குட்மி மகாதோ
குட்மி ( Kudumi ) என்பது இந்தியாவிலுள்ள ஓர் சமூகமாகும். இவை குர்மி மகதோ / மகாதோ அல்லது குடுமி மொகந்தா / மகாந்தா என்றும் அழைக்கப்படுகின்றன.
| குறிப்பிடத்தக்க மக்கள்தொகை கொண்ட பகுதிகள் | |
|---|---|
| அசாம், சார்க்கண்டு, ஒடிசா, மேற்கு வங்காளம் | |
| மொழி(கள்) | |
| குட்மாலி | |
| சமயங்கள் | |
| இந்து சமயம் |
அதிகாரப்பூர்வ வகைப்பாடு
தொகு1865 ஆம் ஆண்டில் அறிமுகப்படுத்தப்பட்ட இந்திய வாரிசு சட்டத்தின் விதிமுறைகளின் கீழ் குட்மிகளை பிரித்தானிய அரசு குற்றப் பரம்பரையினராக வகைப்படுத்தியது. [1] பின்னர், 1913இல், இவர்கள் ஒரு தொல் பழங்குடியினர் என வகைப்படுத்தப்பட்டனர். பின்னர் இவர்கள் 1931ஆம் ஆண்டு மக்கள் தொகை கணக்கெடுப்பில் பழங்குடியினராக பட்டியலிடப்பட்ட சமூகங்களின் பட்டியலிலிருந்து நீக்கப்பட்டனர். மீண்டும், இவர்கள் 1950இல் வரையறுக்கப்பட்ட பட்டியல் பழங்குடியினர் பட்டியலில் இருந்து விலக்கப்பட்டனர். 2004ஆம் ஆண்டில், சார்க்கண்டு அரசு இதர பிற்படுத்தப்பட்ட வகுப்பினரைக் காட்டிலும் பட்டியல் பழங்குடியினராக பட்டியலிடப்பட வேண்டும் என்று பரிந்துரைத்தது. [2] இவர்கள் குன்பியின் துணை சாதி என்றும், இதனால் பழங்குடி மக்களிலிருந்து வேறுபட்டவர்கள் என்றும் கூறி இந்த முன்மொழிவுக்கு எதிராக இந்திய அரசின் பழங்குடியினர் ஆராய்ச்சி நிறுவனம் பரிந்துரைத்தது. எனவே, 2015ஆம் ஆண்டில், குட்மி மகாதோவை அட்டவணை பழங்குடியினராக பட்டியலிட சார்க்கண்டு அரசின் பரிந்துரையை இந்திய அரசு ஏற்க மறுத்துவிட்டது. சார்கண்டு, மேற்கு வங்காளம் மற்றும் ஒடிசா மாநிலத்தில் பிற பிற்படுத்தப்பட்டோர் பட்டியலில் இவர்கள் சேர்க்கப்பட்டுள்ளனர். [3] [4]
கலாச்சாரம்
தொகுகுட்மியின் பாரம்பரிய தொழில் விவசாயமாகும். குட்மியின் மொழி குருமாலி . குட்மிகள் ஆறு பிரிவுகளாக பிரிக்கப்பட்டுள்ளனர். பரிபார் (குடும்பம்) மிகச்சிறிய அலகு. ஒரு இடத்தில் வசிக்கும் அதே குஸ்டி (குலத்தைச் சேர்ந்த) பரிபாரின் ஒரு குழு பகல் / பகைர் (நேரடி பரம்பரை) என்று அழைக்கப்படுகிறது. ஒரு பகுதியில் குடியேறிய சில பரிபார்கள் அல்லது பக்காயின் உறுப்பினர்கள் குலி என்று அழைக்கப்படுகிறார்கள். தனி புவியியல் பகுதி, புதைகுழி, விவசாய வயல், மேய்ச்சல் நிலம் மற்றும் அக்ரா ஆகியவற்றைக் கொண்ட குல்ஹியின் ஒரு குழு ஒரு கிராமத்தை உருவாக்குகிறது. பாரம்பரியமாக, ஒரு கிராமத் தலைவன் மகாதோ என்று அழைக்கப்படுகிறான். பன்னிரண்டு கிராமங்களைக் கொண்ட ஒரு குழு பராகனின் தலைமையிலான ஒரு பராகனை உருவாக்குகிறது. அவர் கிராமங்களுக்கிடையேயான அனைத்து சர்ச்சைகளையும் தீர்க்கிறார். பராகன்களின் ஒரு குழு தேசமண்டலத்தால் கட்டுப்படுத்தப்படும் ஒரு தபலை உருவாக்குகிறது.
குட்மி குஸ்டி எனப்படும் 81 குலங்களாக பிரிக்கப்பட்டுள்ளது. இதில் கட்வார், பன்சியார், திடுவார், கச்மார் (கச்சிம்), பன்சோவர், சங்கோவர், இந்து, பாகோவர், சிலுவார், பாகுவார், லக்ராவர், கெட்டியார், கேருவார், முசியார், பாக் பன்வாரி, ஜல் பன்வாரி, தும்ரியர் போன்றவை அடங்கும். துஸ்ஸு, சிவ் கஜன், ஜிதியா, கரம், பாண்ட்னா (சோஹ்ராய்) ஆகியவை குட்மியின் முக்கிய திருவிழாவாகும். அவர்கள் கிராமத்தேவதை கிராம்தன், பன்ஷா பஹார், சிவன், ஜடால் (மானசா தேவி), சித்தோலா பூஜை, மகாமாய் மற்றும் பலவற்றில் வணங்குகிறார்கள். ஜூமர் நடனமும் சாவ் நடனமும் இவர்களின் நாட்டுப்புற நடனமாகும். [5] [6]
மேலும் காண்க
தொகுமேற்கோள்கள்
தொகு- ↑ "Inheritance Law of Kurmi Mahto of Chotanagpur and Orissa". http://digital.staatsbibliothek-berlin.de/werkansicht/?PPN=PPN664774873&PHYSID=PHYS_0639.
- ↑ "Cabinet recommends inclusion of Kurmis in ST list". http://timesofindia.indiatimes.com/city/patna/Cabinet-recommends-inclusion-of-Kurmis-in-ST-list/articleshow/935673.cms.
- ↑ "Kurmis in tribal status cry". https://m.telegraphindia.com/states/jharkhand/kurmis-in-tribal-status-cry/cid/807085.
- ↑ "कुरमी को ST का दर्जा तभी, जब TRI अनुशंसा करे, लेकिन रिसर्च वाला ही कोई नहीं है". https://www.bhaskar.com/amp/news/JHA-RAN-HMU-LCL-issue-of-status-of-kurmi-caste-5815355-PHO.html.
- ↑ "Forest, Government, and Tribe". books.google.com.
- ↑ "Bandana Festival Of Kudmis Of Eastern India". www.etribaltribune.com.