நரந்தம்

நரந்தம்
உயிரியல் வகைப்பாடு
திணை:	நிலைத்திணை
தரப்படுத்தப்படாத:	பூக்கும் தாவரம்
தரப்படுத்தப்படாத:	இருவித்திலைத் தாவரம்
தரப்படுத்தப்படாத:	ரோசிதுகள்
வரிசை:	Sapindales
குடும்பம்:	Rutaceae
பேரினம்:	கிச்சிலி
இனம்:	C. × aurantium
இருசொற் பெயரீடு
Citrus × aurantium லின்., 1753

நரந்தம் வாசனை திரவியங்களுக்காகவம், அதன் சுவைக்காகவும் பயன்படுத்தப்படுகிறது. தென்னிந்தியாவில் நரந்தங்காயை ஊறுகாயாக செய்து சாப்பிடுகின்றனர்.

நரந்த பழம்

சங்க காலம்

இதன் மலர் பற்றிய செய்திகள் சங்கப்பாடல்களில் உள்ளன.

• சங்ககால மகளிர் குவித்து விளையாடியதாகத் தொகுக்கப்பட்டுள்ள 99 மலர்களில் நரந்தமலரும் ஒன்று.
• சங்ககாலப் புலவர் நக்கீரர் இதனை ‘நரந்த நறும்பூ’ எனத் தெளிவுபடுத்தியுள்ளார். கலை என்னும் ஆண்குரங்கு துள்ளி விளையாடும்போது நறுமணம் மிக்க நரந்த மலர்கள் புலிபோல் பூத்துக் குலூங்கும் வேங்கை மலர்களோடு சேர்ந்து உதிருமாம்.
• சோலையில் பூத்துக் குலுங்கும்.
• காடெல்லாம் வண்டு மொய்க்கப் பூத்துக் குலுங்கும்.
• நரந்தம் பூவைக் கோதையாகக் கட்டி, யாழின்மேல் சுற்றிவைப்பார்களாம்.
• நரந்தம் என்பது மணத்துக்காகப் பயன்படுத்தப்பட்ட பொருள்களில் ஒன்று.
• அதியமான் நரந்தம் மணக்கும் தன் கையால் புலவு நாறும் தன்னுடைய கூந்தலைக் கோதிவிட்டான் என ஔவையார் கூறுகிறார்.
• நரந்தத்தை அரைத்துக் கூந்தலில் பூசிக்கொள்வர்.
• இமயமலைச் சாரலில் கவிர் என்னும் முருக்கம்பூ பூத்துக்கிடக்கும் காட்டில் உறங்கும் கவரிமான் நரந்தம் மேயக் கனவு காணுமாம்.
• புகார் நகரத்து மலர்வனத்தில் பூத்திருந்த மலர்களில் ஒன்று நரந்தம்.
• நரந்த மணம் வீசும் கூந்தல்.

இவற்றையும் காண்க

சங்ககால மலர்கள்

அடிக்குறிப்பு

விக்கிமீடியா பொதுவகத்தில்,
நரந்தம்
என்பதில் ஊடகங்கள் உள்ளன.