கோடகினா கௌரம்மா
கௌரம்மா (Kodagina Gowramma)(1912-1939), கோடகினா கௌரம்மா என்று அழைக்கப்படுபவர், கன்னடத்தில் எழுதி வ்ரும், குடகில் வாழ்ந்த ஒரு இந்திய எழுத்தாளர் ஆவார். இவர் ஒரு பெண்ணியவாதி[1] மற்றும் இந்தியச் சுதந்திர இயக்கத்தின் ஆதரவாளராக இருந்தார்.[2]
கோடகினா கௌரம்மா | |
|---|---|
 | |
| பிறப்பு | கௌரம்மா 1912 மடிக்கேரி, கூர்க் மாநிலம், பிரித்தானிய இந்தியா |
| இறப்பு | 1939 (அகவை 26–27) குடகு |
| புனைபெயர் | கோடகினா கௌரம்மா |
| தொழில் | எழுத்தாளர் |
| தேசியம் | இந்தியர் |
| இலக்கிய இயக்கம் | பெண்ணியம் |
| குறிப்பிடத்தக்க படைப்புகள் | மனுவினா ராணி, அபாரதி யாரு |
வாழ்க்கை
தொகுகௌரம்மா 1912-ல் மடிகேரியில் என். எஸ். இராமய்யா மற்றும் நஞ்சம்மா ஆகியோருக்கு மகளாகப் பிறந்தார்.[3] மேலும் குடகில் சோமவாரபேட்டை வட்டத்தினைச் சேர்ந்த பி. டி. கோபால கிருஷ்ணாவை மணந்தார். இது பிரித்தானிய இந்தியாவின் மாகாணமான கூர்க் மாநிலம் என்று அழைக்கப்பட்டது.[4] மகாத்மா காந்தி கூர்க் பிரச்சாரத்தின் போது தனது வீட்டிற்கு அழைத்தார்.[1] மேலும் தனது தங்க ஆபரணங்கள் அனைத்தையும் அரிஜன் (தலித்) நல நிதிக்கு வழங்கினார்.[5]
1939ஆம் ஆண்டு ஏப்ரல் 13ஆம் தேதி 27 வயதில் ஒரு சுழலில் மூழ்கி இறந்தார்.[6]
வெளியீடு
தொகுகவுரம்மா கன்னடத்தில் 'கோடகினா கௌரம்மா' என்ற பெயரில் எழுதினார்.[2] "அபராதி யார்" (குற்றவாளி யார்), "வாணிய சமஸ்யே", "ஆஹுதி" மற்றும் "மனுவின ராணி" போன்ற இவரது கதைகள் நவீன மற்றும் முற்போக்கானவை. இவரின் "மனுவினா ராணி" கதை இவரைப் பிரபலமாக்கியது. மடிகேரியிலிருந்து இவரது சிறந்த கதைகளின் தொகுதி, கவுரம்மா கதேகள் என வெளியிடப்பட்டது.[4][6] கௌரம்மாவின் கதைகளின் ஒரு தொகுதி மரேயலகட கதேகலு என்ற பெயரில் வெளியிடப்பட்டது. கன்னட எழுத்தாளர் வைதேகியின் முன்னுரையில் வெளியிடப்பட்டது.[4] கௌரம்மாவின் சிறுகதைகள் தீபா பஸ்தியால் 2023-ல் ஆங்கிலத்தில் மொழிபெயர்க்கப்பட்டது. யோதா அச்சகம் மூலம் "விதியின் விளையாட்டு மற்றும் பிற கதைகள்"[7]என வெளியிடப்பட்டது.
