ஜே. பி. ஹெச். வாடியா
பொதுவாக ஜே. பி. ஹெச். வாடியா என்று அழைக்கப்படும் ஜம்சேத் போமன் ஓமி வாடியா (Jamshed Boman Homi Wadia) (13 செப்டம்பர் 1901 - 4 சனவரி 1986) ஒரு பிரபல பாலிவுட் திரைப்பட இயக்குநரும், திரைக்கதை எழுத்தாளரும், தயாரிப்பாளரும் மற்றும் "வாடியா மூவிடோன்"என்ற திரைப்படப் படபிடிப்பு அரங்கத்தின் நிறுவனருமாவார்.[1] இவர் குசராத்தின் சூரத் நகரைச் சேர்ந்த முக்கிய பார்சி குடும்பத்தில் பிறந்தார். இவர்களின் மூதாதையர்கள் கப்பல் கட்டுமான வணிகத்தில் இருந்தனர். வாடியா என்ற இவர்களின் குடும்பப் பெயரே பெரியகப்பல் கட்டுபவர்களைக் குறிக்கிறது. தொழில்முனைவோரின் குடும்பத்தில் பிறந்த இவர், பியர்லெஸ் நாடியா உள்ளிட்ட பிரபலமான சண்டைக் கலைஞர்களை உள்ளடக்கிய திரைப்படங்களை உருவாக்கி, இந்தியத் திரைப்படத்தில் சண்டைக் கலைஞர்களின் கருத்தை கொண்டு வந்த பெருமைக்குரியவர்.
ஜே. பி. ஹெச். வாடியா | |
|---|---|
| பிறப்பு | ஜம்சேத் போமன் ஓமி வாடியா 13 செப்டம்பர் 1901 |
| இறப்பு | 4 சனவரி 1986 (அகவை 84) |
| பணி | திரைப்பட இயக்குநர் |
| செயற்பாட்டுக் காலம் | 1928–1985 |
| வாழ்க்கைத் துணை | இல்லா பட்டேல் |
| பிள்ளைகள் | 2 |
திரைப்பட வாழ்க்கை
தொகுவாடியா தனது திரைப்படத் தயாரிப்பை பேசாதத் திரைப்படங்களுடன் தொடங்கினார். ஒரு அறிவார்ந்த மற்றும் தீவிர எழுத்தாளராக இருந்த இவர் தனது திரைப்படங்களுக்கு திரைக்கதைகளை எழுதினார். அதே நேரத்தில் சில வருடங்கள் கழித்து இவருடன் வணிகத்தில் இணைந்த அவரது தம்பி ஓமி வாடியா வழக்கமாக அவற்றை இயக்கும் பணியில் ஈடுபட்டார். இவர் தனது முதல் திரைப்படமான வசந்த் லீலாவை 1928 ஆம் ஆண்டில் தயாரித்தார். மேலும் 11 பேசாதத் திரைப்படங்களுடன் தாதரில் உள்ள கோகினூர் அரங்கத்திலும், டெவேர் ஆய்வகங்களின் கீழும் தயாரித்தார். இந்த திரைப்படங்கள் சுமாரான வெற்றிகளாக இருந்தன. அவை பெரும்பாலும் பிரபலமான ஹாலிவுட் படங்களின் மறு ஆக்கங்களாக இருந்தன. 1933 ஆம் ஆண்டில் இவர் வாடியா மூவிடோன் என்ற நிறுவனத்தை நிறுவி தனது முதல் பேசும் திரைப்படமான லால்-இ-யமனை உருவாக்கினார். இது அரேபிய இரவுகள் மற்றும் தொடர்புடைய கருப்பொருள்களால் ஆதரிக்கப்பட்ட கீழை நாட்டின் கற்பனை உலகத்தால் ஈர்க்கப்பட்டது. இந்த திரைப்படத்தின் வெற்றி, வாடியா மூவிடோனை இவரது சகோதரர் ஓமி, அவர்களின் விநியோகஸ்தரான மன்செசா பி பில்லிமோரியா [2] மற்றும் டாடா சகோதரர்கள் புர்ஜோர் மற்றும் நாதிர்ஷா ஆகியோருடன் இணைந்து ஒரு அரங்கத்தை நிறுவ உதவியது.[1][3]
