விக்கிப்பீடியா

படி நிலை சந்தைப்படுத்துதல்

படி நிலை சந்தைப்படுத்துதல் அல்லது சங்கிலித் தொடர் வணிகம் (Multi-level marketing, MLM), (நெட்வொர்க் மார்க்கெட்டிங் [1][2][3][4][5], நேரடி விற்பனை [3][6], பரிந்துரை சந்தைப்படுத்தல் [7], மற்றும் பிரமிடு விற்பனை [8][9][10][11][12]) என்றும் அழைக்கப்படும் இது, சில நிறுவனங்கள் தங்களின் ஒட்டுமொத்த சந்தைப்படுத்தல் செயல்திட்டத்தின் ஒரு பகுதியாக பயன்படுத்தும் சந்தைப்படுத்தல் கட்டமைப்பைக் குறிக்கிறது. இந்த கட்டமைப்பு, நிறுவனத்தின் தயாரிப்பை விளம்பரப்படுத்தும் நபர்களுக்கு தொகை தருவதன் மூலம், அதாவது, அவர்கள் தனிநபராக உருவாக்கும் விற்பனைக்கும் மட்டுமின்றி, அவர்கள் நிறுவனத்திற்கு அறிமுகப்படுத்தும் பிற விற்பனையாளர்களுக்காகவும் ஊதியம் பெறுவார்கள், இதனால் விநியோகிப்பாளர்களின் வரிசையும், பலநிலை ஊதிய நிலையின் படிவரிசையும் உருவாகிறது, இது பட்டைக்கூம்பு (பிரமிடு) போன்ற நிலையை உருவாக்குகிறது.

இதில் தயாரிப்புகளும், நிறுவனமும் நேரடியாக நுகர்வோரிடமே சந்தைப்படுத்தப்படுகிறது மற்றும் சாத்தியமான வியாபார பங்குதாரர்கள், பரிந்துரைகள் மற்றும் வாய்மொழி சந்தைப்படுத்தல் மூலமாகவே சந்தைப்படுத்தப்படுகிறது.[13]

எம்எல்எம் நிறுவனங்கள், சட்ட விதிகளை மீறுகின்றன என்ற பேச்சு அடிக்கடி பரப்பரப்பாக பேசப்படுகிறது. முறையற்ற பிரமிடு திட்டங்கள், தயாரிப்புகளின் விலை நிர்ணயம், அதிகப்படியான தொடக்க விலைகள், உண்மையான விற்பனைக்கு மாறாக குறைவான தரத்தில் உள்ள விற்பனை நபர்களை வேலைக்கு சேர்ப்பதில் உள்ள முக்கியத்துவம், நிறுவனத்தின் தயாரிப்புகளை வாங்குவதை மற்றும் பயன்படுத்துவதை விற்பனை நபர்கள் செய்யாதபோது ஊக்குவிப்பை நிறுத்துவது, புதிய விற்பனை மற்றும் மீட்டெடுத்தல் இலக்குகளை எடுப்பதன் காரணமாக தனிநபர் உறவுமுறைகளை சிதைக்கும் சாத்தியம், சிக்கலான மற்றும் சிலநேரங்களில் அதிகப்படியான ஊதிய திட்டங்கள் மற்றும் சிலக்குழுக்கள் உறுப்பினர்களின் ஆர்வத்தையும் ஈடுப்பாட்டையும் அதிகரிக்க பயன்படுத்தும் தீவிரப்படுத்தல் நுட்பங்கள் ஆகியவற்றுடன் ஒத்துப்போவதால் விமர்சனங்கள் பல எழுந்துள்ளன. எல்லா எம்எல்எம் நிறுவனங்களும் ஒரே முறையில் செயல்படுவதில்லை, மற்றும் எம்எல்எம் குழுக்கள் தொடந்து அவர்களின் நுட்பங்கள் முறையான வணிக செயல்முறைகளே என்று கூறிவருகின்றனர்.

அமைப்பு

தொகு

தனிப்பட்ட, சம்பளம் ஏதுமற்ற விற்பனை நபர்கள், விநியோகிப்பாளர்கள் (அல்லது கூட்டுப்பணியாளர்கள், தனிப்பட்ட வணிக உரிமையாளர்கள், முகவர்கள், தனியுரிமை உரிமையாளர்கள், விற்பனை ஆலோசகர்கள், ஆலோசகர்கள், தனிப்பட்ட ஏஜென்ட்கள் என பலவாறு அழைக்கப்படுகிறார்கள்) என்று அழைக்கப்படுகிறார்கள். ஒரு தனி நபரின் சொந்த விற்பனை முயற்சிகளின் காரணமாகவும் அவர்களுக்கு கீழே உள்ள அமைப்பின் காரணமாகவும் விற்பனையாகும் தயாரிப்பின் அடிப்படையில் அவர்களுக்கு கமிஷன் (முகவர் சேவைக் கட்டணம்) வழங்கப்படும்.

நிறுவனத்திலிருந்து நேரடியாக வாங்கும் சிறந்த வாடிக்கையாளர் தளத்தை உருவாக்குவதன் மூலம் அல்லது தனித்தனியாக வாடிக்கையாளர் தளத்தை உருவாக்கும் தனிப்பட்ட கீழ் வரிசை விநியோகிப்பாளர்களைச் சேர்ப்பதன் மூலம் தனிப்பட்ட விநியோகிப்பாளர்கள் தங்கள் சொந்த நிறுவனத்தை கட்டமைக்கிறார்கள். இவற்றின் காரணமாக ஒட்டுமொத்த நிறுவனத்தை விரிவாக்குகிறார்கள். மேலும், நிறுவனத்திடமிருந்து மொத்த விலைக்கு வாங்கிய தயாரிப்புகளை சில்லறை விலையில் விற்பனை செய்வதன் மூலமும் விநியோகிப்பாளர்கள் லாபம் பெற முடியும்.

இவ்வாறு தனிப்பட்ட முயற்சிகளாலும், கீழ் வரிசையின் முயற்சியினாலும் விநியோகிப்பாளர்கள் கமிஷன் பெறும் இந்த அமைப்பு, தனியுரிமை கிளை அமைப்புகளைப் போன்று இருக்கிறது, இதில் தனிப்பட்ட தனியுரிமை கிளை நடவடிக்கைகளால் பெறப்படும் லாபத்திலிருந்து மதிப்பூதியம் (ராயல்டி) தனியுரிமை கிளை வழங்குநர் மற்றும் பகுதி அல்லது வட்டார மேலாளருக்கு ஆகியோருக்கு வழங்கப்படும். நிறுவன ஊதியத் திட்டத்தின் அடிப்படையில் பல நிலை சந்தைப்படுத்தல் விநியோகிப்பாளர்களுக்கும் கமிஷன்கள் வழங்கப்படுகின்றன. ஒரு தனிநபரின் விற்பனையிலிருந்து, பல நிலைகளில் இருக்கும் நபர்களும் ராயல்டிகளைப் பெறுவதற்கான வாய்ப்பும் உண்டு.

