சேக் கலீபா பின் சயத் அல் நகியான்
சேக் கலீபா பின் சயத் அல் நகியான் (Khalifa bin Zayed bin Sultan Al Nahyan அரபு மொழி: خليفة بن زايد بن سلطان آل نهيان, 7 செப்டம்பர் 1948 – 13 மே 2022), ஐக்கிய அரபு அமீரகத்தின் முன்னாள் சனாதிபதியும், அந்நாட்டு அமீரகங்களில் ஒன்றான அபுதாபி அமீரகத்தின் முன்னாள் ஆட்சியாளரும் ஆவார். இவரது தந்தையாரும் முன்னாள் சனாதிபதியுமான சேக் சயத் பின் சுல்தான் அல் நகியான் காலமான பின்னர், 2004 ஆம் ஆண்டு நவம்பர் 3 ஆம் தேதி, இவர் பதவியேற்றார். இவரது தந்தையின் முதுமை, உடல்நலக் குறைவு என்பன காரணமாக சேக் கலீபா இதற்கு முன்னர் பல ஆண்டுகளாகவே மேற்படி பதவிகளுக்கு உரிய பணிகளைத் தந்தையின் சார்பில் செய்துவந்தார்.
சேக் சேக் கலீபா பின் சயத் அல் நகியான் | |
|---|---|
.jpg) 2010 இல் சேக் காலிபா | |
| ஐக்கிய அரபு அமீரகத்தின் 2-வது அரசுத்தலைவர் | |
| பதவியில் 3 நவம்பர் 2004 – 13 மே 2022 | |
| பிரதமர் | மக்தும் பின் ராசிது அல் மக்தும் முகமது பின் ராஷித் அல் மக்தூம் |
| முன்னையவர் | சேக் சயித் பின் சுல்தான் அல் நகியான் |
| பின்னவர் | முகமது பின் ராஷித் அல் மக்தூம் (பதில்)[1] |
| அபுதாபியின் ஆட்சியாளர் | |
| பதவியில் 2 நவம்பர் 2004 – 13 மே 2022 | |
| முன்னையவர் | சேக் சயித் பின் சுல்தான் அல் நகியான் |
| பின்னவர் | முகமது பின் சாயது அல் நகியான் |
| தனிப்பட்ட விவரங்கள் | |
| பிறப்பு | காலிபா பின் சாயது அன் நாகியான் 7 செப்டம்பர் 1948 அல் ஐன் (ஐக்கிய அரபு அமீரகம்) |
| இறப்பு | 13 மே 2022 (அகவை 73) |
| துணைவர் | சம்சா பிந்த் சுகைல்[2] |
| பிள்ளைகள் | 8 |
| பெற்றோர்s |
|
1971 ஆம் ஆண்டு டிசம்பர் 2 ஆம் தேதி, ஐக்கிய அரபு அமீரகம் நிறுவப்பட்ட பின்னர், சேக் கலீபா, சனாதிபதியான தனது தந்தையின் கீழ் துணைப் பிரதம அமைச்சராகப் பதவியேற்றார். 1976 மே மாதத்தில் இவர் ஐக்கிய அரபு அமீரகப் படைகளின் துணைத் தளபதியாகவும் ஆனார். அத்துடன் ஆற்றல் குறித்த விடயங்களில், செல்வாக்குடைய உயர் பெட்ரோலியம் அவையின் தலைவராகவும் செயலாற்றி வந்தார்.
சேக் கலீபா ஐக்கிய அரபு அமீரகத்தின் மரபுவழி விளையாட்டுக்களின் ஆர்வம் கொண்டவர். சிறப்பாக குதிரை ஓட்டம், ஒட்டக ஓட்டம் என்பவற்றில் அதிக அக்கறை காட்டிவந்தார். இவர் பொதுவாக மேற்குலகப் பாணியிலான நவீனமயப்படுத்தலுக்கு ஆதரவானவர். 2005 ஆம் ஆண்டு ஏப்ரல் மாதத்தில், அரசாங்க ஊழியர்களின் சம்பளத்தை 70% உயர்த்தி ஆணை வழங்கினார்.
கொடைகள் தொகு
போர்ப்சு சஞ்சிகையின் மதிப்பீடுகளின்படி, சேக் கலீபா உலகின் இரண்டாவது பணக்கார அரசர் ஆவார். இவரது சொத்து 23 பில்லியன் அமெரிக்க டாலர்கள் எனக் கணக்கிடப்பட்டுள்ளது. 2007 ஏப்ரல் 30 ஆம் தேதி, ஜான்சு ஆப்கின்சு மருத்துவமனையின் இதயநரம்பு சிகிச்சைப் பிரிவுக்கான கட்டிடத்தைக் கட்டுவதற்கு நிதி வழங்குவதாக அறிவித்தார். இது அவரது காலஞ்சென்ற தந்தையாரான சேக் சயத்தின் நினைவாக அவரது பெயரில் வழங்கப்பட்டது. இவற்றோடு, இதயநரம்பியல், எயிட்சு ஆகிய துறைகள் குறித்த ஆய்வுகளுக்கும் நிதி வழங்கப்பட்டது. பாலசுத்தீனத்தின் காசா பகுதியில், சேக் கலீபா நகரம் என்ற பெயரில் குடியிருப்பு ஒன்றை அமைப்பதற்கும் இவர் நிதி வழங்கியுள்ளார்.
குறிப்புகள் தொகு
- ↑ "UAE president Sheikh Khalifa bin Zayed dies". ராய்ட்டர்ஸ். 13 May 2022. https://www.reuters.com/world/middle-east/uae-president-sheikh-khalifa-bin-zayed-dies-wam-agency-2022-05-13/.
- ↑ "Memories of Abu Dhabi and Al Ain in the Early Nineteen-Sixties" (in en). National Archives இம் மூலத்தில் இருந்து 2018-05-26 அன்று. பரணிடப்பட்டது.. https://web.archive.org/web/20180526095848/http://www.na.ae/en/Images/LIWA04.pdf.
வெளி இணைப்புகள் தொகு
- சேக் கலீபா பின் சயத் அல் நகியான் பரணிடப்பட்டது 2010-01-25 at the வந்தவழி இயந்திரம் ஐக்கிய அரபு அமீரக சனாதிபதியின் வரலாறு