செயலாக்க ஆணை 13769

செயலாக்க ஆணை 13769 எனப்படுவது அமெரிக்க அரசத் தலைவர் டோனால்ட் டிரம்ப் 27 சனவரி 2017 அன்று கையெழுத்திட்ட செயலாக்க ஆணை ஆகும். இந்த ஆணையின்படி இராக், இரான், லிபியா, சோமாலியா, சூடான், சிரியா, ஏமன் ஆகிய 7 நாடுகளைச் சேர்ந்தோர் ஐக்கிய அமெரிக்காவில் நுழைவதற்கு உடனடியாக தடை விதிக்கப்பட்டது. இந்த ஆணை உடனடியாக நடைமுறைப்படுத்தப்பட்டது. ஐக்கிய அமெரிக்காவை நோக்கி வந்துகொண்டிருந்த ஏதிலிகள் அனைவரும் வானூர்தி நிலையங்களில் தடுத்து நிறுத்தப்பட்டனர்.

செயலாக்க ஆணை 13769
பென்டகன் அலுவலகத்தில் ஐக்கிய அமெரிக்கக் குடியரசுத் தலைவர் டோனால்ட் டிரம்ப் ஆணையில் ஒப்பமிடல்; துணை குடியரசுத் தலைவர் மைக் பென்சும் (இடது) பாதுகாப்புத்துறை அமைச்சர் சேம்சு மாட்டிசும் (வலது) உடனிருந்தனர்.
தொடர்புடைய சட்டம்
குடிநுழைவு மற்றும் குடியுரிமைச் சட்டம் 1965
சுருக்கம்
ஐக்கிய அமெரிக்க ஏதிலி அனுமதி திட்டத்தை 120 நாட்களுக்கு இடைநிறுத்தம் (மே 27, 2017 வரை) 90 நாட்களுக்கு ஏழு நாடுகளிலிருந்து நுழைவைக் கட்டுப்படுத்துதல் (ஏப்ரல் 27, 2017 வரை - பசுமையட்டை பெற்றோருக்கும் இரட்டைக் குடியுரிமை பெற்றோருக்கும் விலக்கு) சிரிய ஏதிலிகளின் நுழைவைக் காலவரையற்று இடைநிறுத்துதல் சமயஞ்சார் துன்புறுத்தல் நடைபெறுவதாக சிறுபான்மை சமயத்தைச் சேர்ந்த ஏதிலிகளுக்கு நுழைவில் முன்னுரிமை வழங்கல் உயிரிய அளவுகளூடே சுவடுதொடரலை விரைவாக்கல் பிற ஒதுக்கைகள்

செயலாக்க ஆணையின் மூன்றாம் பிரிவினால் பாதிக்கப்பட்ட நாடுகளின் நிலப்படம். கூட்டாக, பிரிவு 3, 218 மில்லியன் மக்களை பாதிக்கின்றது (செயலாக்க ஆணையில் குறிப்பிடபட்டுள்ள ஏழு நாடுகளின் மொத்த மக்கள்தொகை). 60,000 நுழைவிசைவுகளுக்கும் குறைவானவை இத்தடையால் திரும்பப் பெறப்பட்டுள்ளன. பிரிவு 5 அனைத்து நாடுகளுக்கும் பொதுவானது.

தடையை ஐக்கிய அமெரிக்கா முழுமைக்குமாக தற்காலிகமாக நிறுத்திவைப்பதாக சியாட்டிலில் உள்ள நீதியரசர் 3 பிப்ரவரி 2017 அன்று உத்தரவு பிறப்பித்தார்.