பி. உன்னிகிருஷ்ணன்

பி. உண்ணிகிருஷ்ணன் (P. Unnikrishnan; மலையாளம்: പി. ഉണ്ണിക്കൃഷ്ണൻ, பிறப்பு: 9 சூலை 1966) இந்தியாவின் கருநாடக இசைப் பாடகரும் தேசிய விருதுபெற்ற திரைப்படப் பின்னணிப் பாடகரும் ஆவார். இவர் மலையாளத்தைத் தாய்மொழியாகக் கொண்டவர்.

உண்ணிகிருஷ்ணன்
பின்னணித் தகவல்கள்
பிறப்பு	சூலை 9, 1966 (1966-07-09) பாலக்காடு, கேரளா
இசை வடிவங்கள்	கருநாடக இசை
தொழில்(கள்)	திரைப்பட பின்னணி பாடகர், கருநாடக இசைக்கலைஞர்
இசைத்துறையில்	1994 முதல் தற்போதுவரை

இளமையும் கல்வியும்

இவர் 1966 சூலை 9 அன்று கேரள மாநிலம் பாலக்காடு மாவட்டத்தில் ராதா கிருஷ்ணன், ஹரிணி ஆகியோருக்கு பிறந்தார். 12 வயது முதல் வி.எல். சேஷாற்றி என்பவரிடம் கருநாடக சங்கீதம் கற்றுக் கொண்டார். சென்னை ராமகிருஷ்ணா மிஷன் விவேகானந்தா கல்லூரியில் படித்து சென்னைப் பல்கலைக்கழகத்தின் இளங்கலைப் பட்டம் பெற்றார். இவர் 1987 ஆம் ஆண்டு முதல் 1994 ஆம் ஆண்டு வரை பாரிஸ் மிட்டாய் கம்பெனியில் ஒரு நிர்வாகியாக வேலை செய்து வந்தார். பின்னர் ஒரு தொழில்முறை பாடகர் ஆக வேண்டும் என்பதற்காக தனது வேலையைத் துறந்து இசைத்துறைக்கு வந்தார்.

இசைத்துறை

இவரை திரையுலகிற்கு அழைத்து வந்தவர் ஏ. ஆர். ரகுமான் ஆவார். தமிழ், தெலுங்கு, மலையாளம், கன்னடம், ஹிந்தி என்று பல்வேறு மொழிகளில் ஆயிரக்கணக்கான பாடல்களை திரைப்படங்களில் பாடியுள்ளார். பக்தி இசையிலும் பாடல்கள் பாடியுள்ளார். ”லட்சுமண் சுருதி” இசைக்குழுவின் சார்பாக ஒவ்வொரு ஆண்டும் சென்னை காமராஜர் அரங்கில் நடைபெறும் ”சென்னையில் திருவையாறு” இசை மற்றும் நாட்டிய விழாவில் தொடர்ந்து பதினோரு ஆண்டுகளாக பங்கேற்று பாடி வருகின்றார்.

தனிப்பட்ட வாழ்க்கை

உண்ணிகிருஷ்ணன் கோழிக்கூடு, கேரளாவைச் சேர்ந்த பிரியா என்ற பெண்ணை திருமணம் செய்து கொண்டார். பிரியா பரதநாட்டியம் மற்றும் மோகினியாட்டம் பயின்ற நடன கலைஞராவார். இவர்கள் நவம்பர் 1994-இல் திருமணம் செய்து கொண்டனர். இவர்களுக்கு 2 குழந்தைகள் உள்ளனர் - வாசுதேவ் கிருஷ்ணா என்ற மகன் மற்றும் உத்தரா என்ற மகள். வாசுதேவ் கிருஷ்ணா 1997 மே 27 அன்று பிறந்தார், உத்தரா 2004 சூன் 11 அன்று பிறந்தார். "சைவம்" திரைப்படத்தில் தனது முதல் பாடலான "அழகு"க்காக பின்னணி பாடலுக்கான தேசிய விருதை உத்தரா வென்றார். ஒரு குறிப்பிடத்தக்க உண்மை என்னவென்றால், உண்ணிகிருஷ்ணன் மற்றும் உத்தரா இருவரும் அறிமுக பாடல்களுக்காக தேசிய விருதுகளைப் பெற்றனர். வாசுதேவ் கிரிக்கெட் மீது மிகுந்த ஆர்வம் கொண்டவர், மெட்ராஸ் கிரிக்கெட் கிளப்பின் உறுப்பினராகவும், தமிழக கிரிக்கெட் சங்கத்தின் வாழ்க்கை உறுப்பினராகவும் உள்ளார்.

