தொலைப்பிரதி

ஆங்கிலத்தில் பாக்ஸ் என்ற சொல் (தமிழில் தொலைப்பிரதி அல்லது தொலைநகல்) (ஃபாஸ்சிமெயில் என்ற சொல்லின் சுருக்கம்), இலத்தீன் மொழிச்சொல்லான ஃபாஸ்சி மெயில் என்ற சொல்லில் இருந்து உருவானது, அதன் பொருள் "ஒரேபோல உருவாக்குவது அல்லது செய்வது", (அதாவது "ஒரு நகலை எடுப்பது" என்பதாகும்) மேலும் இது ஒரு தொலைத்தொடர்பு கொள்வதற்கான தொழில்நுட்பத்தைப் பயன்படுத்தி ஆவணங்களின் நகல்களை (தொலைப்பிரதிகளை) எடுக்க பயன்படுவதாகும், அதுவும் குறிப்பாக தொலைபேசி இணையம் மூலம் எளிதாக இயலும் அளவிலுள்ள கருவிகளைப் பயன்படுத்தி ஆவணங்களின் நகலெடுப்பதாகும். அதே போல, டெலிபாக்ஸ் , என்ற சொல் டெலி ஃபாஸ்சிமெயில் என்ற சொல்லின் சுருக்கமாகும், அதன் பொருளானது "தூரத்தில் இருந்து நகலெடுப்பதாகும்", மேலும் இச்சொல் ஒரு இணைப்பெயர் ஆகும். பாக்ஸ் (தொலைப்பிரதி) என்ற சொல் பல சொற்களின் முதல் ஏழுத்துக்களை இணைத்து உருவாக்கும் சொல்லாக அமையவில்லை என்பது தெளிவாகும் (ஏன் என்றால் அச்சொல் பாக்ஸ் சிமெயில் என்ற இரு சொற்கள் கொண்டது), மேலும் அச்சொல் அடிக்கடி “FAX” என்றே எழுதப்படுகிறது. பிரெஞ்சு மொழி பேசும் நாடுகளில், இதனை டெலிகொபியர்'என்று வழங்குவர், இந்தச்சொல் இக்கருவியின் ஜெராக்ஸ் குறியீட்டையும் குறிப்பதாகும். தொலைதூரங்களிலுள்ள மக்களுக்கு ஆவணங்களை அனுப்பும் பொழுது, தபால்துறை மூலமாக அனுப்புவதை விட தொலைப்பிரதிகள் மூலமாக அனுப்புவது சிறந்த ஆதாயம் கொண்டதாகும், அதாவது அவை மறுகணமே விநியோகம் ஆகிவிடும், இருந்தாலும் தரத்தில் சில குறைபாடுகள் உள்ளதால், [EMAIL]செய்வதையே தற்பொழுது மக்கள் விரும்புகின்றனர், ஆனால் குறிப்பாக, சில விதிவிலக்குகள் காரணமாக, (எடுத்துக்காட்டாக சட்டப்படியான சில செயல்பாடுகள் மற்றும் கையோப்பமிடவேண்டிய கட்டாயம் இருப்பது) மின் அஞ்சல் முறையில் கையாள்வதற்கு அதிகமான படிகளை பின்பற்ற வேண்டியதாக இருக்கும்.

ஒரு சாம்சங் தொலைப்பிரதி இயந்திரம்

மேலோட்டப்பார்வை

ஒரு "தொலைப்பிரதி இயந்திரம்" பொதுவாக பிம்ப மின்வருடி, ஒரு மோடம் அல்லது இணக்கி, மற்றும் ஒரு அச்சுப்பொறி போன்ற கருவிகள் கொண்டதாகும்.

அச்சிட்ட ஆவணங்களை மின்சாரம் மூலமாக தொலைதூரங்களுக்கு அனுப்பும் பலவகைக் கருவிகள், 19 ஆவது நூற்றாண்டிலிருந்து இருந்துவந்தாலும், (வரலாற்றுப்பகுதியை கீழே பார்க்கவும்), தொழில் நுட்பங்களின் பண்பு உயர்ந்து கொண்டே போனதாலும், இம்மூன்று கருவிகளின் விலை நாளடைவில் குறைந்து வந்ததாலும், இயக்கக்கூடிய நவீன தொலைப்பிரதி இயந்திரங்கள் சாத்தியமானது 1970 ஆம் ஆண்டின் பிற்பகுதியில் தான் என்பதை உணரவேண்டும். எண்முறை தொலைப்பிரதி இயந்திரங்கள் முதலில் ஜப்பான் நாட்டில் பிரபலமடைந்தது, அச்சமயத்தில் நிலவிவந்த டெலிப்ரிண்டர் சார்ந்த தொழில்நுட்பத்தின் குறைபாடுகளால் தட்டச்சில் கஞ்சி மொழி சார்ந்த வடிவங்களை அச்சிடுவதற்குள், மனிதனால் விரைவாக அவற்றை கையெழுத்துப்பிரதிகளாகவே சீக்கிரமாக எழுதமுடிந்தது. (அப்பொழுது எளிதாக பயன்படும் வகையில் உள்ளீடு முறை தொகுப்பான் (இன்புட் மெதட் எடிடர்) போன்ற கருவிகள் கண்டுபிடிக்கவில்லை). சிறிது நாட்களுக்குப்பிறகு, தொலைப்பிரதி சேவைகள் மலிவான விலையில் கிடைக்கத் தொடங்கின, மேலும் 1980 ஆண்டின் பிற்பகுதியில், உலக அளவில் தொலைப்பிரதி இயந்திரங்கள் மிகவும் பிரபலமடைந்தன.

வர்த்தக நிறுவனங்கள் தம்மிடம் ஏதாவது ஒரு வகை தொலைப்பிரதி இயந்திர வசதியை (திறமையை) வைத்திருந்தாலும், இதன் தொழில் நுட்பமானது நாளுக்கு நாள் இணையதளங்களை ஆதாரமாகக்கொண்ட அமைப்புகளிடம் இருந்து கடும் போட்டியை எதிர்கொண்டு வருகின்றன. இருந்தாலும், தொலைப்பிரதி இயந்திரங்கள் இன்னும் சில ஆதாயங்கள் கொண்டவையாகும், குறிப்பாக உணர்ச்சி மிகுந்த பொருள்களை அனுப்பும் பொழுது, சர்பேன்ஸ்-ஆக்ஸ்லி மற்றும் ஹெல்த் இன்சூரன்ஸ் போர்டபிளிட்டி அன்ட் அக்கவுன்டபிளிட்டி ஆக்ட் போன்ற ஒழுங்குமுறைக் கட்டுப்பாடுகளை பின்பற்ற வேண்டிய கட்டாயம் உள்ளதால், அவற்றை மறையீடு செய்யாமல் பிணையங்கள் வழியாக அனுப்ப இயலாது. சில நாடுகளில் மின்னணுவியல் கையொப்பங்கள் கொண்ட ஒப்பந்தங்கள் சட்ட ரீதியாக செல்லுபடியாகாது, ஆனால் தொலைப்பிரதிகள் மூலமாக அனுப்பிய கையெழுத்துடன் கூடிய ஒப்பந்த நகல்கள் சட்ட ரீதியாக ஏற்றுக்கொள்கிறது. இதன் காரணமாக வர்த்தக நிறுவனங்கள் தொலைப்பிரதி இயந்திரங்களை ஆதரித்து வருகின்றன.

