குராமைட்டு

குராமைட்டு (Kuramite) என்பது Cu₃SnS₂ என்ற மூலக்கூற்று வாய்ப்பாட்டால் விவரிக்கப்படும் ஒரு கனிமம் ஆகும். சிடாணைட்டு குழு கனிமமாகக் கருதப்படும் இது சல்பைட்டு வகை கனிமமாகும். உசுபெக்கிசுதானில் உள்ள சட்கல்-குராமின்சுகி மலைகளில் முதன் முதலில் கண்டுபிடிக்கப்பட்டது. இங்குள்ள கோச்புலாக்கு Au-Ag-Te படிவுகளில் குராமைட்டு முதலில் கண்டுபிடிக்கப்பட்டது.

குராமைட்டு Kuramite
பொதுவானாவை
வகை	சல்பைடு
வேதி வாய்பாடு	Cu3SnS2
இனங்காணல்
நிறம்	சாம்பல், வெள்ளி சாம்பல்
படிக இயல்பு	ஊடுறுவல்கள், நூண்ணோக்கியளவு படிகங்கள்
படிக அமைப்பு	நாற்கோணம்
மோவின் அளவுகோல் வலிமை	5
மிளிர்வு	உலோகத்தன்மை
கீற்றுவண்ணம்	உலோகத்தன்மை
அடர்த்தி	4.56 கி/செ.மீ3
மேற்கோள்கள்

தோற்றம்

குராமைட்டு கனிமம் தங்க-சல்பைடு-குவார்ட்சு இழைகளில் கோல்டுபீல்டைட்டு கனிமத்துடன் கலந்திருப்பது கண்டுபிடிக்கப்பட்டது. உசுபெக்கித்தானில் உள்ள கோச்புலாக்கு படிவுகளில் இது காணப்படுகிறது. நுண்ணிய படிகங்களாகவும் குராமைட்டு தோன்றுகிறது.

ஆர்க்டிக் பெருங்கடல், அர்கெந்தினா, சிலி, காங்கோ, கிரீசு, அங்கேரி, சப்பான், ஐக்கிய இராச்சியம் அமெரிக்கா ஆகிய நாடுகளில் குராமைட்டு கண்டறியப்பட்டுள்ளது.

இயற்பியல் பண்புகள்

மோவின் அளவு கோலில் குராமைட்டின் கடினத்தன்மை 5 ஆகும். மேலும் இதன் அடர்த்தி 4.56 ஆகும். உலோகப் பளபளப்பும் உலோகக் கோடுகளுடன் கூடிய ஒளிபுகா எஃகு சாம்பல் நிறமாகவும் குராமைட்டு காணப்படுகிறது.

வேதிப் பண்புகள்

குராமைட்டின் மூலக்கூற்று வாய்ப்பாடு Cu₃SnS₄ என்பதாகும். இரும்பு, துத்தநாகம் மற்றும் இண்டியம் தனிமங்கள் இதனுடன் இருக்கும் அசுத்தங்களாகும்.

இயைபு

தாமிரம்	43.56%
வெள்ளீயம்	27.13%
கந்தகம்	29.31%

எக்சுகதிர் படிகவியல் ஆய்வு

குராமைட்டின் எக்சு-கதிர் ஆய்வு தூள் முறையைப் பயன்படுத்தி ஆராயப்பட்டது. உருசியாவின் அறிவியல் அகாடமியின் கனிமவியல் ஆய்வகத்தில், வசோவா என்பவரால் இந்த ஆராய்ச்சி செய்யப்பட்டது. குராமைட்டு கனிமம் சிடானைட்டு -கெசுட்டரைட்டு குழுவுடன் தொடர்புடையதாகக் கண்டறியப்பட்டது. a=5.445±0.005 Å, c=10.75±0.02 Å, c/a=1.972 என்ற அலகு செல் அளவுருக்களும் கண்டறியப்பட்டன.

தூள் மாறுபாடு தரவு

d-இடைவெளி	வலிமை
3.13 Å	(10)
1.914 Å	(8)
1.640 Å	(6)
1.108 Å	(4)
1.244 Å	(3)
2.70 Å	(2)
1.044 Å	(2)