திரைப்படப் பாடல்கள்

1. என்னவளே அடி என்னவளே - காதலன்
2. உயிரும் நீயே - பவித்ரா
3. தென்மேற்கு பருவக்காற்று - கருத்தம்மா
4. மீனம்மா அதிகாலையிலும் - ஆசை
5. புல்வெளி புல்வெளி - ஆசை
6. மகராஜனோடு ராணி - சதி லீலாவதி
7. ஓ வெண்ணிலா - காதல் தேசம்
8. தென்றலே தென்றலே - காதல் தேசம்
9. சகியே நீதான் - அந்திமந்தாரை
10. காலமெல்லாம் காதல் வாழ்க - காதல் கோட்டை
11. நாளை உலகம் இல்லை என்றால் - லவ் பேர்ட்ஸ்
12. நறுமுகையே - இருவர்
13. மனம் விரும்புதே - நேருக்கு நேர்
14. சோனியா சோனியா - ரட்சகன்
15. வீசும் காற்றுக்கு - உல்லாசம்
16. மயிலு மயிலு மயிலம்மா - வி.ஐ.பி
17. சேலையிலே வீடு கட்டவா - அவள் வருவாளா
18. ஹைர ஹைர ஹைரப்பா - ஜீன்ஸ்
19. பூவுக்குள் ஒளிந்திருக்கும்- ஜீன்ஸ்
20. கனவே கலையாதே - கண்ணெதிரே தோன்றினாள்
21. திறக்காத காட்டுக்குள்ளே - என் சுவாசக் காற்றே
22. ரோஜா ரோஜா - காதலர் தினம்
23. அதிகாலையில் சேவலை - நீ வருவாய் என
24. ஓ சென்யோரீட்டா - பூவெல்லாம் கேட்டுப்பார்
25. பூவே பூவே - பூவெல்லாம் கேட்டுப்பார்
26. மார்கழித் திங்கள் அல்லவா - சங்கமம்
27. மாலையின் வேதனை - சேது
28. சிக்காத சிட்டொன்று - சேது
29. குளிருது குளிருது - தாஜ்மகால்
30. இன்னிசைப் பாடிவரும் - துள்ளாத மனமும் துள்ளும்
31. நிலவை கொண்டுவா - வாலி
32. ஏப்ரல் மாதத்தில் - வாலி
33. ரோஜா பூந்தோட்டம் - கண்ணுக்குள் நிலவு
34. எந்தன் குயில் - கண்ணுக்குள் நிலவு
35. பூ விரிஞ்சாச்சு - முகவரி
36. ஓ வெண்ணிலா - குஷி
37. உன்னைக்கொடு என்னைத் தருவேன் - உன்னைக் கொடு என்னைத் தருவேன்
38. வாடா வாடா - அப்பு
39. இடம் தருவாயா - அப்பு
40. எனக்கென ஏற்கனவே - பார்த்தேன் ரசித்தேன்
41. ஒவ்வொரு பாடலிலும் - என்னவளே
42. காற்றே என் வாசல் - ரிதம்
43. இவன் யாரோ - மின்னலே
44. பல்லாங்குழியின் வட்டம் - ஆனந்தம்
45. ஓர் ஆயிரம் யானை - நந்தா
46. ஒரு சுந்தரி வந்தாளாம் - அழகி
47. உன் சமையல் அறையில் - தில்
48. உன் பேரைச் சொன்னாலே - டும் டும் டும்
49. ஹுசுசே ஹுசுசே - மஜ்னு
50. தீண்டி தீண்டி - பாலா
51. தீண்ட தீண்ட - துள்ளுவதோ இளமை
52. ரயிலே - ஃபைவ் ஸ்டார்
53. கண்ணுக்குள்ளே காதலா - தமிழ்
54. சில் சில் சில்லல்லா - உன்னை நினைத்து
55. நெஞ்சோடு கலந்திடு - காதல் கொண்டேன்
56. மைனாவே மைனாவே - தித்திக்குதே
57. என்ன நெனச்சே - சொக்கத் தங்கம்
58. நாம் வயதுக்கு - 7G ரெயின்போ காலனி
59. காலையில் தினமும் - நியூ
60. மழை மழை - உள்ளம் கேட்குமே
61. சுடும் நிலவு - தம்பி
62. வாராயோ வாராயோ - ஆதவன்
63. கண்களே கமலாலயம் - பலே பாண்டியா
64. நெலாவட்டம் நெத்தியிலே - தேசிங்கு ராஜா
65. நெஞ்சே நெஞ்சே - யான்
66. ஊரெல்லாம் உன்னைக் கண்டு - நண்பேண்டா
67. அப்படி பாக்கறதுன்னா வேணாம் - இவன்
68. ஆனந்தம் ஆனந்தம் பாடும் - பூவே உனக்காக
69. அல்லா உன் - சந்திரலேகா
70. ஏ அசைந்தாடும் காற்றுக்கு - பார்வை ஒன்றே போதுமே
71. சொன்னாலும் கேட்பதில்லை - காதல் வைரஸ்
72. பாரதிக்கு கண்ணம்மா - ப்ரியமுடன்
73. விண் கடந்த - ராமானுஜம்
74. ஏன் பெண்ணென்று பிறந்தாய் - லவ் டுடே
75. அடி அனார்கலி - வருஷமெல்லாம் வசந்தம்
76. கண்ணுக்குள்ளே உன்னை வைத்தேன் - பெண்ணின் மனதை தொட்டு
77. மல்லிகைப்பூவே - உன்னிடத்தில் என்னைக் கொடுத்தேன்
78. காதல் நீதானா - டைம்
79. காற்றுக்கு தூது - உன்னிடத்தில் என்னைக் கொடுத்தேன்
80. விடை கொடு - பிரியாத வரம் வேண்டும்

விருதுகள்

• கலைமாமணி விருது
• இசைப் போரொளி
• யுவ காலா பாரதி
• இசைச் செல்வம்
• சங்கீத கலாசாரதி
• சங்கீதச் சக்ரவர்த்தி

வெளி இணைப்புகள்

• Artists Profiles : P.Unnikrishnan பரணிடப்பட்டது 2008-12-04 at the வந்தவழி இயந்திரம்