சட்டப்பூர்வத்தன்மை மற்றும் நேர்மை

தொகு

எம்எல்எம் வணிகங்கள் அமெரிக்காவில் 50 மாகாணங்களிலும் 100 க்கும் மேற்பட்ட பிற நாடுகளிலும் நடந்து வருகிறது. மேலும் புதிய வணிகங்கள் "கூட்டிணைவு சந்தைப்படுத்தல்" அல்லது "வீட்டிலிருந்து வணிகம்" என்ற பெயரில் தொடங்கப்படலாம். ஆனாலும், பல பிரமிடு திட்டங்களும் தங்களை நேர்மையான எம்எல்எம் வணிகங்களாகவே முன்வைக்கின்றன.[6]

எஃப்டிசி ஆனது, "பலநிலை சந்தைப்படுத்தல் திட்டங்கள் புதிய விநியோகிப்பாளர்களைத் தேர்ந்தெடுப்பதற்கு கமிஷன்களை வழங்குவது மிகவும் தெளிவாக தெரிகிறது. இவை சட்டத்திற்கு புறம்பான பிரமிடு திட்டங்களே. ஏன் பிரமிட் திட்டங்கள் ஆபத்தானவை? ஏனெனில், புதிய விநியோகிப்பாளரைச் சேர்ப்பதற்காக கமிஷன் வழங்கும் திட்டங்கள், புதிய விநியோகிப்பாளர்கள் யாரும் கிடைக்காத போது நிச்சயமாக முடங்கி விடும். மேலும் ஒரு திட்டம் முடங்கும்போது, பிரமிடின் மிகவும் உயர்ந்த நிலையில் உள்ள நபர்களைத் தவிர மற்ற அனைவரும் வெறுங்கைகளுடன் திரும்ப வேண்டியிருக்கும்."[14]

2004ஆம் ஆண்டில் வெளியிடப்பட்ட, அமெரிக்காவின் ஃபெடரல் ட்ரேட் கமிஷன் (எஃப்டிசி) நேரடி விற்பனை அமைப்புகளுக்கு அனுப்பிய பணியாளர் ஆலோசனை கடிதத்தில்:

சமீப ஆண்டுகளில், தனிப்பட்ட அல்லது அக, பயன்படுத்தல் சிக்கல்களின் அடிப்படையில் ஏராளமானவை செய்யப்பட்டுள்ளன. உண்மையில், எந்தவொரு படிநிலை ஊதிய வணிகத்திலும் அக பயன்பாடு, எந்த வகையிலும் எஃப்டிசி அந்த திட்டத்தை பிரமிடு திட்டமாக கருதுவதைத் தீர்மானிக்காது. எஃப்டிசி கேட்கும் முக்கியமான கேள்வியானது, எல்லா பங்கேற்பாளர்களுக்கும் தரப்படும் கமிஷனுக்கு தேவையான சொத்து வெறும் பொருட்களையும் சேவைகளையும் வாங்குவதால் மட்டுமே பெறப்படுகிறதா என்பதே; ஏனெனில் இவற்றில் இந்த பணமாக்கும் நிறுவனத்தில் பங்கேற்கும் உரிமையை வாங்குவதும் அடங்கியுள்ளது.[15]

மேலும், "எல்லா படிநிலை சந்தைப்படுத்தல் திட்டங்களும் நம்பகமானவை அல்ல" என்றும், சில பிரமிடு திட்டங்கள் என்றும் எஃப்டிசி எச்சரிக்கிறது. மேலும், நீங்கள் ஈட்டும் பணம், உண்மையாக தயாரிப்பைப் பயன்படுத்தும் நபர்களுக்கு விற்பனை செய்வதை அடிப்படையாக கொண்டிராமல், நீங்கள் சேர்த்துவிடும் புதிய விநியோகிப்பாளர்களின் எண்ணிக்கையையும், அவர்களுக்கு நீங்கள் செய்யும் விற்பனையையும் அடிப்படையாக கொண்ட திட்டங்களைத் தேர்ந்தெடுக்காமல் விடுவது நல்லது." [16] இதற்கு ஆய்வே சிறந்த கருவி, இதற்காக பின்பற்றுவதற்காக எட்டு படிகளையும் எஃப்டிசி வழங்குகிறது:

  1. நிறுவனத்தின் முந்தைய வரலாற்றைக் கண்டறிந்து படித்திடுங்கள்.
  2. தயாரிப்பைப் பற்றி அறிந்திடுங்கள்
  3. கேள்விகள் கேட்டிடுங்கள்
  4. ஏதேனும் கட்டுப்பாடுகள் உள்ளதா என்று புரிந்து கொள்ளுங்கள்
  5. பிற விநியோகிப்பாளர்களுடன் பேசுங்கள் (போலி வாடிக்கையாளர்களிடம் எச்சரிக்கையாக இருங்கள்)
  6. உங்கள் முடிவை சோதிக்க, ஒரு நண்பர் அல்லது ஆலோசகரைக் கலந்தாலோசியுங்கள்.
  7. போதுமான நேரம் எடுத்துக்கொள்ளுங்கள்.
  8. உங்களுடைய திறமைகள் மற்றும் இலக்குகளுக்கு இந்த திட்டம் பொருந்துமா என்று சிந்தித்திடுங்கள்[17]

ஆனாலும், எல்லா எம்எல்எம்களும் பிரமிட் திட்டங்கள் மட்டுமே, சட்டப்பூர்வமான[7][18][19][20] நிறுவனமாக இருந்தாலும் ஒட்டுமொத்தமாக குறிப்பிட்ட எம்எல்எம் நிறுவனத்தின் சிக்கல் சட்டத்தில்தான் அமைந்திருக்கும்.

