நீள் தீவு

நீள் தீவு அல்லது லாங் தீவு (Long Island) ஐக்கிய அமெரிக்காவின் கிழக்கு மாநிலமான நியூயார்க் மாநிலத்திலுள்ள ஓர் தீவு ஆகும். நியூயார்க் துறைமுகத்திலிருந்து அத்திலாந்திக்குப் பெருங்கடலில் வடகிழக்காக நீண்டுள்ள இத்தீவில் நான்கு கவுன்ட்டிகள் அமைந்துள்ளன; இவை நியூயார்க் நகரத்தின் இரண்டு கவுன்ட்டிகளான கிங்சு,குயின்சும் (நியூ யார்க் நகரத்தின் மாவட்டங்களான புரூக்ளினும் குயின்சும்), பெரும்பாலும் புறநகர் பகுதிகளான நாசோ, சஃபோக் கவுன்ட்டிகளும் ஆகும். இந்த நான்கு கவுன்ட்டிகளுமே நியூயார்க் பெருநகரப் பகுதியின் அங்கங்களாகும். பொதுவாக "லாங் ஐலாண்டு" என்று குறிப்பிடும்போது நாசோ, சஃபோக் கவுன்ட்டிகள் மட்டுமே கருத்தில் கொள்ளப்படுகின்றன. நீள் தீவின் வடக்கே நீள்தீவு கடற்குடா (லாங் ஐலாண்ட் சௌண்ட்) உள்ளது. இது கனெடிகட், றோட் தீவு மாநிலங்களிலிருந்து நீள்தீவை பிரிக்கிறது.

லோங் தீவு
Long Island

உள்ளூர் பெயர்: பௌமனோக்
நீள்தீவு மற்றும் நியூயார்க் நகரத்தின் செய்மதி ஒளிப்படம்
புவியியல்
அமைவிடம்	அத்திலாந்திக்கு பெருங்கடல்
ஆள்கூறுகள்	40.8°N 73.3°W / 40.8; -73.3
பரப்பளவு	1,401 sq mi (3,630 km2)
நீளம்	118 mi (190 km)
அகலம்	23 mi (37 km)
உயர்ந்த புள்ளி	ஜேய்ன்சு குன்று 401 ft (122 m)
நிர்வாகம்
ஐக்கிய அமெரிக்கா
மாநிலம்	நியூ யோர்க் மாநிலம்
மக்கள்
மக்கள்தொகை	7,686,912 (2012)
அடர்த்தி	5,402.1 /sq mi (2,085.76 /km2)
இனக்குழுக்கள்	54.7% வெள்ளையர், 20.4% கறுப்பர், 0.49% பழங்குடி அமெரிக்கர், 12.3% ஆசியர், 0.05% பசுபிக் தீவினர், 8.8% பிற இனத்தவர், 3.2% கலப்பினத்தவர்; 20.5% இசுப்பானிய அல்லது இலத்தீனிய கலப்பினர்