ஒகாடன் வேலமரம்
ஒகாடன் வேலமரம் (அறிவியற் பெயர்: அக்கேசியா ஃவுமோசா, Acacia fumosa) கிழக்கு ஆப்பிரிக்காவில் எத்தியோப்பியா நாட்டின் கிழக்கு எல்லைப்பகுதியிலும் [சோமாலியா]] நாட்டுக்கு மேற்கேயும் இரு நாடுகளுக்கும் இடையே உள்ள ஒகாடன் என்னும் இடத்தில் பரவலாகக் காணப்படும் ஒருவகையான வேலமரம். இம்மரத்தின் பூக்கள் இளஞ்சிவப்பு நிறத்தில் நீண்ட கொத்தாக உள்ளன. அறிவியல் உலகம் மிக அண்மைக் காலம் வரை இம்மரத்தைப் பற்றி ஏதும் அறியாது இருந்தது. இம் மரத்தை சுவிட்சர்லாந்ததைச் சேர்ந்த தாவரவியலாளர் மாட்ஃசு தூலின் (Mats Thulin) என்பார் மே 2006, பிப்ரவரி 2007 ஆகிய காலப்பகுதியில் ஆய்வு செய்தபொழுது கண்டுபிடித்து நோர்டிக் தாவரவியல் ஆய்விதழில் 2008 இல் ஆய்வுக்கட்டுரையாக வெளியிட்டார்[1]. இதனை சயன்சு (Sceince) என்னும் அறிவியல் ஆய்விதழ் முதன் முறையாக தன் ஏப்ரல் 24, 2009 இதழில் பதிப்பித்தது[2] . ஏறத்தாழ 8,000 சதுர கிலோமீட்டர் பரப்பில் மிகப் பரவலாக வளரும் ஒரு பொது மரம் அறிவியலில் விளக்கப்படாது இருந்தது வியப்பானது என்று அறிவியலாளர் கருதுகிறார்கள். இப்பகுதியில் மக்களிடையே சண்டைகள் அவ்வப்பொழுது நடக்கின்றன என்பதையும் குறிக்கிறார்கள்.
இம்மரம் ஏறத்தாழ 6 மீட்டர் உயரம் வளர்கின்றது, இம்மரத்தின் இளஞ்சிவப்பு நிறப் பூக்கள் மிடுக்காக நீண்ட ஓர் அச்சில் உருளை வடிவில் அமைந்துள்ளன. குடை வேலமரம் போல் இம்மரம் தலைப்பகுதி விரிந்து உள்ளது.
மேற்கோள்களும் அடிக்குறிப்புகளும்
தொகுவெளி இணைப்புகள்
தொகு- சயன்சு நியூசு செய்தி. மரத்தின் படத்தையும், பூவின் படத்தையும் பார்க்கலாம். பரணிடப்பட்டது 2009-04-27 at the வந்தவழி இயந்திரம்
- சயன்ட்டிவி'க் அமெரிக்கன் அறிவியல் மாதிகையில் செய்தி. மரத்தின் படம் பார்க்கலாம்
- எத்தியோப்பிளானட் என்னும் வலைத்தளத்துச் செய்தி. மரம், பூ இவற்றின் படத்தைப் பார்க்கலாம் பரணிடப்பட்டது 2009-05-02 at the வந்தவழி இயந்திரம்