கோவில்பட்டி வட்டம்

கோவில்பட்டி வட்டம் , தமிழ்நாட்டின் தூத்துக்குடி மாவட்டத்தில் உள்ள 10 வட்டங்களில் ஒன்றாகும். இந்த வட்டத்தின் தலைமையகமாக கோவில்பட்டி நகரம் உள்ளது. இந்த வட்டத்தின் கீழ் கோவில்பட்டி, கழுகுமலை மற்றும் இளையரசனேந்தல் என 3 உள்வட்டங்களும் 87 வருவாய் கிராமங்கள் உள்ளன.

கோவில்பட்டி மற்றும் ஒட்டப்பிடாரம் வருவாய் வட்டங்களின் 76 வருவாய் கிராமங்களைக் கொண்டு 2016ல் புதிய கயத்தாறு வட்டம் நிறுவப்பட்டது. இவ்வட்டத்தில் கோவில்பட்டி ஊராட்சி ஒன்றியம் உள்ளது.

மக்கள்தொகை பரம்பல்

2011-ஆம் ஆண்டு மக்கள் தொகை கணக்கெடுப்பின்படி இவ்வட்டத்தின் மக்கள்தொகை பின்வருமாறு உள்ளது.

• மக்கள்தொகை 321,323.
• ஆண்கள் = 157,825.
• பெண்கள் = 163,498.
• குடும்பங்கள் = 89,004.
• கிராமப்புற மக்கள்தொகை = 40.6%.
• எழுத்தறிவு = 81.5%.
• பாலின விகிதம் = 1,000 ஆண்களுக்கு, 1,036 பெண்கள்.
• 6 வயதிற்குட்பட்ட குழந்தைகள் = 30,980.
• குழந்தைகள் பாலின விகிதம் = 1,000 ஆண் குழந்தைகளுக்கு, 972 பெண் குழந்தைகள்.
• பட்டியல் சமூகத்தினரும், பட்டியல் பழங்குடியினரும் = முறையே 69,245 மற்றும் 1,350.

சமயம்

• இந்துக்கள் = 91.23%
• இசுலாமியர்கள் = 1.96%
• கிறித்தவர்கள் = 6.48%
• பிறர்= 0.33%

சாகித்திய அகாதமி விருது பெற்ற கோவில்பட்டி வட்டத்தவர்கள்

• கு. அழகிரிசாமி - (ஆண்டு) 1970
• கி. ராஜநாராயணன் - (ஆண்டு) 1991
• பூமணி - (ஆண்டு) 2014
• சோ. தர்மன் - (ஆண்டு) 2019