உள்நோக்கி வருகின்ற மின்னணுவியல் தொலைப்பிரதிகளை ஓரிடத்தில் சேர்த்து வைத்து மற்றும் தேவைப்படும் பொழுது அவற்றை பயனர்களுக்கு அச்சிட்ட முறையில் காகிதங்கள் மூலமாகவோ அல்லது மின் அஞ்சல் மூலமாகவோ (பாதுகாப்புடன் கூடிய மின் அஞ்சல்) அனுப்புவது எளிதாக இருப்பதால், மக்கள் பல்வேறு கூட்டாண்மைக்குரிய சூழ்நிலைகளில், தனிப்பட்ட தொலைப்பிரதி இயந்திரங்கள் பயன்பாட்டிற்கு பதிலாக "தொலைப்பிரதி வழங்கிகள்" மற்றும் இதர கணினி சார்ந்த அமைப்புகளை பயன்படுத்த விரும்புகின்றனர். இது போன்ற அமைப்புகளால் செலவுகள் குறைவதால், தேவை இல்லாமல் பிரதிகளை அச்சிடும் நேரமும் பணியும் மிச்சப்படும் மேலும் ஒரு அலுவலகத்தில் உள்நோக்கி வரும் ஒப்புமை தொலைபேசிகளின் தேவைகளின் எண்ணிக்கையையும் குறைக்கலாம்.

செயல்வல்லமைகள், செயல்திறமைகள்

தொலைப்பிரதிகளின் செயல்வல்லமைகளை கணிப்பதற்கு, பல வகையான வேறுபாடுகளுடன் கூடிய சுட்டிக்காட்டிகள் உள்ளன:குழு (குலம்), பிரிவு, தரவு பரப்பும் விகிதம், மற்றும் ஐ.டி.யூவின் சீர்தரப்படுத்தல் (பழைய சிசிஐடிடி) பரிந்துரைகளுக்கு இணக்கத்தோடு இருத்தல்.

தொலைப்பிரதி இயந்திரங்கள் பொதுவாக தரவரிசையுடன் கூடிய பப்ளிக் சுவிட்ச்ட் டெலிபோன் நெட்வொர்க்(PSTN) கம்பிகள் மற்றும் தொலேபேசி எண்களை பயன்படுத்துகின்றன.

குழு

அலைமருவி (அனலொக்)

குழு 1 மற்றும் குழு 2 சார்ந்த தொலைப்பிரதிகள் ஒப்புமை தொலைக்காட்சியில் பயனாகும் அதே வகையான சட்டங்களை பயன்படுத்துகிறது மற்றும் ஒவ்வொரு வருடிய வரியையும் தொடர்ச்சியான ஒப்புமைக்குறிகையாக அனுப்புகிறது. கிடைமட்ட பிரிதிறன் என்பது மின்வருடிகளின் தரம், செலுத்துகம்பி, மற்றும் அச்சுப்பொறிகளின் தரத்தைப் பொறுத்து வேறுபடும். ஒப்புமை தொலைப்பிரதி இயந்திரங்கள் தற்பொழுது வழக்கற்றுப் போனதால் மேலும் தயாரிக்கப்படுவதில்லை. அதே போல ஐ.டி. யூவின் சீர்தரப்படுத்தல் பரிந்துரைகள் T.2 மற்றும் T.3 வழக்கற்றுப்போனதால் அவை ஜூலை 1996 அன்று கலைக்கப்பட்டன.

• குழு 1 தொலைப்பிரதிகள் ஐ.டி. யூவின் சீர்தரப்படுத்தல் பரிந்துரை T.2. பிரிவுகளை ஆதாரமாகக் கொண்டுள்ளது. குழு 1 தொலைப்பிரதி ஒரு பக்கத்தகவலை செலுத்த ஆறு நிமிடங்களை எடுக்கும், அவற்றின் செங்குத்து பிரிதிறன் ஆனது ஒரு விரலத்திற்கு (ஒரு இன்ச் அளவிற்கு) 96 வருடி வரிகள் கொண்டதாகும். குழு 1 தொலைப்பிரதி இயந்திரங்கள் தற்பொழுது வழக்கற்றுப் போய்விட்டன மேலும் உற்பத்தி செய்வதில்லை.
• குழு 2 தொலைப்பிரதிகள் ஐ.டி. யூவின் சீர்தரப்படுத்தல் பரிந்துரைகள் T.30 மற்றும் T.3. அடிப்படையாகக் கொண்டதாகும். குழு 2 தொலைப்பிரதிகள் ஒரு பக்கத்தகவலை செலுத்த மூன்று நிமிடங்களை எடுக்கும், அவற்றின் செங்குத்து பிரிதிறன் ஆனது (ஒரு இன்ச் அளவிற்கு) ஒரு விரலத்திற்கு 96 வருடி வரிகள் கொண்டதாகும். குழு 2 தொலைப்பிரதி இயந்திரங்கள் தற்பொழுது கிட்டத்தட்ட வழக்கற்றுப்போய்விட்டன மேலும் உற்பத்தி செய்வதில்லை. குழு 2 தொலைப்பிரதி இயந்திரங்கள் மற்றும் குழு 3 தொலைப்பிரதி இயந்திரங்கள் இரண்டையும் ஒன்றுடன் ஒன்று பயன்படுத்த இயலும்.

டிஜிட்டல் (எண்முறை)

குழுக்கள் 3 மற்றும் 4 தொலைப்பிரதிகள் எண்முறை வடிவங்களாகும், மேலும் அவை எண்முறை ஒடுக்க முறைகளைப் பின்பற்றுவதால் செய்திகளை அனுப்ப எடுக்கும் நேரம் குறைவானதாகும்.

