தொப்பூர் கணவாய்

தொப்பூர் கணவாய் என்பது இந்தியாவின், தமிழ்நாடு மாநிலத்திலுள்ள தருமபுரி மாவட்டம், கிழக்குத் தொடர்ச்சி மலைகள் பகுதியில் அமைந்த ஒரு கணவாய் ஆகும். இது சேலத்தில் இருந்து 40 கிலோமீட்டர் தொலைவில் உள்ளது. இது தமிழ்நாட்டின், சேலம் மாவட்டம் தொப்பூர் என்னும் கிராமத்திற்கு அருகில் உள்ளது.

தொப்பூர் கணவாய்
நாடு	இந்தியா
மாநிலம்	தமிழ்நாடு
மாவட்டம்	தருமபுரி மாவட்டம்

சேலம் மாவட்டத்தை தருமபுரி மாவட்டத்துடன் இணைக்கும் கணவாய்களுள் இதுவும் ஒன்று. மற்றொன்று மஞ்சவாடி கணவாய் ஆகும்.

இதன் வழியாக தேசிய நெடுஞ்சாலை 7 செல்வதால் தமிழகத்தின் முதன்மையான வணிக வழித்தடமாக உள்ளது. காஷ்மீர் முதல் கன்னியாகுமரி வரையிலும் நாள்தோறும் ஆயிரக்கணக்கான வாகனங்கள் இக்கணவாய் வழியாகச் செல்கின்றன. இக்கணவாய் பகுதியில் மூன்று கிலோமீட்டர் தொலைவுக்கு இருபுறமும் மலைகளும் காடுகளும் நிறைந்த பகுதியாக உள்ளது. இந்தக் காட்டுப் பகுதியில் குரங்கு, மான், காட்டெருமை, காட்டுப்பன்றி, மயில், முயல் போன்ற வன விலங்குகள் அதிகம் உள்ள ன.