குறிஞ்சிப்பாடி புத்துமாரியம்மன் கோயில்

குறிஞ்சிப்பாடி புத்துமாரியம்மன் கோயில் தமிழ்நாட்டில் கடலூர் மாவட்டம், குறிஞ்சிப்பாடி என்னும் ஊரில் அமைந்துள்ள அம்மன் கோயிலாகும்.

அருள்மிகு புத்துமாரியம்மன் கோவில்
அமைவிடம்
நாடு:	இந்தியா
மாநிலம்:	தமிழ்நாடு
மாவட்டம்:	கடலூர்
அமைவிடம்:	விருத்தாசலம் சாலை, குறிஞ்சிப்பாடி, குறிஞ்சிப்பாடி வட்டம்
சட்டமன்றத் தொகுதி:	குறிஞ்சிப்பாடி
மக்களவைத் தொகுதி:	கடலூர்
கோயில் தகவல்
மூலவர்:	புத்துமாரியம்மன்
சிறப்புத் திருவிழாக்கள்:	செடல் திருவிழா 9ம் நாள், அம்பு உற்சவம்-9 ம் நாள்
வரலாறு
கட்டிய நாள்:	பத்தொன்பதாம் நூற்றாண்டு

வரலாறு

இக்கோயில் பத்தொன்பதாம் நூற்றாண்டைச் சேர்ந்தது. இக்கோயிலுக்குத் தலவரலாறு உண்டு.

கோயில் அமைப்பு

இக்கோயிலில் புத்துமாரியம்மன் சன்னதியும், விநாயகர், தண்டபாணி, வேம்பாயி அம்மன் உபசன்னதிகளும் உள்ளன. இங்குக் கோயில் குளம், கோயில் தேர் போன்றவை உள்ளன. இக்கோயில் முதன்மைத் திருக்கோயில் என்ற வகைப்பாட்டில் இந்து அறநிலையத்துறையின் கட்டுப்பாட்டில் உள்ளது. வழக்கு நிலுவையில் இருப்பதால் நடைமுறை நிருவாகியால் நிர்வகிக்கப்படுகிறது.

பூசைகள்

இக்கோயிலில் காமிகாகம முறைப்படி இரண்டு காலப் பூசைகள் நடக்கின்றன. ஆடி மாதம் செடல் திருவிழா 9ம் நாள் முக்கிய திருவிழாவாக நடைபெறுகிறது. ஐப்பசி, மாதம் அம்பு உற்சவம்-9 ம் நாள் திருவிழாவாக நடைபெறுகிறது. ஆடி மாதம் திருத்தேர் 10 ம் நாள் தேரோட்டம் நடைபெறுகிறது.