• குழு 3 தொலைப்பிரதிகள் ஐ.டி. யூவின் சீர்தரப்படுத்தல் பரிந்துரைகள் T.30 மற்றும் T.4. அடிப்படையாகக் கொண்டதாகும். குழு 3 இன் தொலைப்பிரதிகள் ஒரு பக்க செய்திகளை அனுப்ப சுமார் ஆறு முதல் பதினைந்து விநாடிகளை எடுத்துக்கொள்கிறது. (இதில் தொடக்கத்தில் தொலைப்பிரதி இயந்திரங்கள் இரண்டும் கைகுலுக்கி தம் கருவிகளை ஒரே காலத்தில் நிகழ்விக்கும் தன்மையை அடைவதற்கான நேரம் அடங்காது). இதற்காக அனுமதிக்கப்பட்ட கிடைமட்ட மற்றும் செங்குத்து பிரிதிறன்கள் T.4 தரத்தை சார்ந்து, சில குறிப்பிட்ட நிலையான பிரிதிறன்களுக்கிடையே வேறுபடும்:
  • கிடைமட்ட: ஒரு விரலத்திற்கு 100 வருடி வரிகள் கொண்டது
    • செங்குத்து: ஒரு விரலத்திற்கு 100 வருடி வரிகள் கொண்டது
  • கிடைமட்ட: ஒரு விரலத்திற்கு 200 அல்லது 204 வருடி வரிகள் கொண்டது
    • செங்குத்து: ஒரு விரலத்திற்கு 100 அல்லது 98 வருடி வரிகள் கொண்டது('Standard')('தரமானது')
    • செங்குத்து: ஒரு விரலத்திற்கு 200 அல்லது 204 வருடி வரிகள் கொண்டது('Fine')(நயமானது)
    • செங்குத்து: ஒரு விரலத்திற்கு 400 அல்லது 391 (392 அல்ல) வருடி வரிகள் கொண்டது ('Superfine')(மிகு மேன்மையான)
  • கிடைமட்ட: ஒரு விரலத்திற்கு 300 வருடி வரிகள் கொண்டது
    • செங்குத்து: ஒரு விரலத்திற்கு 300 வருடி வரிகள் கொண்டது
  • கிடைமட்ட: ஒரு விரலத்திற்கு 400 அல்லது 408 வருடி வரிகள் கொண்டது
    • செங்குத்து: ஒரு விரலத்திற்கு 400 அல்லது 391 வருடி வரிகள் கொண்டது('ultrafine')(மிகுமிகு மேன்மையானது)
• குழு 4 தொலைப்பிரதிகள் ஐ.டி. யூவின் சீர்தரப்படுத்தல் பரிந்துரைகள் T.563, T.503, T.521, T.6, T.62, T.70, T.72, T.411 முதல் T.417. போன்றவைகளை அடிப்படையாகக் கொண்டதாகும். அவை அனைத்தும் நொடிக்கு 64 கிலோபிட் விரைவில் எண்முறை ஐஎஸ்டிஎன் சுற்றுகளில் செயல்படும். அவற்றின் பிரிதிறன் T.6 பரிந்துரைக்கு உட்பட்டதாகும், மேலும் அவை T.4 பரிந்துரைகளின் மிகை கணமாகும்.

பாக்ஸ் ஓவர் ஐ பி (FOIP அல்லது பாக்ஸ் ஓவர் இண்டர்நெட் ப்ரோட்டோகால்) முறையில் நிகழ்நேர வேகத்தில் முன்பே எண்முறை செய்த ஆவணங்களை அனுப்பலாம் மற்றும் பெறலாம். வருடிய ஆவணங்களை பயனர் ஒரு மின்வருடியில் ஏற்ற செலவிடும் நேரத்தைப்பொறுத்து, மேலும் அக்கருவி எண்முறையிலான கோப்பையை செயல்படுத்த எடுக்கும் நேரத்துடன் வேலை முடிந்து விடும். அதன் பிரிதிறன் மிகவும் குறைவான 150 டிபிஐ முதல் 9600 டிபிஐ அல்லது அதற்கு மேலும் வேறுபடலாம். இந்த வகை தொலைப்பிரதிகளை அனுப்புவதென்பது, மின் அஞ்சலிலிருந்து தொலைப்பிரதிகள் அனுப்பும் சேவைகளைப்போல், ஒரு வழியேனும் தொலைப்பிரதிகளுக்கான இணக்கிகளை (மோடம்) இன்றும் பயன்படுத்தும் முறைகளை சார்ந்ததல்ல.

வகை (பிரிவு)

கணினிக்கான இணக்கிகள் (மோடம்) ஒரு குறிப்பிட்ட தொலைப்பிரதி பிரிவைப்பொறுத்து, மிகையாக பணியில் அமர்த்தப்படுகின்றன, அதாவது அதிலிருந்து எந்த அளவிற்கு கணினியின் சிபியுவில் இருந்து (கணினியின் மைய செயல் அலகு) தகவல்கள் தொலைப்பிரதி இணக்கிகளுக்கு (மோடம்) அகற்றுகின்றது என்பதை சுட்டுவதாகும்.

• பிரிவு 1 தொலைப்பிரதி கருவிகள் தொலைப்பிரதி தரவுகளை T.4/T.6 தரவு அமுக்கத்துடன் மற்றும் T.30 கூட்டுத்தொடர் நிருவாக அமைப்புடன் கூடிய மென்பொருளுடன் ஒரு கணினி கட்டுப்படுத்துகிறது. இது பற்றிய விளக்கங்களை ஐ.டி. யூவின் சீர்தரப்படுத்தல் பரிந்துரை T.31. பகுதியில் விரிவாக காணலாம்.
• பிரிவு 2 தொலைப்பிரதி கருவிகள் தனியாகவே T.30 கூட்டுத்தொடர் நிருவாகத்தை மேற்கொள்கின்றன, ஆனால் T.4/T.6 தரவு அமுக்கம் ஒரு மென்பொருள் பயன்பாட்டின் மூலமாக கணினி கட்டுப்படுத்துகிறது. இதற்கான ஐ.டி. யூவின் சீர்தரப்படுத்தல் பரிந்துரையானது T.32. வகையாகும்.
• பிரிவு 2.0 மற்றும் பிரிவு 2 ஒன்றல்ல, வெவ்வேறு பிரிவுகளாகும்.
• பிரிவு 2.1 என்பது பிரிவு 2.0. ஐக்காட்டிலும் மேம்படுத்தப்பட்ட பிரிவாகும். பிரிவு 2.1 சார்ந்த தொலைப்பிரதி கருவிகளை "சூப்பர் ஜி3" என்றும் சுட்டுகின்றன; அவை பிரிவுகள் 1/2/2.0. போன்றவையைக்காட்டிலும் விரைவாக செயல் படுவன ஆகும்.
• பிரிவு 3 தொலைப்பிரதி கருவிகள் முற்றிலும் அனைத்து முழுமையான தொலைப்பிரதி கூட்டுத்தொடருக்கு பொறுப்பேற்பவையாகும், அதற்காகத் தேவைப்படுவது ஒரு தொலைபேசி எண் மற்றும் அனுப்புவதற்கு செய்தி மட்டுமே (இவற்றில் ASCII எழுத்துக்கள் ரச்ட்டர் வடிவத்தில் அனுப்புவதும் அடங்கும்). இது போன்ற கருவிகள் சாதாரணமாக கிடைப்பதில்லை.