வருவாய் நிலைகள்

தொகு

பல ஆதாரங்கள், குறிப்பிட்ட எம்எல்எம்கள் அல்லது பொதுவாக எம்எல்எம்களின் வருவாய் நிலையைப் பற்றி கருத்து கூறியுள்ளன:

  • தி டைம்ஸ்: "அரசாங்க புலனாய்வில், பிரிட்டனில் உள்ள ஆம்வே முகவர்களில் 10 சதவீதம் பேர் மட்டுமே லாபம் சம்பாதிக்கின்றனர், பத்தில் ஒருவர், அந்த குழுவின் தயாரிப்புகளில் ஒன்றை மட்டும் விற்கிறார்."[21]
  • ஷீபெலர், உயர்நிலை "எமரால்ட்" ஆம்வே உறுப்பினர்: "பிரிட்டன் ஜஸ்டிஸ் நோரிஸ் கண்டறிந்தபடி, 2008ஆம் ஆண்டில், 33,000 தனிப்பட்ட வணிக முதலாளிகளில், 90 பேர் மட்டுமே அவர்களின் வர்த்தகத்தைக் கட்டமைப்பதற்கு தேவையான போதுமான வருவாயைப் பெற்றனர்' என்கிறார். அதாவது, முதலீட்டாளர்களுக்கு, 99.7 சதவீதம் நஷ்ட வீதம்."[22]
  • நியூஸ்வீக்: மோனா வீ என்பவரின் 2007 ஆம் ஆண்டு சொந்த வருவாய் அறிக்கை வெளியீட்டின்படி "1 சதவீதத்திற்கும் குறைவானவர்களே கமிஷன் பெற தகுதிவாய்ந்தவர்கள், அதிலும் 10 சதவீதம் பேர் மட்டுமே வாரம் $100 க்கு மேல் சம்பாதிக்கின்றனர்."[23]
  • நியாய தர்மங்கள் மீது வணிக மாணவர்களின் கவனம்: "அமெரிக்காவில், எம்எல்எம் மூலமாக 90% எம்எல்எம் உறுப்பினர்கள் பெறும் சராசரி ஆண்டு வருவாய் $5,000 க்கும் குறைவானதே, இது நல்ல வாழ்க்கை வாழ்வதற்கு மிகவும் குறைவான தொகையே (சான் லியான் லைஃப் வார இதழ் 1998)"[24]
  • யூஎஸ்ஏ டுடே: "வருவாய் திறன் நிறுவனம் மற்றும் விற்பனை திறன் ஆகியவற்றைப் பொறுத்து வேறுபட்டாலும், நேரடி விற்பனை மூலம் கிடைக்கும் சராசரி ஆண்டு வருமானம் $2,400 தான் என்று DSA கூறுகிறது."[25]

எம்எல்எம் பற்றிய விமர்சனம்

தொகு

ஆம்வே நிறுவனம் தொடர்பாக 1979ஆம் ஆண்டில், ஃபெடரல் ட்ரேட் கமிஷன் (எஃப்டிசி) ஒரு முடிவை வெளியிட்டது, அதில் படிநிலை சந்தைப்படுத்தல் அமெரிக்காவில் சட்டத்திற்கு புறம்பானது அல்ல என்று கூறுகிறது. ஆனாலும், ஆம்வே விலை நிர்ணயம் (அதாவது, "சுதந்திரமான" விநியோகிப்பாளர்கள் குறைந்த விலைக்கு விற்க வேண்டிய தேவை நேர்ந்தது) செய்தல் மற்றும் மிகைப்படுத்தப்பட்ட வருவாய் வாய்ப்புகள் உள்ளதாக விளம்பரப்படுத்தல் ஆகிய குற்றங்களை செய்துள்ளது.[26][27]

எஃப்டிசியின் ஆலோசனைப்படி, தயாரிப்பின் விற்பனையை விட, புதிய விநியோகிப்பாளர் தேர்வுக்கு அதிக ஊதிய திட்டங்களை அறிவிக்கும் படிநிலை சந்தைப்படுத்தல் நிறுவனங்களைச் சந்தேக கண்ணுடன் பார்க்க வேண்டும். புதிய விநியோகிப்பாளர்களைச் சேர்ப்பதற்காக கமிஷன்களைப் பெறுவது பல மாகாணங்களில் "பிரமிடிங்" என்ற பெயரில் சட்டத்திற்கு புறம்பானது என்றும் எஃப்டிசி எச்சரிக்கிறது.[28] ஏப்ரல் 2006ஆம் ஆண்டில், இது ஒரு வணிக வாய்ப்பு விதியை முன்வைத்தது, இதன்படி எல்லா வணிக வாய்ப்பு நிறுவனங்களும்—எம்எல்எம்களையும் சேர்த்து—போதுமான தகவல்களை வழங்கி, வாங்கவிருப்பவர்கள் தாங்கள் பணம் சம்பாதிப்பதற்கு இருக்கும் வாய்ப்பை அறிந்து, அறிந்து எடுக்கப்படும் தீர்மானம் செய்வதற்கு வாய்ப்பு ஏற்படுத்தி தர வேண்டும். மார்ச் 2008ஆம் ஆண்டில், எஃப்டிசி ஆனது, பிணைய சந்தைப்படுத்தல் (எம்எல்எம்) நிறுவனங்களை, முன்வைக்கப்பட்ட வர்த்தக வாய்ப்பு விதியிலிருந்து அகற்றி விட்டது:

மாற்றப்பட்ட முன்மொழிவு, ஆனாலும், படிநிலை சந்தைப்படுத்தல் நிறுவனங்களையோ அல்லது ஏப்ரல் 2006 முன்மொழிவில் விரும்பாமல் சேர்க்கப்பட்ட நிறுவனங்களையோ தற்போது பாதிக்காது.[29]

வால்டர் ஜே. கார்ல் 2004 ஆம் ஆண்டு, வெஸ்டர்ன் ஜர்னல் ஆஃப் கம்யூனிகேஷன் என்ற கட்டுரையில், "எம்எல்எம் நிறுவனங்கள் சிலரால் கல்ட் (பட்டர்ஃபீல்ட், 1985), பிரமிடு திட்டங்கள் (ஃபிட்ஸ்பாட்ரிக் & ரேனால்ட்ஸ், 1997),[30] அல்லது தவறான வழிநடத்தல், பொய்யான நம்பிக்கைத் தரும் மற்றும் நம்பகத்தன்மை அற்ற (கார்டர், 1999) நிறுவனங்களாக கூறப்படுகின்றன, இதில் வர்த்தகத்தை மேம்படுத்துவதற்காக தீவிரமான நம்பிக்கைகளை உருவாக்குதல் (ஹோப்ஃபி & மட்ரல், 1996) மற்றும் நிதிசார்ந்த லாபத்திற்காக தனிப்பட்ட உறவுமுறைகளை சிதைத்தல் (ஃபிட்ஸ்பேட்ரிக் & ரெனால்ட்ஸ், 1997) ஆகியவற்றைச் செய்கின்றன.[30] "[31]

தொடர்ந்து ஊக்குவிக்கப்படும் ஆட்சேர்ப்பின் காரணமாக, நபர்கள் தங்களுக்கான சொந்த போட்டியாளர்களையே வேலைக்கு சேர்க்கின்றனர். சில நபர்கள் சிறந்த எம்எல்எம்களும் கூட, வெறும் சட்டமயமாக்கப்பட்ட பிரமிடு திட்டங்கள்தான்[7][18][19][32] என்கிறார்கள், ஒருவர், "படிநிலை சந்தைப்படுத்தல் நிறுவனங்கள் என்பவை அமெரிக்காவில், சட்டப்பூர்வமாக அங்கீகரிக்கப்பட்ட பிரமிடு திட்டமே ஆகும்"[18] என்கிறார், மற்றொருவர் "படிநிலை சந்தைப்படுத்தல் ஒருவகை பிரமிடு திட்டமே, ஆனால் மோசடியானது அல்ல" என்கிறார்.[20]

ஊதியத் திட்டங்கள்

தொகு

பல ஆண்டுகளாக, நிறுவனங்கள் பல வகையான எம்எல்எம் ஊதியத் திட்டங்களை வடிவமைத்துள்ளன.

