தாய்லாந்தில் விலங்கு நலன்
தாய்லாந்தில் விலங்கு நலன் (Animal welfare in Thailand) என்பது விவசாயம், வேட்டை, மருத்துவ பரிசோதனை, சுற்றுலா, மற்றும் விலங்குகளின் உள்நாட்டு உரிமை போன்ற துறைகளில் விலங்குகளுக்கு சிகிச்சையளிப்பது தொடர்பானது. இது விலங்கு பாதுகாப்பிலிருந்து வேறுபட்டது.
சட்டங்கள்
தொகுதாய்லாந்து தனது முதல் விலங்கு நலச் சட்டத்தை 2014 இல் அறிமுகப்படுத்தியது. விலங்குகளின் கொடுமையைத் தடுப்பது மற்றும் விலங்குகளின் நலச் சட்டம், பி.இ. 2557 (2014) டிசம்பர் 27, 2014 அன்று நடைமுறைக்கு வந்தது. [4]
சட்டத்தால் பாதுகாக்கப்பட்ட விலங்குகள் செல்லப்பிராணிகளாக வளர்க்கப்படுகின்றன. மேலும், அவை வேலைக்கு உதவும் விலங்குகளாக, சுமை தூக்கும் மிருகங்களாக, நண்பர்களாக, கால்நடைகளாக, நிகழ்ச்சி நடத்துவதற்கு உதவும் விலங்குகளாக, அல்லது வேறு எந்த நோக்கத்திற்காகவும், உரிமையாளர்களுடனோ அல்லது இல்லாமலோ இருக்கலாம் என வரையறுக்கப்படுகின்றன. விலங்குகளின் உரிமையாளர்கள், நல்ல ஆரோக்கியம் மற்றும் சுகாதாரம், போதுமான உணவு மற்றும் தண்ணீருடன் விலங்குகளை வளர்ப்பது, மற்றும் பொருத்தமான சூழ்நிலைகளில் தான் வளர்க்கும் விலங்குகளை வைத்திருப்பது போன்றவை விலங்கு நலச்சட்டத்தில் குறிப்பிடப்பட்டுள்ளது. உரிமையாளர் இந்த சட்டத்தின் படி நடக்கவேண்டும் என்று வலியுறுத்தப்படுகிறது. இந்தச் சட்டத்திற்குள், "உரிமையாளர்" என்ற சொல் அனைத்து குடும்ப உறுப்பினர்களையும், வீட்டு உதவிகளையும், ஒரு செல்லப்பிராணியை கவனித்துக்கொள்ள நியமிக்கப்பட்ட எந்த நபர்களையும் உள்ளடக்கும் என்று கருதப்படுகிறது.
நேரடி முதுகெலும்புகள் கொண்ட விலங்குகளை பயன்படுத்தி செய்யும் உணவு வகைகள் (மெனுக்கள்) இப்போது தாய்லாந்தில் சட்டவிரோதமானதாக உள்ளது. [5] நாய் மற்றும் பூனை இறைச்சியை வர்த்தகம் செய்வது மற்றும் உட்கொள்வது இப்போது 2014 சட்டத்தின் கீழ் தாய்லாந்தில் சட்டவிரோதமானதாக உள்ளது. பாம்புகள், முதலைகள் அல்லது பிற விலங்குகளுக்கு நேரடி இரையை கொடுப்பதும் உண்பதும் தடைசெய்யப்பட்டுள்ளது.