தரவு பரப்பும் விகிதம்

தொலைப்பிரதி இயந்திரங்கள் பல தரத்துடன் வெவ்வேறு வகை தொலைபேசிக்கம்பி (லைன்) பண்பேற்ற தொழில்நுட்பங்களை பயன்படுத்துகிறது. அவை தொலைப்பிரதி-இணக்கி (மோடம்) கைகுலுக்கல் நடைபெறும்பொழுது நிகழ்கின்றன, மேலும் தொலைப்பிரதி கருவிகள் இரு தொலைப்பிரதிகளும் ஆதரிக்கும் மிகவும் மிகையான தரவு செலுத்தும் விகிதத்தை பயன்படுத்தும், பொதுவாக பிரிவு 3 வகையிலான தொலைப்பிரதிகளின் வேக விகிதம் குறைந்தது நொடிக்கு 14.4 கிலோபிட்டுகளாக இருக்கும்.

ஐடியு தரம்	வெளியிடப்பட்ட ஆண்டு	தரவு விகிதம் (நொடிக்கு ஆகும் பிட்ஸ்)	பண்பேற்ற முறை
V.27	1988	4800, 2400	பேஸ்-ஷிஃப்ட் கீயிங்
V.29	1988	9600, 7200, 4800	குவாட்ரேச்சர் ஆம்ப்ளிடியூட் மாடுலேஷன்
V.17	1991	14400, 12000, 9600, 7200	டிசிஎம் (ட்ரெல்லிஸ் கோடட் மாடுலேசன்)
V.34	1994	28800	குவாட்ரேச்சர் ஆம்ப்ளிடியூட் மாடுலேஷன்
V.34bis	1998	33600	குவாட்ரேச்சர் ஆம்ப்ளிடியூட் மாடுலேஷன்

'சூப்பர் குழு 3' அடங்கிய தொலைப்பிரதிகள் V.34bis வகையிலான பண்பேற்ற முறையைப் பயன்படுத்தி நொடிக்கு 33.6 கிலோபிட்டுகள் வரையிலான விகிதத்தை அடைகின்றது.

ஒடுக்கம்

பிரிதிறன் மட்டும் அல்லாமல், (மேலும் தொலைப்பிரதி செய்யப்படும் வடிவத்தின் அனுமதிக்கப்பட்ட அளவு) ஐ.டி. யூவின் சீர்தரப்படுத்தல் T.4 பரிந்துரைகள் இரு தொலைப்பிரதி இயந்திரங்களுக்கு இடையே வடிவத்தை அனுப்பிப் பெறுவதற்கான குறைந்த அளவு தரவுகளுக்குண்டான அளவையும் குறிப்பிட்டு, அதை அடைவதற்கான இரு ஒடுக்க முறைகளையும் சுட்டிக்காட்டுகிறது. இந்த இரு முறைகள் ஆனவை:

• மாற்றியமைக்கப்பட்ட ஹப்ப்மன் (எம் எச்), மற்றும்
• மாற்றியமைக்கப்பட்ட ரீட் (எம் ஆர்)

மாற்றியமைக்கப்பட்ட ஹஃப்மன்

மாற்றியமைக்கப்பட்ட ஹஃப்மன் (எம்எச்) என்பது வெள்ளை இடத்தை நல்ல விதத்தில் ஒடுக்குவதற்காக கையாளப்படவேண்டிய முழுநீள குறியீடாக்கும் திட்டத்தை விளக்கும் குறியீட்டுப் புத்தகமாகும். மிகையான தொலைப்பிரதிகளில் அதிகமாக வெள்ளை இடைத்தையே காணப்பெறுவதால், இதன் மூலமாக தொலைப்பிரதிகளை அனுப்ப/ பெறுவதற்கான நேரம் கணிசமாக குறைந்து இருப்பதைக்காணலாம். வருடப்பட்ட ஓவ்வொரு வரியும் அதன் முந்தைய மற்றும் பிந்தைய வரிகளுடன் சம்பந்தப்படுத்தாமல், தனிப்பட்ட முறையில் ஒடுக்கப்படுகின்றன.

மாற்றியமைக்கப்பட்ட ரீட்

மாற்றியமைக்கப்பட்ட ரீட் (எம்ஆர்) முதலில் வருடப்பட்ட வரியை எம் எச் முறையில் குறியிடுகிறது. அடுத்த வரி முதல் வரியுடன் ஒப்பிட்டு பார்க்கப்படுகிறது, வேறுபாடுகள் மட்டும் மீண்டும் குறியிடப்படுகின்றன மற்றும் அனுப்பப்படுகின்றன. மிகையான வரிகள் அதற்கு முன்னால் வந்த வரிகளில் இருந்து சிறிதே வேறுபடுவதால், இந்த முறை பயனுடையதாக உள்ளது. இந்த முறையானது இறுதி வரை இப்படியே தொடர்வதில்லை, ஒரு குறிப்பிட்ட அளவு வரிகளுக்கே இப்படி செய்யப்படுகின்றன, பிறகு இந்த செயல்பாடு ஒரு புதிய வரியுடன் மீண்டும் எம் எச் முறையுடன் மீள அமைக்கப்படுகிறது. இப்படி வரையறுக்கப்பட்ட குறைந்த அளவு வரிகளுடன் தொடர்வது தொலைப்பிரதி முழுவதிலும் தவறுகள் ஏற்படாமல் இருப்பதைத் தடுப்பதற்கே, ஏன் என்றால் இதற்கான தரவரிசைக்கட்டுப்பாடு தவறுகளை திருத்த அனுமதிப்பதில்லை. எம்ஆர் என்பது ஒரு விருப்ப வசதியாகும், மேலும் சில தொலைப்பிரதி இயந்திரங்கள் எம்ஆர் வசதியை பயன்படுத்துவதில்லை, அப்படிச்செய்வதால் இந்த இயந்திரத்துக்கு செய்ய வேண்டிய கணக்கிடுதலின் பங்கு குறையும். 'தரமான' பிரிதிறன் தொலைப்பிரதிகளுக்கு வரையறுக்கப்பட்ட வரிகள் இரண்டாகும், மற்றும் 'நயமான' பிரிதிறன் தொலைப்பிரதிகளுக்கு வரையறுக்கப்பட்ட வரிகள் நான்காகும்.

