நாடு அரேபியாவாக இருந்தது. இராட்சத இலவங்கப்பட்டை பறவைகள் இலவங்கப்பட்டை மரங்கள் வளர்ந்த அடையாளம் தெரியாத காடுகளிலிருந்து இலவங்கப்பட்டை குச்சிகளைச் சேகரித்து, செங்குத்துப்பாறை இடுக்குகளில் கூடுகளைக் கட்டுகின்றன. இலவங்கப்பட்டையைப் பெற அரேபியர்கள் ஒரு தந்திரத்தைக் கையாண்டனர். இவர்கள் எருதுகளையும் மற்ற பாரம் சுமக்கும் மிருகங்களையும் துண்டு துண்டாக வெட்டி, பறவைகளின் கூடுகளுக்கு அருகில் கிடத்திவிட்டு, தூரம் விலகிச் சென்று விடுவர். இப்பறவைகள் இறைச்சித் துண்டுகளை இரையாகத் தங்கள் கூடுகளுக்கு ஆசையாக எடுத்துச் செல்லும். கூடுகளில் வைக்கப்படும் இறைச்சியின் எடை காரணமாக இலவங்கப்பட்டை பறவைகளில் கூடுகள் பாறைகளிலிருந்து உடைத்து கீழே விழும். கீழே விழும் இலவங்கப்பட்டைகளை அரேபியர்ககள் எடுத்துச் செல்வர்.[2]
அரிசுடாட்டில் கருத்துப்படி தொகு
அரிசுடாட்டிலின் ஹிஸ்டோரியா அனிமாலியத்திம் (விலங்குகளின் வரலாறு ), இவரது இயற்கை வரலாற்றுப் படைப்புகளில் ஒன்று. இதில் இலவங்கப்பட்டை பறவை உயரமான மரங்களின் உச்சியில் உள்ள மெல்லிய கிளைகளில் கூடு கட்டுவதற்காக அறியப்படாத இடங்களிலிருந்து இலவங்கப்பட்டையினைக் கொண்டு வந்ததாக விளக்குகிறார். பறவையின் கூடுகளின் அருகே வசிப்பவர்கள், தங்கள் அம்புகளின் முனைகளில் ஈய எடைகளை இணைத்து கூடுகளைத் தகர்த்து, இலவங்கப்பட்டைகளைச் சேகரித்தனர். அரிசுடாட்டில் இப்பறவையை கின்னாமோமோன் ஓர்னியோன் (kinnamômon orneon) என்று குறிப்பிட்டார்.[3]
பிளினி தி எல்டர் தொகு
மூத்த பிளினி இலவங்கப்பட்டை பறவையைப் பற்றி மிகவும் சந்தேகத்திற்குரிய பார்வையைக் கொண்டுள்ளார். இது தவறாக சின்னமோலுகசு (cinnamolgus) எனப் பெயரிடப்பட்டுள்ளது. பூர்வீகக் கதைகள் தங்கள் பொருட்களின் மதிப்பினை உயர்த்துவதற்காகக் கதைகள் கண்டுபிடிக்கப்பட்டதாகக் கூறி ஹெரோடோடசை குறிப்பாகப் பழங்காலத்தை அவரது நேச்சுரலிஸ் வரலாற்றில் (இயற்கை வரலாறு) மதிப்பிட்டார்.
பழமை இலக்கியத்தில் மற்ற தோற்றங்கள் தொகு
- கிளாடியசு ஏலியானசு எழுதிய டி நேச்சுரா அனிமலியம் (விலங்குகள்).
- சோலினசு ' கலெக்டேனியா ரெரம் மெமோரபிலியம் (குறிப்பிடத்தக்க உண்மைகளின் தொகுப்பு)
- பிசியோலாகசு, 1000 ஆண்டுகளுக்கும் மேலாக விரிவுபடுத்தப்பட்ட விலங்கு கதைகளின் தொகுப்பு
- அரிசுடாட்டில் இலவங்கப்பட்டை பறவையின் பதிப்புடன் 12ஆம் நூற்றாண்டிலிருந்து ஒரு லத்தீன் உரைநடை பெஸ்டியரி
- கர்கன்டுவா மற்றும் பான்டாக்ரூலிலிருந்து சாடின் நிலத்தை நாங்கள் எப்படிப் பார்வையிட்டோம், பிரான்சுவா ரபேலாய்ஸ், சின்னமோலாஜி என்று குறிப்பிடுகிறார்
மேற்கோள்கள் தொகு
- ↑ Nigg, Joseph. The Book of Fabulous Beasts: A Treasury of Writings from Ancient Times to the Present. Oxford University Press, 1999.
- ↑ « L’œuf du phénix. Myrrhe, encens et cannelle dans le mythe du phénix », L’animal et le savoir, de l’Antiquité à la Renaissance, 2009, Presses univ. de Caen ; preprint on line : "Wayback Machine" (PDF). Archived from the original (PDF) on 2011-06-06., p. 107-130. [1] பரணிடப்பட்டது 2011-06-06 at the வந்தவழி இயந்திரம் [bare URL PDF]
- ↑ « Kinnamômon ornéon ou phénix ? L’oiseau, la viande et la cannelle », Prédateurs dans tous leurs états. Evolution, biodiversité, interactions, mythes, symboles, XXXIe Rencontre Internationale d'Archéologie et d'Histoire d’Antibes, dir. J.-P. Brugal, A. Gardeisen, A. Zucker, Éditions APDCA, Antibes, 2011, p. 409–420.