சூல் (அலகு)

சூல் (joule; ஜூல்; இலங்கை வழக்கு: யூல், குறியீடு: J) என்பது ஆற்றலை அளப்பதற்கான அனைத்துலக முறை அலகுகள் சார்ந்த அலகு ஆகும். வெப்பம், மின், பொறிமுறை வேலை என்பவற்றை அளப்பதற்கும் இது பயன்படுகின்றது. ஆங்கில இயற்பியலாளரான சேமுசு பிரிசுகாட்டு சூல் என்பவரின் பெயரைத் தழுவி இவ்வலகுக்குப் பெயரிடப்பட்டுள்ளது.

சூல் joule
அலகு முறைமை	அனைத்துலக முறை அலகுகள்
அலகு பயன்படும் இடம்	ஆற்றல்
குறியீடு	J
பெயரிடப்பட்டது	சேமுசு பிரிசுகாட்டு சூல்
அலகு மாற்றங்கள்
1 J இல் ...	... சமன் ...
எசு.ஐ. அடிப்படை அலகுகள்	கிகி⋅மீ2⋅செ−2
செமீ.கி.செ. அலகுகள்	1×107 எர்கு
வாட்டு.செக்கண்டுகள்	1 வா⋅செ
கிலோவாட் மணிகள்	≈2.78×10−7 kW⋅h
கலோரிகள் (வெப்பவேதி)	2.390×10−4 kcalth
பி.வெ.அலகுகள்	9.48×10−4 BTU
இலத்திரன்வோல்ட்கள்	≈6.24×1018 eV

விளக்கம்

ஒரு சூல் என்பது, ஒரு நியூட்டன் அளவுள்ள விசை ஒன்று அவ்விசையின் திசையில் ஒரு மீட்டர் நகரும் பொழுது செய்யப்படும் வேலையின் அளவு ஆகும். இந்த அளவு நியூட்டன் மீட்டர் என்றும் குறிக்கப்படுவது உண்டு. நியூட்டன் மீட்டர் "N.m" என்னும் குறியீட்டால் எழுதப்படும்.

அடிப்படை அலகுகளில்,

$\,1\,\mathrm {J} =1\,\mathrm {N} \cdot \mathrm {m}$

$\,1\,\mathrm {J} =1\,\mathrm {kg} \cdot {\frac {\mathrm {m} ^{2}}{\mathrm {s} ^{2}}}$