மாற்றியமைக்கப்பட்ட மாற்றியமைக்கப்பட்ட ரீட்

ஐ.டி. யூவின் சீர்தரப்படுத்தல் T.6 பரிந்துரை மேலும் ஒரு ஒடுக்க வகையைக் கூடுதலாக மாற்றியமைக்கப்பட்ட மாற்றியமைக்கப்பட்ட ரீட் (எம்எம்ஆர்) முறையில் சேர்க்கிறது, அதன் படி T.4. சார்ந்த எம்ஆர் முறையில் உள்ளதைவிட அதிக வரிகளை குறியிடுவதற்கு அனுமதிப்பதாகும். இதன் காரணம் என்ன என்றால், T.6 சார்ந்த செய்முறையில் எண்முறை ஐஎஸ்டிஎன் போன்ற குறைந்த தவறுகள் உள்ள வரிகளையே செலுத்தப்படுவதான கற்பிதமாகும். இந்த வழக்கப்படி, வேறுபாடுகளை குறியிடுவதற்கான வரிகள் அதிகமாக இல்லாமல் இருக்கும்.

மட்சுஷிட வைட்லைன் ஸ்கிப்

பேனாசோனிக்கு தொலைப்பிரதி இயந்திரங்கள் ஒரு தனிப்பட்ட தனியுடைமையுடைய மட்சுஷிட வைட்லைன் ஸ்கிப் (MWS) என்ற ஒடுக்கத்திட்டத்தை செயல்படுத்தி வருகிறார்கள். இந்த திட்டம் இதர ஒடுக்கத் திட்டங்களுடனும் செயல்படும், ஆனால் இரு பேனாசோனிக்கு இயந்திரங்கள் இருந்தால் மட்டுமே இந்த முறையில் ஒன்றோடு ஒன்று தொடர்பு கொள்ள இயலும். இந்த முறையில் வெறுமையான வருடப்பட்ட இடங்களை எழுத்துவடிவங்களுக்கு இடையே தேடி, அதற்குப்பிறகு பல வருடப்பட்ட வெறுமை இடங்களை ஒரே ஒரு தரவுக்கான வரியுருவின் இடவசதியில் ஒடுக்கிவிடும்.

மாதிரி சிறப்பியல்புகள்

குழு 3 தொலைப்பிரதி இயந்திரங்கள் ஒன்று அல்லது சில அச்சிட்ட அல்லது கையால் எழுதப்பட்ட பக்கங்களை நிமிடம் ஒன்றிற்கு கருப்பு மற்றும் வெளுப்பு வண்ணங்களில் (இருவண்ணம்) ஒரு சதுர விரலத்திற்கு 204×98 (பொதுவான) அல்லது 204×196 (நயமான) புள்ளிகள் கொண்ட பிரிதிறன் விகிதத்துடன் செலுத்த வல்லதாகும். இடமாற்றத்தின் வேகமானது ஒரு நொடிக்கு 14.4 கிலோபிட் அல்லது அதற்கு மேலும் இணக்கிகளிலும் மற்றும் சில தொலைப்பிரதி இயந்திரங்களிலும் அடையப்படும், ஆனால் நொடிக்கு 2400 பிட்ஸ் வேகத்தில் தொடக்கத்தில் பணிபுரியும் தொலைப்பிரதி இயந்திரங்கள் நொடிக்கு 9600 பிட்டுகள் வரை எடுத்துக்காட்டாக அடைய வல்லதாகும். இதுபோன்ற மாற்றப்பட்ட பிரதி வடிவங்களை ஐ.டி. யூவின் சீர்தரப்படுத்தல் முறை தொலைப்பிரதி குழு 3 அல்லது 4 என அழைக்கப்பட்டது (முன்னர் சிசிஐடிடி என அழைக்கப்பட்டது).

மிகவும் அடிப்படையான தொலைப்பிரதி விதம் கருப்பு மற்றும் வெள்ளை நிறங்களில் மட்டுமே மாற்றியமைக்க (செலுத்த) வல்லதாகும். அசலான பக்கம் ஒரு வரிக்கு 1728 படத்துணுக்குகள் என்ற விகிதத்தில் வருடப்படும் மற்றும் பக்கத்திற்கு 1145 வரிகள் கொண்டதாகவும் அமைந்திருக்கும் (ஏ4 வகை காகிதப் பயன்பாட்டிற்கு). இதிலிருந்து கிடைக்கும் பச்சையான தரவுகள் ஒரு எழுத்து வடிவங்களுக்கான மாற்றியமைக்கப்பட்ட ஹப்ப்மன் குறியீடு முறையில் நன்றாக ஒடுக்கப்பட்டு, சராசரியாக சுமார் 20 என்ற அளவிலான ஒடுக்கக்காரணிகளை அடையப்பெறும். எடுத்துக்காட்டாக, ஒரு பக்கத்தை செலுத்த 10 நொடிகள் தேவைப்படுகின்றன, அதே வேளையில் ஒடுக்கமில்லாத முறையில் சுமார் 1728×1145 பிட்ஸ் கொண்ட கொச்சையான தரவுகளை நொடிக்கு 9600 பிட்ஸ் என்ற விகிதத்தில் அனுப்ப மூன்று நிமிடங்கள் அவகாசம் தேவைப்படும். கறுப்பு மற்றும் வெளுப்பு ஆகிய இரு நிறங்கள் கொண்ட ஓட்ட நீளத்தின் ஓட்டங்களை ஒரே வருடியவரியில் செலுத்த, இந்த ஒடுக்கு முறையானது ஹப்ப்மன் குறிப்புத்தகத்தை பின்பற்றுகிறது, மேலும் அடுத்தடுத்து இருக்கும் வருடிய வரிகள் பொதுவாக ஒரே போல இருக்கும் என்ற அடிப்படையில், வேறுபாடுகளை மட்டும் குறியீடு செய்வதால் பட்டையகலம் மிச்சப்படுத்தப்படுகிறது.

தொலைப்பிரதி பிரிவுகள் எவ்வாறு தொலைப்பிரதி மென்பொருள் நிரல்கள் தொலைப்பிரதி வன்பொருட்களுடன் இடைவினை புரிகின்றன என்பதை குறிக்கின்றன. கிடைக்கப்பெற்ற பிரிவுகளில் பிரிவு 1, பிரிவு 2, பிரிவு 2.0 மற்றும் 2.1, மற்றும் இன்டெல் சிஏஎஸ் போன்றவை அடங்கும். பல மோடங்கள் (இணக்கிகள்) குறைந்தது பிரிவு 1 மற்றும் அடிக்கடி பிரிவு 2 அல்லது பிரிவு 2.0. வகைகளை ஆதரிப்பதாகும். எதைப்பயன்படுத்துவது என்பது வன்பொருள், மென்பொருள், இணக்கி (மோடம்) தள நிரல் மற்றும் எதிர்பார்க்கப்பட்ட பயன்கள் போன்ற காரணிகளை சார்ந்திருக்கும்.