விலங்கு கொடுமைச் சட்டத்தில் திருத்தம் செய்ய தாய் அமைச்சரவை 2018 அக்டோபரில் ஒப்புதல் அளித்தது. வேளாண்மை மற்றும் கூட்டுறவு அமைச்சின் கால்நடை மேம்பாட்டுத் துறையால் தொடங்கப்பட்ட இந்தத் திருத்தத்திற்கு செல்லப்பிராணிகளைப் பதிவு செய்ய வேண்டும். செல்லப்பிராணி உரிமையாளர்களில் பெரும்பாலோர் கொள்கையின் அடிப்படையில் பதிவு செய்வதற்கான தேவையை ஏற்றுக்கொண்டனர், ஆனால் ஒரு விலங்குக்கு 450 பாட் என்ற உத்தேச பதிவு கட்டணத்தை எதிர்க்கின்றனர். [6]
விலங்கு நல பிரச்சினைகள்
தொகுகைவிடப்பட்ட விலங்குகள்
தொகு2007 ஆம் ஆண்டில் தாய்லாந்தில் சுமார் 350,000 கைவிடப்பட்ட நாய்கள் மற்றும் பூனைகள் இருந்தன. 2017 ம் ஆண்டில், இந்த எண்ணிக்கை 860,000 ஆக உயர்ந்தது. கால்நடை மேம்பாட்டுத் திணைக்களத்தின்படி, "நாங்கள் ஒன்றும் செய்யாவிட்டால், தாய்லாந்தில் 2027 ஆம் ஆண்டில் 2 மில்லியன் கைவிடப்பட்ட நாய்களும் பூனைகளும் 2037 ஆம் ஆண்டில் இந்த எண்ணிக்கை 5 மில்லியனாக இருக்கும்." என்று தெரிவிக்கப்பட்டுள்ளது. [7]
விலங்கு சண்டை
தொகுமத விழாக்களில் அல்லது நம்பிக்கைகள் மற்றும் உள்ளூர் விருப்பப்படி, விலங்குச் சண்டை போன்ற காரணங்களால் விலங்குகளைக் கொல்வது வழக்கத்தில் உள்ளது. உதாரணமாக, சில கிராமங்களில் இன்றும், சேவல் சண்டை, விலங்குகளின் கொடுமையைத் தடுப்பது மற்றும் விலங்குகள் நல சட்டம் வழங்குதல் அமைப்பின் கீழ் அனுமதி பெற்று நடைபெறுகிறது.[8]
யானைகளின் சுரண்டல்
தொகுதாய்லாந்தில் வேலை செய்யும் மற்றும் நிகழ்ச்சி நடத்தும் யானைகள் பெரும்பாலும் மியான்மரிலிருந்து வேட்டையாடப்பட்டு தாய்லாந்திற்கு கடத்தப்படுகின்றன. [9] தாய்லாந்தில் தற்போது சுமார் 6,500 யானைகள் வசித்து வருகின்றன. அவற்றில் சுமார் 2,500 யானைகள் வனப்பகுதிகளில் இருந்து பிடிபட்டுள்ளன. கடத்தப்பட்ட விலங்குகள் உள்நாட்டில் வளர்க்கப்படுவதால், அதன் பிறப்பு மற்றும் உரிமை ஆவணங்கள் பொய்யானவையாக உள்ளன.
சுற்றுலா முகாம்களிலும், மற்றும் தாய்லாந்து முழுவதும் உள்ள பிற இடங்களிலும் யானைகளின் தோற்றத்தை ஆவணப்படுத்த சிறந்த சட்டம் மற்றும் அமைப்புகளை ஏற்படுத்த வேண்டும் என்று விலங்கு நல ஆலோசகர்கள் கோரியுள்ளனர். [9]
குறிப்புகள்
தொகு- ↑ Piyarach Chongcharoen (February 4, 2015). "Wild birds seized from Tiger Temple". Bangkok Post. பார்க்கப்பட்ட நாள் February 4, 2015.
- ↑ "Tiger Temple raided". Thai PBS English News Service. February 4, 2015. பார்க்கப்பட்ட நாள் February 4, 2015.
- ↑ Guynup, Sharon (January 21, 2016). "Exclusive: Tiger Temple Accused of Supplying Black Market". National Geographic. பார்க்கப்பட்ட நாள் March 9, 2016.
- ↑ "CRUELTY PREVENTION AND WELFARE OF ANIMAL ACT, B.E. 2557 (2014)". Thai SPCA. Archived from the original on 13 May 2016. பார்க்கப்பட்ட நாள் 11 May 2016.
- ↑ Klangboonkrong, Manta (13 February 2015). "New Thai law against animal cruelty puts burden on humans". Asiaone (Singapore Press Holdings Ltd) இம் மூலத்தில் இருந்து 9 ஏப்ரல் 2017 அன்று. பரணிடப்பட்டது.. https://web.archive.org/web/20170409034101/http://news.asiaone.com/news/asia/new-thai-law-against-animal-cruelty-puts-burden-humans. பார்த்த நாள்: 22 November 2015.
- ↑ "The truth about cats and dogs". Bangkok Post. 23 October 2018. https://www.bangkokpost.com/lifestyle/social-and-lifestyle/1562990/the-truth-about-cats-and-dogs. பார்த்த நாள்: 23 October 2018.
- ↑ . 23 October 2018.
- ↑ Klangboonkrong, Manta (13 February 2015). "New Thai law against animal cruelty puts burden on humans". Asiaone இம் மூலத்தில் இருந்து 9 ஏப்ரல் 2017 அன்று. பரணிடப்பட்டது.. https://web.archive.org/web/20170409034101/http://news.asiaone.com/news/asia/new-thai-law-against-animal-cruelty-puts-burden-humans.
- ↑ 9.0 9.1 Campbell, Charlie (2014-07-08). "Elephants Are Tortured and Trafficked to Entertain Tourists in Thailand". Time. http://time.com/2965190/burma-myanmar-thailand-elephants-trafficked-tortured-tourism/. பார்த்த நாள்: 6 Mar 2015.