  • ஒற்றைநிலை திட்டம் இந்த வகை திட்டமானது, ஊதிய திட்டங்களில் மிக எளிய திட்டமாக கருதப்படுகிறது. இதன் பெயர் குறிப்பிடுவதைப் போலவே, இந்த திட்டமானது, ஒரு நபர் பல விநியோகிப்பாளர்களை அறிமுகப்படுத்த அனுமதிக்கிறது, இவர்கள் "ஃப்ரண்ட்லைன்" என்றழைக்கப்படுவார்கள். ஒரு நபர் அறிமுகப்படுத்தும் ஒவ்வொரு நபரும், அந்த அறிமுகப்படுத்துபவரின் ஃப்ரண்ட்லைனாக கருதப்படுவார் மற்றும் இதில் எந்த விதமான வரம்புகளும் கிடையாது. இதனால் ஒரு நபர் மற்ற நபர்களை அறிமுகப்படுத்துவதற்கு எந்த வரம்பும் இல்லை. இந்த திட்டத்தின் பொதுவான இலக்கு, ஏராளமான நபர்களை ஃப்ரண்ட்லைன் விநியோகிப்பாளர்களாக சேர்த்து, பின்னர் அவர்களையும் அவ்வாறே செய்யத் தூண்டுவதாகும். ஏனேனில், கமிஷன்கள் ஒரு குறிப்பிட்ட வரம்பு வரை மட்டுமே பெறப்படலாம், அதாவது பொதுவாக ஒரு முதல் நபர் ஐந்திலிருந்து ஏழு நிலைகள் வரையே கமிஷனைப் பெற முடியும்.[33]
  • படிகட்டு பிரித்தல் திட்டம் இந்த வகை திட்டத்தில், தனிப்பட்ட மற்றும் குழு விற்பனை அளவுகளுக்கு பொறுப்பான பிரதிநிதிகள் இருப்பார்கள். அளவானது, ஆள் சேர்த்தல் மற்றும் தயாரிப்பின் சில்லறை விற்பனையின் காரணமாக உருவாக்கப்படுகிறது. குழு தலைவர்களுக்கு பல தள்ளுபடிகளும் சலுகைகளும் வழங்கப்படும், மேலும் ஒன்று அல்லது அதற்கு மேற்பட்ட கீழ் வரிசை நபர்கள் சேர்க்கப்பட்டப் பின்னர் எந்த பிரதிநிதியும் குழு தலைவர் ஆக முடியும். முன்வரையறுக்கப்பட்ட தனிப்பட்ட மற்றும்/அல்லது குழு அளவுகள் எட்டப்பட்டவுடன், ஒரு பிரதிநிதி கமிஷன் நிலைக்கு நகர்த்தப்படுகிறார். பிரதிநிதியின் விற்பனை அளவு, முதன்மை கமிஷன் நிலையை அடையும் வரை இது தொடரும், அதன் பின்னர் அவர் மேல் வரிசையிலிருந்து பிரிக்கப்படுவார். அந்த நிலைக்கு பின்னர், புதிய குழுவானது, மேல் வரிசை குழுவின் பகுதியாக கருதப்படாது மற்றும் படிநிலை ஊதிய பண்பு முடிவுக்கு வரும். ஆனால் உண்மையான மேல் வரிசையானது, தொடர்ந்து கூடுதல் கமிஷன்கள் மற்றும் பிற சன்மானங்கள் மூலமாக ஊதியம் பெறும்.
  • அணி வரிசை திட்டம் இந்த வகை திட்டமானது ஒற்றை நிலை திட்டத்தைப் போன்றதே, ஆனால் இதில் முதல் நிலையில் வைக்கப்படும் பிரதிநிதிகளின் எண்ணிக்கையில் கட்டுப்பாடு உண்டு. முதல் நிலையில் அனுமதிக்கப்படும் அதிகபட்ச எண்ணிக்கையை மீறும்போது, புதியவர்கள் தானாகவே அடுத்தநிலை கீழ்வரிசைகளில் சேர்க்கப்படுவார்கள். அணிவரிசை திட்டங்களில் அதிகபட்ச அகலம் மற்றும் ஆழம் ஆகியவை உள்ளன. ஒரு பிரதிநிதியின், கீழ்நிலை அணியில் எல்லா இடங்களும் நிரம்பியவுடன் (ஒரு அணியில் உள்ள எல்லா பங்கேற்பாளர்களும் இணைந்து அதிகபட்ச அகலம் மற்றும் ஆழம் எட்டப்பட்டவுடன்), ஒரு புதிய அணிவரிசையைத் தொடங்கலாம். ஒற்றை நிலை திட்டங்கள் போல, அணிவரிசையில் உள்ள பிரதிநிதி ஏராளமான கமிஷன்களைப் பெறுவார்கள் ஆனால் வரம்புடைய அளவு மற்றும் வரம்புடைய விற்பனை ஒதுக்கீட்டைப் பெற்றிருப்பார்கள்.
  • இருமுனை திட்டம்: இருமுனை திட்டம் என்பதில் ஒரு விநியோகிப்பாளர் இரண்டு முதல் நிலை விநியோகிப்பாளர்களை மட்டுமே கொண்டிருக்கக் கூடிய ஒரு படிநிலை சந்தைப்படுத்தல் திட்டமாகும். இரண்டு விநியோகிப்பாளர்களை விடவும் அதிகமான நபர்களை விநியோகிப்பாளர் அறிமுகப்படுத்தினால், கூடுதல் நபர்கள், அறிமுகப்படுத்தும் விநியோகிப்பாளருக்கு கீழே சேர்க்கப்படுவார். இந்த "மிகை வழிதல்" நிலையானது, இந்த முறையின் மிகவும் ஈர்க்கக்கூடிய அம்சமாக இருந்துவருகிறது, ஏனெனில் ஒரு விநியோகிப்பாளர் இரண்டு விநியோகிப்பாளர்களை மட்டுமே பரிந்துரைக்க வேண்டியிருக்கிறது. இதன் மிக முக்கிய கட்டுப்பாடு என்னவென்றால், கமிஷன்களைத் தொடர்ந்து பெறுவதற்கு, விநியோகிப்பாளர்கள், அவர்களின் கீழ்வரிசையின் இரண்டு முனைகளையும் சமமாக பராமரிக்க வேண்டும். இரு முனைகளையும் கட்டுப்படுத்துதல் என்பது, பொதுவாக ஒரு கீழ் வரிசையில் விநியோகிப்பாளரின் மொத்த விற்பனையில் குறிப்பிட்ட சதவீதத்திற்கு மேலாக உள்வாங்கப்படாமல் இருக்குமாறு பார்த்துக்கொள்வதாகும்.[34]
  • கலவை திட்டம் என்பது, மேற்கூறப்பட்ட திட்டங்களின் ஒன்று அல்லது மேற்பட்ட ஊதிய திட்டங்களை இணைத்து உருவாக்கப்படுபவை ஆகும்.