1970 ஆண்டு தொடங்கி 1990 ஆண்டுகள் வரையிலான தொலைப்பிரதி இயந்திரங்கள் நேரடி வெப்பஞ்சார்ந்த அச்சுப்பொறிகளை அச்சிடுவதற்கு பயன்படுத்தியது, ஆனால் 1990 ஆண்டின் பிற்பகுதியில் இருந்து, மாற்றாக வெப்ப மாற்ற அச்சுப்பொறிகள், இன்க்ஜெட் அச்சுப்பொறிகள் மற்றும் லேசர் அச்சுப்பொறிகள் போன்ற கருவிகள் பயன்படுத்தப் படுகின்றன.

இன்க்ஜெட் மூலம் அச்சிடுவதால் இதர வண்ணங்களிலும் குறைந்த செலவில் அச்சிட முடியும்; அதனால் பல வகைப்பட்ட இன்க்ஜெட்டை ஆதாரமாகக்கொண்ட தொலைப்பிரதி இயந்திரங்கள் இதர வண்ணங்களிலும் அச்சிடும் தன்மை கொண்டவையாக கருதப்படுகின்றன. இதர வண்ணங்களில் அச்சிடுவதற்கு ஐ.டி. யூவின் சீர்தரப்படுத்தல் 30e போன்ற தரக்கட்டுப்பாடுகள் வரையறுக்கப்பட்டு இருந்தாலும்; அவை இன்னும் சரியாக ஆதரிக்கப்படாததால், ஒரே தயாரிப்பாளரின் இரு தொலைப்பிரதி இயந்திரங்களின் பயன்பாட்டில் மட்டுமே இதர வண்ணங்களில் அச்சிட தற்பொழுது சாத்தியமாகும்.

தொலைப்பிரதி காகிதம்

வெப்ப மாற்றம் கூடிய தொலைப்பிரதி இயந்திரத்தின் தட்டச்சு கருவிக்கான காகிதச்சுருள்

பாதுகாப்பைக் கருத்தில் கொண்டு, சட்டத்தின் ஒழுங்குமுறைகளில் வெப்பம் சார்ந்த தொலைப்பிரதி காகிதங்களை சாட்சியங்களாக ஏற்றுக்கொள்ளப்பட மாட்டாது, அதற்கு அவற்றின் நகல் எடுத்திருக்க வேண்டிய கட்டாயம் உண்டு. இதற்கான காரணம், தொலைப்பிரதி காகிதங்களில் பயன்படுத்தப்படும் மையானது அழியக்கூடிய மற்றும் நொறுங்கும் தன்மையுடையதாகும், அதனால் வெகு நாட்களுக்கு வைத்திருந்தால் அவை மறைந்து போய்விடுவதாகும்.

மாற்றுவழிகள்

ஒரு பிரபலமான மாற்றுவழி ஒரு இணையதள தொலைப்பிரதி சேவைகள் வழங்கும் நிறுவனத்திற்கு சந்தா செலுத்தி சேர்ந்துகொள்வதாகும். தொலைப்பிரதி சேவைகள் வழங்குவோர் பயனர்களை அவர்களுடைய தனிப்பட்ட கணினிகளிலிருந்து அவர்களுடைய சொந்த மின் அஞ்சல் கணக்கைப்பயன்படுத்தி தொலைப்பிரதிகளை அனுப்பவும் பெறவும் அனுமதிக்கின்றனர். இதனால் மென்பொருள், தொலைப்பிரதி வழங்கி அல்லது தொலைப்பிரதி இயந்திரம் வாங்கவேண்டிய கட்டாயம் தவிர்க்கப்படுகிறது. தொலைப்பிரதிகள் இணைப்பாக அனுப்பப்பட்டு .டிஐஎப் அல்லது .பிடிஎப் கோப்பைகளாகப் பெறப்படுகின்றன, அல்லது தனியுடைமையுடைய வடிவங்களில் சேவைகள் நல்கும் மென்பொருள் பயன்பாட்டில் கிடைக்கப்பெறுபவையாகும். இணையதள இணக்கம் கிடைத்தால் ஒரு பயனர் எங்கிருந்து வேண்டுமானாலும், எப்பொழுது வேண்டுமானாலும், தொலைப்பிரதிகளை அனுப்பவோ, பெறவோ இயலும். சில சேவைகள் வழங்கும் தளங்கள் பாதுகாப்புடன்கூடிய தொலைப்பிரதிகளை, குறிப்பாக கடுமையான ஹெல்த் இன்சூரன்ஸ் போர்டபிளிட்டி அன்ட் அக்கவுன்டபிளிட்டி ஆக்ட் மற்றும் கிராம்–லீச்–ப்ளிலே சட்டத்திற்கு உட்பட்ட சேவைகளையும், வழங்கி வருகிறார்கள், இப்படியாக மருத்துவம் மற்றும் வணிகம் சார்ந்த தகவல்களை மிகவும் பாதுகாப்புடனும் தனிப்பட்டதாகவும் வைத்துக்கொள்கிறார்கள். ஒரு தனிப்பட்ட தொலைப்பிரதி சேவைகளை வழங்கும் நிறுவனத்துடன் சேர்ந்துகொள்வதால், காகிதம், தனிப்பட்ட தொலைப்பிரதி இணைப்புகள், மற்றும் இதர நுகர்பொருட்களுக்கான தேவைகள் இருக்காது.

இதற்கான இன்னொரு மாற்று வழியானது கணினி மென்பொருளை பயன்படுத்துதலாகும், தனிப்பட்ட சொந்தமான கணினியைப்பயன்படுத்தி பயனர் தொலைப்பிரதிகளை அனுப்பவோ, பெறவோ செய்யலாம். மேலும் இதற்காக தொலைப்பிரதி வழங்கி, ஒருங்கிணைந்த செய்திப்பரிமாற்றமுறை மற்றும் இணையதள தொலைப்பிரதி பார்க்கவும்.