கன்னட விமர்சகரும் எழுத்தாளருமான எம். எஸ். ஆஷா தேவி கூறுகையில், “இவர் காந்தியால் முழுமையாக ஈர்க்கப்பட்டு, அன்பு, தியாகம் மற்றும் அகிம்சை மூலம் சமூகத்தை மாற்ற முடியும் என்று நம்பினார். ரங்கவல்லி என்ற முதல் பெண்ணின் சிறுகதைத் தொகுப்பைத் திருத்தினார். தனது சொந்தக் கதைகளைப் பொறுத்தவரை, டி. ஆர். பெந்த்ரே இவற்றைக் கடு-மதுரா என்று அழைத்தபோது இவற்றைச் சிறப்பாக விவரித்தார். இது ஆங்கிலத்தில் 'பிட்டர்ஸ்வீட்' என்று மொழிபெயர்க்கப்பட்டது. கவுரம்மா மிக முக்கியமான எழுத்தாளர்களில் ஒருவராக இருந்தார், ஆனால் பின்னர், இவர் தகுதியான பெருமையைப் பெறவில்லை."[1]
செல்வாக்கு
தொகுபல தசாப்தங்களுக்குப் பிறகு, இவரது படைப்புகள் கன்னட எழுத்தாளர் திரிவேணிக்கு ஊக்கமளித்தன. எழுத்தாளர் சாந்தி கே அப்பண்ணா கவுரம்மாவை ஒரு உத்வேகமாகக் குறிப்பிட்டுள்ளார்.[8] கவிஞர் டி. ஆர். பெந்த்ரே 1958ஆம் ஆண்டு வெளியிட்ட "தங்கி கௌரம்மா" என்ற கவிதையையும் இவரது மரணத்தைப் பற்றியது.[9]
பெருமை
தொகுஎழுத்தாளர்களை ஆதரிப்பதற்காக இவரது குடும்ப உறுப்பினர்கள் கொடகினா கௌரம்மா நன்கொடை விருது ஒன்றை உருவாக்கியுள்ளனர்.[10]
மேற்கோள்கள்
தொகு- ↑ 1.0 1.1 1.2 TNN (28 October 2017). "Heroes of Karnataka". The Times of India. https://timesofindia.indiatimes.com/city/bengaluru/heroes-of-karnataka/articleshow/61310113.cms.
- ↑ 2.0 2.1 Vēṇugōpāla Soraba, Je Hēmalata (1 September 1995). Women writers in South Indian languages. B.R. Pub. Corp. p. 9. பன்னாட்டுத் தரப்புத்தக எண் 9788170188360. பார்க்கப்பட்ட நாள் 2014-08-06.
- ↑ Kallammanavar, Srikanth (5 January 2014). "The roots of Kannada in Kodagu". Deccan Herald. deccanherald.com. பார்க்கப்பட்ட நாள் 2015-04-14.
- ↑ 4.0 4.1 4.2 Rao, H.S. Raghavendra (1 March 2012). "Pioneering steps". The Hindu. https://www.thehindu.com/books//article59800012.ece. பார்த்த நாள்: 2022-07-07.
- ↑ Kamath, Dr. S. U. (1993). Karnataka State gazetteer, Kodagu District. Bangalore: Director of Print, Stationery and Publications at the Government Press. p. 660. பார்க்கப்பட்ட நாள் 2014-08-06.
- ↑ 6.0 6.1 Rajan, K. Sundar (8 April 2003). "Short stories (Book Review)". The Hindu. http://www.thehindu.com/br/2003/04/08/stories/2003040800080303.htm. பார்த்த நாள்: 2014-08-06.
- ↑ Bhasthi (January 2023). Fate's Game and Other Stories. Yoda Press. பன்னாட்டுத் தரப்புத்தக எண் 978-9382579823.
- ↑ DHNS (5 February 2017). "'Kodagina Gowramma's contribution to Kannada literature immense'". Deccan Herald. https://www.deccanherald.com/content/594802/kodagina-gowrammas-contribution-kannada-literature.html.
- ↑ "Bendre's song". The Hindu. 19 July 2016. https://www.thehindu.com/books/bendres-song/article2949640.ece.
- ↑ DHNS (21 December 2020). "'Mudre' selected for Gowramma Endowment Award". Deccan Herald. https://www.deccanherald.com/state/mangaluru/mudre-selected-for-gowramma-endowment-award-930051.html.