சுபம் (யோகம்)
இந்திய சோதிடத்தில் சுபம் என்பது, பஞ்சாங்க உறுப்புக்களுள் ஒன்றான "யோகம்" என்பதனுள் அடங்கும் 27 யோகங்களுள் இருபத்து மூன்றாவது ஆகும். இராசிச் சக்கரத்தின் தொடக்கப் புள்ளியில் இருந்து 293° 20' தொடக்கம் 306° 40' வரை "சுபம்" யோகத்துக்கு உரியது. சூரியன், சந்திரன் ஆகிய கோள்களின் இருப்பிடங்களின் கூட்டுத்தொகை இந்தக் கோணத்தினூடாக அதிகரிப்பதற்கு எடுக்கும் நேரத்துக்குரிய யோகம் "சுபம்" ஆகும். இந்த நேரத்தில் பிறக்கும் ஒருவர் "சுபம்" யோகத்தைத் தனது பிறந்த யோகமாகக் கொண்டிருப்பார்.
சமசுக்கிருத மொழியில் சுப (Shubha) என்பது மங்கலமானது, அதிட்டமானது போன்ற பொருள்களைத் தருவது. மங்கலமான யோகம் எனச் சோதிட நூல்கள் குறிப்பிடும் யோகங்களுள் இதுவும் ஒன்று. இதன் ஆட்சிக் கோள் சூரியன். ஆட்சித் தேவதை இலக்குமி.[1]