வரலாறு

மின்தடம்

ஸ்காட்டிஷ் கண்டுபிடிப்பாளரான அலெக்சாண்டர் பைன் இரசாயன எந்திரமுறை கூடிய தொலைப்பிரதிகள் வகையான கருவிகளை கண்டுபிடிக்க முனைந்தார் மற்றும் 1846 ஆம் ஆண்டில் தமது ஆய்வுக்கூடத்தில் சில சோதனைகள் மூலமாக வரைபட விளக்கச்சின்னங்களின் பிரதிகள் செய்வதில் வெற்றிகண்டார். பிரெடெரிக் பேக்வேல் பைன் அவர்களின் வடிவமைப்பில் பல மாற்றங்களைச் செய்து அவரது கருவியை 1851 ஆண்டில் லண்டனில் நடந்த மகத்தான பொருட்காட்சியில் காட்சிக்கு வைத்தார். இருந்தாலும், பைன் மற்றும் பேக்வேல் கண்டுபிடித்த முறைகள் கொஞ்சம் வளர்ச்சியற்றதாகவும், குறைந்த தரம் கொண்டதாகவும் இருந்தன. அனுப்பும் வழிமுறை மற்றும் வாங்கும் வழிமுறைகளுக்கு இடையே சரியான ஒத்திசை அமைப்பு இருக்கவில்லை. 1861 ஆண்டில், முதல்முறையாக நடைமுறைக்கு ஏற்ற மின்பொறி முறையுடன் கூடிய வர்த்தகரீதியிலான தொலைப்பிரதி இயந்திரம் செயல்பாட்டுக்கு வந்தது, அதன் பெயர் பான்டெலிக்ராப், மேலும் அதை கண்டுபிடித்தவர் இத்தாலிய நாட்டு இயற்பியல் வல்லுநர்ஜியோவன்னி கசெல்லி ஆவார். அவர் 1865 ஆம் ஆண்டில் முதல் முதலாக பாரிஸ் மற்றும் ல்யோன் நாடுகளுக்கிடையே வணிக ரீதியிலான தொலைப்பிரதி சேவையை அறிமுகப்படுத்தினார், இந்நிகழ்ச்சி நடைமுறையிலான தொலைபேசிகளின் கண்டுபிடிப்புக்கு 11 ஆண்டுகளுக்கு முன்னதாகவே நடைபெற்றது.

1881 ஆம் ஆண்டில், ஆங்கிலேய கண்டுபிடிப்பாளரான செல்போர்ட் பிட்வெல் என்பவர் வருடும் போட்டோடெலிக்ராஃப்பைத் தயாரித்தார், மேலும் இரு பரிமாணங்கள் கொண்ட எந்த வகையிலுமான அசல் படிவத்தினை வருடும் முதல் தொலைப்பிரதி இயந்திரமாக அந்த இயந்திரம் அமைந்தது மேலும் அதனால் மனிதர்களுக்கு மணிக்கணக்கில் அமர்ந்து அது போன்ற வடிவங்களை புள்ளியிட்டு குறிக்கவோ அல்லது வரையவோ, மேலும் தேவைப்படவில்லை. 1900 ஆண்டுகளில், ஜெர்மன் இயற்பியல் வல்லுனரான ஆர்தர் கோர்ன் என்பவர் பில்ட்டெலிக்ராஃப் என்ற கருவியைக் கண்டுபிடித்தார், இதன் உதவியுடன் மிகவும் வேண்டப்பட்ட ஒரு குற்றவாளியின் படம் ஐரோப்பிய கண்டத்தில் பரவலாக 1908 ஆம் ஆண்டில் பாரிஸ் முதல் லண்டன் வரையிலும் பிரதிகள் எடுக்கப்பட்டு விளம்பரப்படுத்தப்பட்டன, மேலும் ரேடியோபாக்ஸ் என்ற கருவியின் அறிமுகத்துடன் மேலும் பரவலாக அப்படம் மக்களிடையே வினியோகிக்கப்பட்டது. அதற்கு போட்டியாளர்களாக இருந்தவர்கள் முதலில் எடோவார்ட் பெலின் அவர்களின் பெலிநோக்ராஃப் என்ற கருவி மற்றும் 1930 ஆண்டுகளில் பிரபலமான ஹெல்ஷ்ரீபர் எனும் கருவி, இதனை ருடோல்ப் ஹெல் என்பவர் கண்டுபிடித்தார், அவர் பொறிமுறை பிம்பங்களை வருடுதல் மற்றும் செலுத்துதல் போன்ற தொழில் நுட்பங்களில் வல்லுனராக திகழ்ந்தார்.

கம்பியில்லா பரப்புதல்

ரேடியோ கார்பரேசன் ஆப் அமெரிக்காவின் (RCA) வடிவமைப்பாளராக இருந்த ரிச்சர்ட் எச். ரேஞ்சர் 1924 ஆம் ஆண்டில் கம்பியில்லா போட்டோரேடியோக்ராமை கண்டுபிடித்தார், அல்லது கடல் கடந்த ரேடியோ தொலைப்பிரதிகள் சேவை, இன்று புழங்கிவரும் "தொலைப்பிரதி" இயந்திரங்களின் முன்னோடி இந்தக்கருவியேயாகும். நியூ யார்க்கிலிருந்து லண்டனுக்கு நவம்பர் 29, 1924 ஆம் ஆண்டில் அனுப்பப்பட்ட ஜனாதிபதி கால்வின் கூலிட்ஜ் அவர்களின் படமே முதன் முதலாக கடல்கடந்த ரேடியோ தொலைப்பிரதிகள் முறையில் பிரதி செய்யப்பட்ட படமாகும். இரண்டு வருடங்களுக்குப்பிறகு ரேஞ்சரின் கருவி மூலமாக வணிக ரீதியிலான பயன்பாடு துவங்கியது. ரேடியோ தொலைப்பிரதி முறை இன்றும் பொதுவாக வானிலை மற்றும் இதர தகவல்களை வழங்குவதற்காக பயன்படுத்தப்பட்டு வருகிறது. மேலும் 1924 ஆம் ஆண்டில், ஏடி அண்ட் டி நிறுவனத்தின் ஹெர்பர்ட் ஈ. ஐவ்ஸ் முதல்முதலாக வண்ணங்களுடன் கூடிய படங்களை தொலைப்பிரதி எடுத்து அனுப்புவதில் வெற்றி கண்டார், அதற்கு அவர் வண்ணங்களை பிரித்தெடுக்கும் பாணியை பின்பற்றினார்.

1960 ஆண்டுகளில், அமெரிக்க இராணுவம் முதல் முதலாக செயற்கைகோள் தொலைப்பிரதிகளை ("பாக்ஸ்") கூரியர் செயற்கைகோள் வழியாக நடவடிக்கை சோதனை முகாமிலிருந்துபுவேர்ட்டோ ரிக்கோவிற்கு வெற்றிகரமாக அனுப்பியது.

