தேவா, இந்தியா

தேவா (Dewa) என்பது இந்தியாவின் உத்தரப்பிரதேச மாநிலத்தில் உள்ள பாராபங்கி மாவட்டத்திலுள்ள ஒரு நகரமும் பேரூராட்சியுமாகும். இது ஹாஜி வாரிஸ் அலி ஷாவின் சன்னதிக்கு பிரபலமானது. இந்த நகரம் தேவா ஷெரீப் என்ற பெயரிலும் அறியப்படுகிறது. இது தலைநகர் இலக்னோவிலிருந்து வடகிழக்கில் சுமார் 26 கி.மீ. தொலைவில் அமைந்துள்ளது.

தேவா
நகரம்
அடைபெயர்(கள்): தேவா ஷெரிப்
ஆள்கூறுகள்: 27.03°N 81.17°E / 27.03; 81.17
நாடு	இந்தியா
மாநிலம்	உத்தரப் பிரதேசம்
மாவட்டம்	பாராபங்கி
தோற்றுவித்தவர்	வாரிஸ் அலி ஷா
அரசு
• வகை	பேரூராட்சி
ஏற்றம்	137 m (449 ft)
மக்கள்தொகை  (2011)
• மொத்தம்	15,662
மொழி
• அலுவல்	இந்தி
• கூடுதல் அலுவல்	உருது
நேர வலயம்	ஒசநே+5:30 (இந்திய சீர் நேரம்)
அஞ்சல் குறியீட்டு எண்	225301
தொலைபேசி இணைப்பு எண்	05248
வாகனப் பதிவு	உபி-41
இணையதளம்	up.gov.in

மொழியியல் சிறுபான்மை மக்கள்தொகை கொண்ட ஒரு நகரமாக தேவாவை மாநில அரசு முறையாக அங்கீகரிக்கிறது. அங்கு உருது மொழி பேசுபவர்கள் உள்ளூர் மக்களில் 15 சதவீதமோ அல்லது அதற்கு மேற்பட்டவர்கள் இருக்கின்றனர். இது உத்தரப் பிரதேசத்தின் முக்கியப் பாரம்பரியத் தளங்களில் ஒன்றாக வைக்கப்பட்டுள்ளது

நிலவியல்

தேவா 27.03°N 81.17°E / 27.03; 81.17பாகையில் அமைந்துள்ளது. இது சராசரியாக 137 மீட்டர் (449 அடி) உயரத்தில் உள்ளது.

மக்கள் தொகை பரவல்

2011 இந்திய மக்கள் தொகை கணக்கெடுப்பின்படி, தேவாவின் மொத்த மக்கள் தொகை 15,662 ஆகும். இதில் 8,231 ஆண்களும் 7,431 பெண்களும் இருக்கின்றனர். 0 முதல் 6 வயதுக்குட்பட்டவர்கள் 2,347 என்ற அளவில் இருக்கின்றனர். தேவாவில் மொத்த கல்வியறிவாளர்களின் எண்ணிக்கை 7,967 ஆகும். இது 50.9% மக்களில் ஆண்களின் கல்வியறிவு 54.4% ஆகவும், பெண் கல்வியறிவு 47.0% ஆகவும் உள்ளது. தேவாவின் 7+ மக்கள்தொகையின் கல்வியறிவு விகிதம் 59.8% ஆகும். இதில் ஆண்களின் கல்வியறிவு விகிதம் 63.9% ஆகவும், பெண் கல்வியறிவு விகிதம் 55.4% ஆகவும் இருந்தது. பட்டியல் சாதியினரும் பட்டியல் பழங்குடியினரின் எண்ணிக்கை முறையே 746 , 18 ஆகும். தேவாவில் 2011இல் 2485 வீடுகள் இருந்தன.

தேவாவில் 67 கிராம ஊராட்சிகள் உள்ளன.

சாலை இணைப்பு

தேவா, இலக்னோ, பதேபூர், பாராபங்கி, சூரத்கஞ்ச், குர்சி, மசாலி , சின்ஹாட் ஆகியவற்றுடன் சாலை வழியாக நன்கு இணைக்கப்பட்டுள்ளது.