குறிப்புகள்

தொகு
  1. ↑ Pratt,, Michael G.; Rosa, José Antonio (2003). "Transforming work-family conflict into commitment in network marketing organizations". The Academy of Management Journal (Academy of Management) 46 (4): 395–418. doi:10.2307/30040635. http://jstor.org/stable/30040635. 
  2. ↑ Vander Nat, Peter J.; Keep, William W. (2002). "Marketing Fraud: An Approach for Differentiating Multilevel Marketing from Pyramid Schemes". Journal of Public Policy & Marketing 21 (1): 139–15. doi:10.1509/jppm.21.1.139.17603. 
  3. ↑ 3.0 3.1 Merrilees, Bill; Miller, Dale (1999). ""Direct Selling in the West and East: The Relative Roles of Product and Relationship (Guanxi) Drivers"". Journal of Business Research 45 (3): 267–273. doi:10.1016/S0148-2963(97)00238-5. https://archive.org/details/sim_journal-of-business-research_1999-07_45_3/page/267. 
  4. ↑ Cahn, Peter S. (2006). ""Building down and Dreaming up: Finding Faith in a Mexican Multilevel Marketer"". American Ethnologist 33 (1): 126–142. https://archive.org/details/sim_american-ethnologist_2006-02_33_1/page/126. 
  5. ↑ Marcason, Wendy (2006). "What Are the Facts and Myths about Mangosteen?". Journal of the American Dietetic Association 106 (6): 986. 
  6. ↑ 6.0 6.1 "Pyramid Schemes". FTC. May 13, 1998. Archived from the original on 2007-06-23. பார்க்கப்பட்ட நாள் 2009-06-24.
  7. ↑ 7.0 7.1 7.2 Carroll, Robert Todd (2003). The Skeptic's Dictionary: A Collection of Strange Beliefs, Amusing Deceptions, and Dangerous Delusions. John Wiley & Sons. pp. 235–36. பன்னாட்டுத் தரப்புத்தக எண் 0471272426. பார்க்கப்பட்ட நாள் 2009-06-29.
  8. ↑ Edwards, Paul (1997). Franchising & licensing: two powerful ways to grow your business in any economy. Tarcher. p. 356. பன்னாட்டுத் தரப்புத்தக எண் 0874778980. {{cite book}}: Cite has empty unknown parameter: |coauthors= (help)
  9. ↑ Clegg, Brian (2000). The invisible customer: strategies for successive customer service down the wire. Kogan Page. p. 112. பன்னாட்டுத் தரப்புத்தக எண் 074943144X. {{cite book}}: Cite has empty unknown parameter: |coauthors= (help)
  10. ↑ Higgs, Philip (2007). Rethinking Our World. Juta Academic. p. 30. பன்னாட்டுத் தரப்புத்தக எண் 0702172553. {{cite book}}: Unknown parameter |coauthors= ignored (help)
  11. ↑ Kitching, Trevor (2001). Purchasing scams and how to avoid them. Gower Publishing Company. p. 4. பன்னாட்டுத் தரப்புத்தக எண் 0566082810.
  12. ↑ Mendelsohn, Martin (2004). The guide to franchising. Cengage Learning Business Press. p. 36. பன்னாட்டுத் தரப்புத்தக எண் 1844801624.
  13. ↑ Xardel, Dominique (1993). The Direct Selling Revolution. Understanding the Growth of the Amway Corporation. Blackwell Publishing. pp. 1–4. பன்னாட்டுத் தரப்புத்தக எண் 978-0631192299.
  14. ↑ "FTC Consumer Alert; Lotions and Potions: The Bottom Line About Multilevel Marketing Plans". FTC. January 2000. Archived from the original on 2009-01-18. பார்க்கப்பட்ட நாள் 2001-03-26.
  15. ↑ Kohm, James A. (January 14, 2004) (reprint). RE: Staff Advisory Opinion - Pyramid Scheme Analysis. Federal Trade Commission. http://www.mlmwatchdog.com/files/FTC_Letter.pdf. பார்த்த நாள்: ஜூன் 11, 2010. 
  16. ↑ Facts for Consumers; The Bottom Line About Multilevel Marketing Plans and Pyramid Schemes Federal Trade Commission தணிக்கை என்ற சொல்லுக்கான பொதுவான வரையறையாக, ஒரு நபர், நிறுவனம், அமைப்பு, செயல்முறை, பெறுநிறுவனம், செயல்திட்டம் அல்லது தயாரிப்பின் மதிப்பாய்வு என்பதைக் குறிப்பிடலாம், ஆனால் இதே சொல்லுக்கு திட்ட மேலாண்மை, தர மேலாண்மை மற்றும் ஆற்றல் சேமிப்பு போன்றவற்றிலும் இதே போன்ற ஒரு கருத்தாக்கம் காணப்படுகிறது.
    கணக்கு பதிவில் தணிக்கைகள்