தொலைபேசி வழி பரப்புதல்

தொலைப்பிரதி இயந்திரங்களின் வருகைக்கு முன்னால், 1970 ஆண்டுகளில், எக்ஸ்சோன் க்விப் நிறுவனம் முதலில் பயன் படுத்திய தொலைப்பிரதி இயந்திரங்கள் ஒளியியல் சார்ந்த வருடும் கருவிகளை பயன் படுத்தியதாகும், அந்த முறையில் ஒரு சுற்றும் கருவியில் வரையப்பட்ட படத்தை வருடும் முறை கொண்டதாக அது இருந்தது. எதிரொளித்த கதிர், கருப்பு மற்றும் வெள்ளை நிற இடங்களுக்கு ஏற்ப அதன் செறிவில் வேறுபாடுகள் கொண்டதாக இருந்ததால், அவற்றை ஒரு போட்டோசெல்லில் புவிமையமாக்கப் பட்டது மேலும் அதனால் ஒளியின் தரத்தைப் பொறுத்து சுற்றில் செலுத்தப்பட்ட மின்சாரத்தின் அளவும் வேறுபட்டது. இந்த மின்சாரம் ஒரு தொனி மின்இயற்றி (ஒரு பண்பேற்றி)யை கட்டுப்படுத்த பயன்படுத்தப்பட்டது, அதில் பாய்ந்த மின்சாரத்தின் அளவு தொனியின் அதிர்வெண் உற்பத்தியளவை தீர்மானம் செய்தது. இந்த ஒலிதம் தொனி ஒரு ஒலி சம்பந்தப்பட்ட இணைப்பி வழியாக (இங்கு, ஒரு ஒலிபெருக்கி வழியாக) ஒரு பொது தொலைபேசி கைக்கருவியின் ஒலிவாங்கியில் (மைக்ரோபோனில்) இணைக்கப்பட்டது. வாங்கப்படும் பக்கத்தில், ஒரு கைக்கருவியின் ஒலிபெருக்கி ஒரு ஒலி சம்பந்தப்பட்ட இணைப்பி (ஒரு ஒலிவாங்கி), மற்றும் ஒரு பண்பிறக்கி வேறுபட்ட தொனிகளை வேறுபட்ட மின்சாரமாக மாற்றி அமைத்தது மேலும் அது ஒரு பென்சில் அல்லது பேனாவில் இணைக்கப்பட்டது, அது முன்னதைப்போன்ற அதே வேகத்தில் சுற்றும் கருவியில் உள்ள வெற்றுக்காகிதத்தின் மீது வரைந்து, அதே படத்தின் நகலை உருவாக்கியது. இது போன்ற விலை மிகுந்த மற்றும் கனமான இரண்டு இயந்திரங்களை மிகவும் பெரிய நிறுவனங்களால் மட்டுமே போற்றிப்பாதுகாக்க மற்றும் பராமரிக்க இயலும், அதுவும் அவர்களுக்கு வரைபடங்கள், வடிவமைக்கப்பட்ட உருவங்கள், மற்றும் கையொப்பமிட்ட படிவங்களை தொலைதூரங்களுக்கு அனுப்ப வேண்டிய கட்டாயம் இருந்தால் மட்டுமே, பயன்படுத்தக் கூடியதாகும்.

கணினி தொலைப்பிரதி இடைமுகம்

1985 ஆண்டில், டாக்டர். ஹான்க் மக்னுஸ்கி, காம்மாலிங்க் நிறுவனர், முதன்முதலாக கணினியின் தொலைப்பிரதி அட்டையை தயாரித்தார், அதன் பெயர் காம்மாபாக்ஸ் ஆகும்.

மேலும் பார்க்க

விக்கிமீடியா பொதுவகத்தில்,
Fax machines
என்பதில் ஊடகங்கள் உள்ளன.

• 3D முப்பரிமாண தொலைப்பிரதி
• கறுப்பு தொலைப்பிரதி
• கால்ட் சப்ஸ்க்ரைபர் ஐடெண்டிபிகேசன் (சிஎஸ்ஐடி)
• எர்ரர் கரெக்சன் மோட் (ஈசிஎம்)
• தொலைப்பிரதி இணக்கி (மோடம்)
• பாக்ஸ்-ஓவர்-ஐபி T.38
• தொலைப்பிரதி வழங்கி
• பாக்ஸ்லோர்
• புல்டோக்ராஃப்
• இணையவலை தொலைப்பிரதி
• ஆன்லைன் தொலைப்பிரதி
• ஜன்க் (குப்பை) தொலைப்பிரதி
• டெலாடோக்ராஃப்
• ட்ரான்ஸ்மிட்டிங் சப்ஸ்க்ரைபர் ஐடெண்டிபிகேசன் (டிஎஸ்ஐடி)
• தயாரிப்பு தொலைப்பிரதி

வெளி இணைப்புகள்

• ஐடியு T.30 பரிந்துரை
• தொலைப்பிரதி இயந்திரத்தின் இரகசிய வாழ்க்கை - கேலிச்சித்திர ஓவியர் டிம் ஹுன்கின் வழங்கிய விளக்கப்பட்ட வரலாறு
• தொலைப்பிரதி இயந்திரத்தின் இரகசிய வாழ்க்கை (இலவசத்தர விடியோ) பரணிடப்பட்டது 2010-03-25 at the வந்தவழி இயந்திரம் - டிம் ஹுன்கின் அவர்களின் டி வி தொடர் இயந்திரங்களின் இரகசிய வாழ்க்கை யில் இருந்து
• தொலைப்பிரதியின் ஒரு சிறிய வரலாற்றுக்குறிப்பு, எச்எப்எப்ஏஎக்ஸ் கம்பியில்லா தொலைப்பிரதி வலைத்தளம்
• தொலைப்பிரதியின் வரலாற்றுப் பரிணாமம் பரணிடப்பட்டது 2009-03-04 at the வந்தவழி இயந்திரம், technikum29, கணிப்புப்பொறி, கணினி மற்றும் தொடர்பு தொழில்நுட்பம் சார்ந்த அருங்காட்சியகம்
• ஓசியன்பாக்ஸ் பரணிடப்பட்டது 2012-08-08 at the வந்தவழி இயந்திரம் தொலைப்பிரதி வழங்கியால் கிடைக்கும் ஆதாயம்
• எப்படி தொலைப்பிரதி செய்வது பரணிடப்பட்டது 2010-04-12 at the வந்தவழி இயந்திரம், எப்படி தொலைப்பிரதி செய்வது பற்றிய ஒரு கட்டுரை
• ஃப்ரீ பாக்ஸ் சர்வதேச ஃப்ரீபாக்ஸ் திட்டம்
• குழு 3 தொலைப்பிரதி தொடர்பு ஒடுக்கம் மற்றும் தவறுகளுக்கான குறிகளுடன் அழைத்தல், நிறுவுதல் மற்றும் வெளியிடுதல் பற்றிய தொழில்நுட்ப விவரங்களுடன் கூடிய ஒரு '97 ஆண்டுக்கட்டுரை