வாடியா மூவிய்டோன் அரங்கத்தின் கீழ் வாடியா இந்தியத் திரைப்படத்திற்கு பல்வேறு புதிய கருத்துக்களை அறிமுகப்படுத்தினார். இது ஒரு சண்டைக் கலைஞராக ஒரு நடிகையை நடிக்க வைத்ததில் தொடங்கி ஒரு ஆவணப்பட செய்தி, இந்திய வர்த்தமானி, ஒரு அம்ச நீள ஆவணப்படமான ஹரிபுரா போன்றவை முக்கிய பங்கு வகிக்கிறது.[1]
குடும்பமும் தனிப்பட்ட வாழ்க்கையும்
தொகுவாடியா ஒரு முக்கிய பார்சி குடும்பத்தில் கப்பல் கட்டும் வணிகக் குடும்பத்தில் பிறந்தார். அதன் கப்பல்கள் சீனாவுடனான அபினி வர்த்தகம் உட்பட கிழக்கு இந்திய நிறுவனத்திற்கு சேவை செய்தன. இருப்பினும், இவரது குடும்பத்தின் சொந்த வணிகம் 19 ஆம் நூற்றாண்டின் பிற்பகுதியிலும் 20 ஆம் நூற்றாண்டின் முற்பகுதியிலும் கடினமான காலங்களில் விழுந்தது. மேலும் நிதித்தேவைகள் இறுக்கமாக இருந்தது. வாடியா இளங்கலைச் சட்டமும் , முதுகலைப் பட்டமும் பெற்றுள்ளார். அத்துடன் பாரசீகம், குசராத்தி, உருது போன்ற மொழிகளில் தேர்ச்சி பெற்றிருந்தார். அவர் நிதி மற்றும் சட்டத் தொழிலைத் தொடர்வேண்டியிருந்தாலும், இவரது உண்மையான ஆர்வம் திரைப்படமாகும்.
இவர்களின் குடும்பம் மிகவும் பழமைவாத குடும்பமாக இருந்தது. திரைப்படத் தயாரிப்பிற்கு திரும்பியபோது, இவரது குடும்பத்தினர் ஆரம்பத்தில் ஆதரவளிக்கவில்லை - மேலும் இவரது தம்பி ஓமியும் இவருடன் சேர முடிவு செய்தபோது இன்னும் திகைத்துப் போனார்கள். இருப்பினும், அவர்களின் திரைப்படங்களின் வெற்றியுடன், குடும்பத்தின் மற்றவர்கள் இறுதியில் இவர்களை ஆதரித்தனர்.
திருமணம்
தொகுவாடியா, தனது தூரத்துச் சொந்தமான இல்லா படேல் என்பவரை மணந்தார். இவர்களுக்கு வின்சி என்ற மகனும், ஹைடி என்ற மகளும் இருந்தனர்.[4]
இறப்பு
தொகுஜே. பி. ஹெச். வாடியா 1986 ஆம் ஆண்டில் புற்றுநோயால் இறந்தார்.
குறிப்புகள்
தொகு- ↑ 1.0 1.1 1.2 "A Brief history of Movietone and Wadia Brothers".
- ↑ "Chotisi Duniya: Hunterwali Nadia". Archived from the original on 2016-03-04. பார்க்கப்பட்ட நாள் 2021-01-12.
- ↑ "Toofani Tarzan". Archived from the original on 2012-02-22.
- ↑ Wadia, JBH (1983). M.N. Roy, the man: an incomplete Royana. Popular Prakashan.