கனிச்சிறகன்

கனிச்சிறகன்
உயிரியல் வகைப்பாடு
திணை:	விலங்குகள்
தொகுதி:	கணுக்காலிகள்
வகுப்பு:	பூச்சிகள்
வரிசை:	Lepidoptera
குடும்பம்:	வரியன்கள்
பேரினம்:	Euthalia
இனம்:	E. aconthea
இருசொற் பெயரீடு
	Euthalia aconthea; (Hewitson, 1874)
வேறு பெயர்கள்
	Euthalia garuda

கனிச்சிறகன் (Euthalia aconthea) வரியன் குடும்பத்தைச்சேர்ந்த நடுத்தரமான அளவிலான பட்டாம்பூச்சி. இது இந்தியாவிலும் தென்கிழக்காசியாவிலும் இருக்கிறது. பறக்கையில் இறக்கைகளை இறுக்கமாக அசைக்கும். சிலவேளை அப்படியே இறக்கையை அடிக்காமல் மிதந்து செல்லும்.

தோற்றம்

ஆண் பூச்சிகள் பழுப்பாகவும் கரும்பழுப்பு நிறத்திலும் காணப்படும். முன்னிறகின் அடியில் இரு குறுக்குவெட்டுக் கோடுகள் கருப்பு நிறத்தில் இருக்கும். நடுவில் ஒரு கருப்பு வளையமும், இன்னொன்று வெளியிலும் இருக்கும். அதனையடுத்து ஒரு தட்டைவடிவ வளையமும் அவற்றினருகே மாலை போல 5 வெள்ளைப்புள்ளிகளும் காணப்படும்.^[2]

கர்நாடகாவின் பெங்களூரில் காணப்படும் பெண் கனிச்சிறகன்

பெண்பூச்சி இதையொத்து இருந்தாலும் சற்று பச்சைமிகுந்தும் அடர்த்தியில்லாத பழுப்பு நிறத்திலும் இருக்கும். பென்பூச்சிகளின் இறக்கைகளின் கீழ்ப்புறத்தில் வெண்ணிற அடையாளக்குறிகல் மங்கலாகத்தெரியும்.

நெஞ்சுப்பகுதி திடமாகவும் விரிந்தும் இருக்கும். நீர்மமுறிஞ்சும் குழாய் வெளிர்பச்சையில் இருக்கும். இறக்கைகளின் விரிநிலையில் 68-70 மிமீ வரை இருக்கும்.

நடத்தை

வேகமாகவும் தரையை ஒட்டியும் பறக்கும். இறக்கையை அதிகமாக அடிக்காமல் மிதந்து செல்லும். ஆண்டு முழுவதும் காணப்படும். சிறகைவிரித்து வெயில்காயும். கம்பளிப்புழுக்கள் மாந்தோப்புகளில் காணப்படும். மலர்த்தேனைக் காட்டிலும் அழுகிய பழஙச்சாறை விரும்புவதால் இப்பெயர்பெற்றது.