சிறீ மோதிலால் கன்கையலால் ஃபோம்ரா தொழில்நுட்ப கல்லூரி

சிறீ மோதிலால் கன்கையலால் ஃபோம்ரா தொழில்நுட்ப கல்லூரி
குறிக்கோளுரை	Enrich & Excel
வகை	தனியார் பொறியியல் கல்லூரி
உருவாக்கம்	2001
முதல்வர்	முனைவர் வி. கிருஷ்ணகுமார், எம்.டெக்., பிஎச்.டி,
அமைவிடம்	சென்னை, தமிழ்நாடு, இந்தியா; 12°45′51″N 80°12′06″E / 12.764036°N 80.201673°E
சுருக்கப் பெயர்	SMK FIT
சேர்ப்பு	அண்ணா பல்கலைக்கழகம்,
இணையதளம்	www.smkfomra.net

சிறீ மோதிலால் கன்கையலால் ஃபோம்ரா தொழில்நுட்ப நிறுவனம் (Shree Motilal Kanhaiyalal Fomra Institute of Technology) (எஸ். எம். கே. ஃபோம்ரா தொழில்நுட்ப கல்லூரி என்று சுருக்கமாக அழைக்கப்படுகிறது) என்பது தமிழ்நாட்டின், சென்னையில் அமைந்துள்ள பொறியியல் கல்லூரி ஆகும். இந்த கல்லூரிக்கு புது தில்லியின் அகில இந்திய தொழில்நுட்பக் கல்விக் குழு ஒப்புதல் அளித்துள்ளது. மேலும் இது சென்னை அண்ணா பல்கலைக்கழகத்துடன் இணைக்கப்பட்டுள்ளது. இது ஒரு ஐஎஸ்ஓ 9001: 2015 சான்றளிக்கப்பட்ட நிறுவனம் ஆகும்.

வரலாறு

ஸ்ரீ மோதிலால் கன்ஹையலால் ஃபோம்ரா தொழில்நுட்பக் கல்வி நிறுவனமானது 2001 ஆம் ஆண்டு நிறுவப்பட்டு, அண்ணா பல்கலைக்கழகத்துடன் இணைக்கப்பட்டது. இக்கல்லூரியின் நிறுவனரான மோதிலால் கன்ஹையலால் 1995 ஆம் ஆண்டு அறக்கட்டளையை உருவாக்கினார். இந்தக் கல்வி நிறுவனமானது ஃபோம்ரா குடும்பத்திற்கு சொந்தமானது, இவர் ஃபோம்ரா எலக்ட்ரிகல்ஸ் என்ற நிறுவனத்தின் உரிமையாளராக உள்ளார்.

வளாகமும், அமைவிடமும்

எஸ். எம். கே. போம்ரா முன் காட்சி

இக்கல்லூரியானது சென்னையில் இருந்து 35 கிலோமீட்டர் தொலைவில், கேளம்பக்கத்திற்கு அருகிலுள்ள தையூர் கிராமத்தில், பழைய மகாபலிபுரம் சாலையில் அமைந்துள்ளது. இந்த கல்லூரி வளாகமானது 25 ஏக்கர் பரப்பளவில் பரவியுள்ளது.

நூலகம்

கல்லூரி முதன்மை நூலகம்

இந்த கல்லூரியில் ஒரு தனி கட்டிடத்தில் நூலகம் அமைந்துள்ளது. இது இரண்டு தளங்களுடன் 986 சதுர மீட்டர் பரப்பளவு கொண்டதாக, குளிரூட்டப்பட்டதாக உள்ளது. இங்கு பெரிய அளவில் புத்தகங்கள், இதழ்கள் போன்றவை சேமித்து வைக்கப்பட்டுள்ளன. இதன் சேகரிப்பில் பரந்த அளவிலான பொறியியல் பாட நூல்கள் மற்றும் பிற தொடர்புடைய ஆய்வுத் துறைகளை உள்ளடக்கியதாக உள்ளது.