    தகவல்களின் உண்மை நிலை மற்றும் நம்பகத்தன்மை ஆகியவற்றை உறுதிப்படுத்த தணிக்கைகள் செய்யப்படுகின்றன; மேலும் ஒரு அமைப்பின் அகக்கட்டுப்பாட்டை மதிப்பாய்வு செய்யவும் இது தரப்படுகிறது. இந்த தணிக்கையின் இலக்கு, ஒரு நபர் / நிறுவனம் / அமைப்பு போன்றவற்றைப் பற்றிய ஒரு கருத்தை வெளியிடுவதாகும். இதற்கு சோதனை முறையில் செய்யப்படும் பணிகளின் மதிப்பாய்வு பயன்படுத்தப்படும். நடைமுறைக் கட்டுப்பாடுகளின் காரணமாக, வாக்குறுதிகள் உண்மையான பிழைகள் ஏதுமின்றி இருக்கின்றன என்ற தகவலை வழங்க மட்டுமே தணிக்கைகள் முயற்சிக்கின்றன. எனவே, தணிக்கைகளில் புள்ளிவிவர நிகழ்வாக்கல் மட்டுமே பயன்படுத்தப்படுகின்றன. நிதிநிலை தணிக்கைகளில், நிதி அறிக்கைகளின் தொகுப்பு உண்மை என்றும், எந்தவிதமான தவறான வாக்குறுதிகளும் வழங்கப்படவில்லை என்பதை கூறவும் மட்டுமே பயன்படுகின்றன. இந்த கருத்தாக்கம், தரநிலை மற்றும் அளவுநிலை காரணிகளைச் சேர்ந்தது. கணக்குப்பதிவில் தணிக்கை மிகவும் முக்கியமான ஒரு பகுதியாகும். நிதி அமைப்புகளைப் பற்றிய தகவலைப் பெறும் நோக்கத்தோடும், ஒரு நிறுவனத்தின் அல்லது வணிகத்தின் நிதி பதிவுகளை அறியும் நோக்கோடும் மட்டுமே தணிக்கைகள் முன்னர் பயன்பட்டு வந்தது. ஆனாலும், அண்மை காலத்தில் தணிக்கை என்பது, அமைப்பைப் பற்றிய கூடுதல் விவரங்களையும் சேர்த்ததாக இருக்கிறது. அதாவது பாதுகாப்பு ஆபத்துக்கள், தகவல் அமைப்புகளின் செயல்பாடு (நிதி அமைப்புகளைத் தாண்டி மற்றவை) மற்றும் சுற்றுச்சூழல் செயல்திறன் போன்றவற்றைப் பற்றிய விவரங்கள் ஆகியன. இதன் விளைவாக, பாதுகாப்பு தணிக்கைகள், ஐஎஸ் தணிக்கைகள் மற்றும் சுற்றுச்சூழல் தணிக்கைகள் போன்றவையும் தற்போது ஒரு தொழிலாக செய்யப்படுகின்றன. நிதி கணக்குப்பதிவில், நிறுவனத்தின் நிர்வாகத்தால் வழங்கப்படும் நிதி அறிக்கைகளைச் சாராமல் தணிக்கையானது அமைந்திருக்கும். இது ஒரு திறன்வாய்ந்த, தனிநபரால் செய்யப்படும், இவர்கள் ஆடிட்டர்கள் அல்லது கணக்கு தணிக்கையாளர்கள் என்று அழைக்கப்படுகின்றனர், இவர் பின்னர் அந்த தணிக்கையின் முடிவுகளின் அடிப்படையில் தணிக்கை அறிக்கையை வெளியிடுவார். விலை கணக்குப்பதிவில், எந்தவொரு பொருளின் உற்பத்தி செலவைச் சரிபார்க்கும் செயல்முறையாகினும், இதற்கு நிறுவனத்தால் மேற்கொள்ளப்படும் மூலப்பொருட்களின் பயன்பாடு அல்லது உழைப்பு அல்லது பிற செலவு வைக்கும் அம்சங்கள் கருத்தில் கொள்ளப்படும். எளிய சொற்களில் கூறுவதென்றால், விலை தணிக்கை என்பது, விலை கணக்குகளின் முறையான மற்றும் துல்லியமான சரிபார்ப்பு ஆகும். இதில் விலை கணக்கிடுதலின் இலக்குகளுடன் பொருந்தியிருத்தல் சரிபார்க்கப்படும். லண்டனின் கருத்துப்படி, "விலை தணிக்கை என்பது, விலை கணக்குபதிவுகள் மற்றும் விலை கணக்குப்பதிவு திட்டம் ஆகியவற்றில் ஒத்துப்போதல் ஆகியவற்றைச் சரிபார்ப்பதாகும்". இந்த அமைப்புகள், வர்த்தக ஒழுங்கமைப்புகளை மேற்கொள்ளும் அமைப்புகள் வரையறுத்த பொதுவாக ஏற்றுக்கொள்ளப்பட்ட தரநிலைகளுடன் ஒத்துப்போக வேண்டும். இந்த தரநிலைகள், பொதுவாக மூன்றாம் தரப்புகளுக்கு அல்லது வெளிநிலை பயனர்களுக்கு உறுதியை வழங்குகின்றன. அதாவது நிறுவனத்தின் நிதி நிலைமையும் அதனுடைய செயல்பாடுகளின் விளைவுகளும் "நல்ல" நிலையில் உள்ளன என்பதை உறுதிப்படுத்துகின்றன. தணிக்கை மற்றும் உறுதிப்படுத்தல் தரநிலை (ஏஏஎஸ்) என்பதற்கான வரையறை "எந்தவொரு அமைப்பின் நிதி தகவல்களையும் சுதந்திரமாக பரிசோதிப்பதே தணிக்கை என்றழைக்கப்படுகிறது, இது இலாபம் சார்ந்த அமைப்போ அல்லது சாராததாகவோ இருக்கலாம் மற்றும் அதனுடைய அளவு அல்லது சட்டப்பூர்வ அமைப்பைச் சாராரதாக இருக்கலாம், மேலும் இந்த சோதனை ஒரு கருத்தை வெளியிடும் நோக்கத்தோடு நடத்தப்படும்"
    ஒருங்கிணைந்த தணிக்கைகள்
    அமெரிக்காவில், பொதுவாக வர்த்தகம் புரியும் நிறுவனங்களின் தணிக்கைகள், பொது நிறுவன கணக்குப்பதிவு மேலாண்மை அமைப்பு வரையறுத்த விதிகளின் மூலமாக வர்த்தகம் செய்யப்படுகின்றன. இது, 2002 ஆம் ஆண்டின் சர்பானெஸ் ஆக்ஸ்லியின் சட்டத்தின் 404 ஆம் பிரிவின் மூலமாக கட்டமைக்கப்பட்டுள்ளது. இந்த வகையான தணிக்கைகள் ஒருங்கிணைந்த தணிக்கை என்றழைக்கப்படுகிறது. இதில் தணிக்கையாளர்களுக்கு நிறுவனத்தின் நிதி அறிக்கையிடலின் மேலாக அதன் கட்டுப்பாட்டின் செயல்திறன் பற்றி (நிதி அறிக்கைகளைப் பற்றிய கருத்துக்கூறுதல் உடன் கூடுதலாக) கருத்துக்கூறுவதற்கு கூடுதல் உரிமை உண்டு. இது தணிக்கை செய்தல் தரநிலை 5 இன் அடிப்படையில் செய்யப்படுகிறது. தற்போது புதிய வகையான ஒருங்கிணைந்த தணிக்கைகளும் கிடைக்கின்றன. இதற்கு ஒழுங்கமைவு இணக்கம் என்பதில் உள்ள ஒன்றிணைந்த இணக்க பொருட்கள் பயன்படுத்தப்படுகின்றன. பல ஒழுங்குமுறைகள் இருப்பதாலும், செயல்முறை வெளிப்பாட்டின் தேவையாலும் நிறுவனங்கள், ஒற்றை தணிக்கை நிகழ்விலிருந்து பல ஒழுங்குமுறைகளையும், தரநிலைகளையும் பூர்த்தி செய்யும் விதமாக ஆபத்து சார்ந்த தணிக்கைகளைத் தற்போது பயன்படுத்துகின்றனர். தணிக்கை மற்றும் தணிக்கை வழங்குதல் ஆதாரங்களின் பணியை மீண்டும் மீண்டும் பெறாமல், தேவையான எல்லா நிர்வாகத் தேவைகளும் பூர்த்தி செய்யப்படுகின்றன என்பதை உறுதிப்படுத்த சில துறைகளில் இது மிகவும் தேவைப்படும் மற்றும் மிகவும் புதிய அணுகுமுறையாகும்.
