நேதன் ரோசென்

நேதன் ரோசென் என்பவர் ஒரு இஸ்ரேலிய இயற்பியலாளர் ஆவார். இவர் 22 மார்ச் 1909 ஆம் ஆண்டில் நியூ யார்க்கில் உள்ள புரூக்லின் என்னும் இடத்தைச் சேர்ந்த யூதக் குடும்பம் ஒன்றில் பிறந்தார். இவர் மசச்சூசெட்ஸ் தொழிநுட்பக் கழகத்தில் கல்வி பயின்றார். 1935 ஆம் ஆண்டில் நியூ ஜேர்சியின் பிரின்ஸ்டனில் அல்பர்ட் ஐன்ஸ்டீனுக்கு உதவியாளராகச் சேர்ந்தார். 1945 ஆம் ஆண்டுவரை அவர் அப் பணியிலேயே தொடர்ந்தார். அதன் பின்னர் இஸ்ரேலில் இயற்பியல் தொழிலைத் தொடருமாறு ஐன்ஸ்டீன் அவருக்கு ஊக்கமளித்தார்.

நேதன் ரோசென்
பிறப்பு	22 மார்ச்சு 1909 புரூக்ளின்
இறப்பு	18 திசம்பர் 1995 (அகவை 86) கைஃபா
படித்த இடங்கள்	மாசாச்சூசெட்சு தொழில்நுட்பக் கழகம்
பணி	கருத்தியற்பியலாளர், பல்கலைக்கழகப் பேராசிரியர்
சிறப்புப் பணிகள்	EPR paradox
விருதுகள்	Fellow of the American Physical Society
அறிவியல் வாழ்க்கைப் போக்கு
துறைகள்	இயற்பியலறிஞர்
நிறுவனங்கள்	Institute for Advanced Study Technion – Israel Institute of Technology வட கரொலைனா பல்கலைக்கழகம்
ஆய்வு நெறியாளர்	John C. Slater
முனைவர் பட்ட மாணவர்கள்	மோழ்சே கார்மேலி, Asher Peres

குவாண்டம் விசையியலில், ஈபிஆர் முரண்தருகுழப்பம் எனப்படுவது பற்றி 1935 ஆம் ஆண்டில் எழுதப்பட்ட இயற்பியல் உண்மை பற்றிய குவாண்டம் விசையியல் விளக்கத்தை முழுமையானதாகக் கருதலாமா? என்னும் தலைப்பிட்ட ஆய்வுக் கட்டுரையை, ஐன்ஸ்ட்டீன், பொடோல்ஸ்கி ஆகியோருடன் சேர்ந்து எழுதினார்.