ஆடுதுறை - 36 (நெல்)

ஆடுதுறை - 36 (ADT 36) பிரபலமாக சிவப்பு சிறுமணி (Red Sirumani) என்றழைக்கப்படும் இந்த நெல் வகை, திரிவேணி (Triveni) என்ற நெல் இரகத்தையும், ஐ ஆர் - 20 (IR 20) என்ற நெல் இரகத்தையும் இயற்கை முறையில் இணைச் சேர்த்து உருவாக்கப்பட்ட தமிழ்நாட்டின் நெல் வகையாகும்.

ஆடுதுறை - 36 ADT 36
பேரினம்
ஒரய்சா
இனம்
ஒரய்சா சாட்டிவா
கலப்பினம்
திரிவேணி x ஐஆர்-20
வகை
புதிய நெல் வகை
காலம்
110 - 115 நாட்கள்
மகசூல்
6000 கிலோ எக்டேர்
வெளியீடு
1980
வெளியீட்டு நிறுவனம்
TRRI (TNAU), ஆடுதுறை
மாநிலம்
தமிழ் நாடு
நாடு
இந்தியா

வெளியீடு

தமிழக தஞ்சை மாவட்டத்தின், ஆடுதுறையில் அமைந்துள்ள தமிழ்நாடு நெல் ஆராய்ச்சி நிறுவனம் (TRRI), 1980 ஆம் ஆண்டு, இவ்வகை நெல் இரகத்தை வெளியிடப்பட்டதாக அறியப்படுகிறது.

காலம்

குறுகியகால நெற்பயிர்களில் ஒன்றான இது, 110 நாட்களில் அறுவடைக்கு வரக்கூடியதாக கருதப்படுகிறது. இதுபோன்ற குறுங்கால நெற்பயிர்கள், நவரை, சொர்ணவாரி, கார், குறுவை, மற்றும் பின்தாளடி போன்ற பட்டங்கள் (பருவங்கள்) ஏற்றதாக கூறப்படுகிறது.

சாகுபடி

நீர்ப்பாசன வசதியுள்ள தமிழகத்தின் அனைத்து மாவட்டங்களிலும், சாகுபடி செய்ய உகந்தப் பகுதியாக கூறப்படும் ஆடுதுறை - 36 நெல் வகை, புதுச்சேரி ஒன்றியப் பகுதியிலும் சாகுபடி செய்ய பரிந்துரைக்கப்படுகிறது.

சிறப்புப் பண்புகள்

• இந்த நெல் இரகம் ஒரு ஏக்கருக்கு 5500 - 6000 கிலோவரை (5.5 - 6 t/ha) மகசூல் தரக்கூடியது.
• இதன் தானியமணிகள் மிதமெல்லிய அளவில் உள்ளது.
• இந்நெல்லின் அரிசி, வெள்ளை நிறத்தில் காணப்படுகிறது.
• இவ்வகை நெற்பயிர் குலை நோய் எதிர்ப்பு திறனுடையதாக உள்ளது.

இவற்றையும் காண்க

• பாரம்பரிய நெல்
• இயற்கை வேளாண்மை
• வேளாண்மை