    தணிக்கைகளும் மதிப்பாய்வுகளும்
    தணிக்கைகள் மற்றும் மதிப்பாய்வுகள் ஆகிய இரண்டுக்கும் உள்ள வேறுபாடுகள் கணிசமான அளவில் இருப்பதாகவோ அல்லது இல்லவே இல்லை என்றோ கருதலாம். பொதுவாக, தணிக்கை என்பது, ஒரு சுதந்திரமான மதிப்பாய்வு ஆகும், இதில் சில அளவு சார்ந்த மற்றும் தரம் சார்ந்த பகுப்பாய்வுகள் செய்யப்படும். அதே நேரத்தில் மதிப்பாய்வு என்பது சிறிது குறைவான சுதந்திரம் கொண்டது மற்றும் அதிக ஆலோசனை சார்ந்த அணுகுமுறை கொண்டது.
    தணிக்கையாளர்களின் வகைகள்
    நிதி அறிக்கை தொடர்பான தணிக்கையாளர்கள் இருவகைப்படுவர்: புற தணிக்கையாளர் / சட்டப்பூர்வ தணிக்கையாளர், இது பொதுவான கணக்கு பதிவு நிறுவனமாகும், இது நிறுவனத்தால் தணிக்கைக்காக பணியமர்த்தப்படும். இவர்கள் நிறுவனத்தின் நிதி அறிக்கைகள் தவறான அறிக்கைகளை, மோசடி அல்லது பிழையின் காரணமாக கொண்டிருக்கவில்லை என்பதை உறுதிசெய்வார்கள். பொதுவான வர்த்தகத்தில் ஈடுபட்டுள்ள தணிக்கையாளர்கள், நிறுவனத்தின் நிதி அறிக்கையிடலில் அகக்கட்டுப்பாடுகளின் செயல்திறனைப் பற்றியும் கருத்துக் கூறுமாறு கேட்டுக்கொள்ளப்படுவார்கள். புற தணிக்கையாளர்கள் பிற செயல்களையும் ஒப்புதலின் பேரில் மேற்கொள்வார்கள், அவை நிதி சார்ந்தவையாகவோ அல்லது சாராதவையாகவோ இருக்கும். மிகவும் முக்கியமாக, புற தணிக்கையாளர்கள், நிறுவனத்திலிருந்து ஊதியம் பெற்றாலும் சுதந்திரமான தணிக்கையாளர்கள் என்றே கருதப்படுவார்கள். அதிகம் பயன்படுத்தப்படும் தணிக்கை தரநிலைகளானவை, அமெரிக்கன் இன்ஸ்டிட்யூட் ஆஃப் சர்டிஃபைடு பப்ளிக் அக்கவுன்டன்ட்ஸ் என்பதன் அமெரிக்க ஜிஏஏஎஸ் மற்றும் சர்வதேச கணக்குதணிக்கையாளர் அமைப்பின் சர்வதேச தணிக்கை மற்றும் உறுதிப்படுத்தல் தர நிலைகள் அமைப்பு உருவாக்கிய ஐஎஸ்ஏ சர்வதேச தணிக்கை தரநிலைகள். அக தணிக்கையாளர்கள், இவர்கள் நிறுவனத்தினால் பணிக்கமர்த்தப்பட்டு அக கட்டுப்பாட்டின் அங்கமாக இருப்பார்கள். அக தணிக்கையாளர்கள் பல தணிக்கை செயல்முறைகளை செய்வார்கள். முக்கியாக நிறுவனத்தின் நிதி அறிக்கையிடலில் அக கட்டுப்பாட்டின் செயல்திறன் தொடர்பாக அதிகம் பணிபுரிவார்கள். சர்பானெஸ் ஆக்ஸ்லி சட்டத்தின் பிரிவு 404 இன் அடிப்படையில் நிர்வாகம், நிதி அறிக்கையிடலின் மேல் அக கட்டுப்பாடுகளின் செயல்திறனையும் சோதிக்க வேண்டிய தேவை இருப்பதால் அக தணிக்கையாளர்களே இதை செய்வார்கள் (இது புற தணிக்கையாளர்களாலும் செய்யப்படும்). அக தணிக்கையாளர்கள் நிறுவனத்தை சார்ந்திருப்பவர்கள் என்றாலும், பொது வர்த்தக நிறுவனங்களின் அக தணிக்கையாளர்கள் அவர்களின் அறிக்கையை நேரடியாக நிர்வாகிகள் குழுவிடம் அல்லது அதன் துணைக்குழுவிடம் சமர்பிப்பார்கள், நிர்வாகத்திடம் சமர்பிக்க மாட்டார்கள், இதனால் சாதகமான மதிப்பாய்வை செய்யுமாறு நெருக்குதல்கள் எதையும் அவர்கள் எதிர்கொள்ள மாட்டார்கள். இன்ஸ்டிட்யூட் ஆஃப் இன்டர்னல் ஆடிட்டர்ஸ் என்பதன் அக தணிக்கை தரநிலைகள் அதிக அளவில் பயன்படுத்தப்படுகிறது. ஆலோசனை தணிக்கையாளர்கள் ஒரு நிறுவனத்தால் ஒப்பந்தத்தில் பணிக்கமர்த்தப்படும் நபர் ஆவார், இவர் நிறுவனத்தின் தணிக்கை செய்தல் தரநிலைகளைப் பின்பற்றி இதை செய்வார். இவர் புறநிலை தணிக்கையாளரிடமிருந்து வேறுபடுவார், அவர்கள் சொந்த தணிக்கை தரநிலைகளைப் பின்பற்றுவார்கள். எனவே இவர்களின் சுதந்திரம் அக தணிக்கையாளர் மற்றும் புற தணிக்கையாளர் ஆகியோருக்கு இடைப்பட்ட நிலையில் இருக்கும். இந்த ஆலோசனை தணிக்கையாளர் சுதந்திரமாக இயங்குவார் அல்லது அக தணிக்கையாளர்கள் இருக்கும் குழுவுடன் சேர்ந்து இயங்குவார். குறிப்பிட்ட சில பகுதிகளைத் தணிக்கை செய்ய நிபுணத்துவம் இல்லாத நிலைகளில் நிறுவனம் ஆலோசனை தணிக்கையாளரைப் பணிக்கமர்த்தும் அல்லது வேலைக்கு ஆள் இல்லாத நிலையை பூர்த்தி செய்வதற்கும் பணிக்கமர்த்தலாம். தர தணிக்கையாளர்கள் என்பவர்கள் ஆலோசகர்களாகவோ அல்லது நிறுவனத்தால் பணிக்கு அமர்த்தப்பட்டவராகவோ இருக்கலாம்.
    தர தணிக்கைகள்
    தர தணிக்கைகள், தர மேலாண்மை அமைப்பின் செயல்திறனைச் சோதிப்பதற்காக செய்யப்படுகின்றன. இது ஐஎஸ்ஓ 9001 போன்ற சான்றிதழ்களின் பகுதியாக இருக்கக்கூடும். ஒரு செயல்முறையின் இலக்குசார்ந்த ஆதாரங்கள் இருக்கின்றனவா என்பதை சோதிப்பதற்கு தர தணிக்கைகள் அவசியம். மேலும் ஒரு செயல்முறை எந்த அளவிற்கு பயன்படுத்தப்படுகிறது, வரையறுக்கப்பட்ட எந்த இலக்கின் செயல்திறனையும் சோதிப்பது, சிக்கல் மிகுந்த பகுதிகளை அகற்றுவது மற்றும் குறைப்பது மற்றும் தொடர்ச்சியான வளர்ச்சியைப் பெறுவதற்கு மேலாண்மை செயல்முறைகளில் மாற்றங்கள் செய்வது போன்றவற்றுக்கும் இது அவசியமானதாகும். நிறுவனத்துக்கு லாபமளிக்க, தர தணிக்கையானது, பொருந்தாத இடங்களையும் அதை சரிசெய்வதற்கான படிகளையும் மட்டும் தராமல், நல்ல செயல்பாடுகள் உள்ள பகுதிகளையும் குறிப்பிட வேண்டும். இதன் மூலமாக, பிற துறைகள் தகவல்களைப் பகிர்ந்து கொள்ளலாம், மேலும் அவர்களின் பணிபுரிதல் நடைமுறைகளையும் பகிர்ந்து கொண்டு தொடர்ந்த வளர்ச்சிக்கு உதவ முடியும். திட்ட மேலாண்மையில் திட்டங்கள் இருவகையான தணிக்கைகளை மேற்கொள்ள முடியும். வழக்கமான நல சோதனை தணிக்கைகள்: திட்டத்தின் வெற்றிகளை அதிகரிப்பதற்கு திட்டத்தின் தற்போதைய நிலையை சோதிப்பதே இந்த வகையான நல சோதனை தணிக்கையின் இலக்காகும். ஒழுங்குமுறை தணிக்கைகள்: இந்த தணிக்கையின் நோக்கம், ஒரு திட்டம் ஒழுங்குமுறைகள் மற்றும் தரநிலைகளுடன் இணங்குகிறதா என்பதை சோதிப்பதே ஆகும்.
    ஆற்றல் தணிக்கைகள்
    ஆற்றல் சேமிப்புக்காக ஒரு கட்டிடம், செயல்முறை அல்லது அமைப்பில் ஆற்றல் போக்குகளை சோதிப்பது, கருத்துக்கணிப்பு மற்றும் பகுப்பாய்வு செய்வதன் மூலம் வெளியீடுகளின் அளவை குறைக்காமல் ஆற்றல் அளவைக் குறைப்பது பற்றி அறிவதாகும்.
    கணக்கு பதிவிடல்
    செலவுக் கட்டுப்பாட்டாளர்( கம்ப்ட்ரோலர்), பொதுவான கம்ப்ட்ரோலர் மற்றும் அமெரிக்காவின் பொதுவான கம்ப்ட்ரோலர் தொடர்ச்சியான தணிக்கை காஸ்ஸோ கட்டமைப்பு, ஆபத்து மேலாண்மை களப்பணி நிதி தணிக்கை, புற தணிக்கையாளர், சான்றிதழ் பெற்ற கணக்கு பதிவாளர் மற்றும் தணிக்கை ஆபத்து கிரீன் குளோப் தகவல் தொழில்நுட்ப தணிக்கை, தகவல் தொழில்நுட்ப தணிக்கை செயல்முறைகள், தகவல் தொழில்நுட்ப தணிக்கைசெய்தலின் வரலாறு மற்றும் தணிக்கை செய்தல் தகவல் பாதுகாப்பு அக தணிக்கை தலைமை தணிக்கை செயலாளர் அல்லது தணிக்கை இயக்குநரின் கீழ் முதன்மை தணிக்கை தர தணிக்கை
  17. ↑ Facts for Consumers; The Bottom Line About Multilevel Marketing Plans and Pyramid Schemes Federal Trade Commission
  18. ↑ 18.0 18.1 18.2 Coenen, Tracy (2009). Expert Fraud Investigation: A Step-by-Step Guide. Wiley. p. 168. பன்னாட்டுத் தரப்புத்தக எண் 0470387963.
  19. ↑ 19.0 19.1 Ogunjobi, Timi (2008). SCAMS - and how to protect yourself from them. Tee Publishing. pp. 13–19.
  20. ↑ 20.0 20.1 Salinger (Editor), Lawrence M. (2005). Encyclopedia of White-Collar & Corporate Crime. Vol. 2. Sage Publishing. p. 880. பன்னாட்டுத் தரப்புத்தக எண் 0761930043. {{cite book}}: |last= has generic name (help)
  21. ↑ Brown, David (November 27, 2007). "Marketing group merely ‘selling a dream’". The Times. http://business.timesonline.co.uk/tol/business/industry_sectors/media/article2951266.ece. பார்த்த நாள்: July 13, 2009. 
  22. ↑ Berkowitz, Bill (Jan 28, 2009). "Republican Benefactor Launches Comeback". Inter press service இம் மூலத்தில் இருந்து செப்டம்பர் 12, 2010 அன்று. பரணிடப்பட்டது.. https://web.archive.org/web/20100912062722/http://ipsnews.net/wap/news.asp?idnews=45588. பார்த்த நாள்: July 11, 2009.  (in reference to BERR vs Amway (Case No:2651, 2652 and 2653 of 2007) in point of objectionability"c")
  23. ↑ Tony Dokoupil (August 2, 2008). "A Drink's Purple Reign". Newsweek. Archived from the original on 2012-08-11. பார்க்கப்பட்ட நாள் 2009-07-17.
  24. ↑ Ryan (Editor), Leo; Wojciech, Gasparski (Editor); Georges, Enderle (Editor) (2000). Business Students Focus on Ethics (Praxiology): The international Annual of Practical Philosophy and Methodology Volume 8. New Jersey: Transaction Publishers. pp. 75. பன்னாட்டுத் தரப்புத்தக எண் 0765800373. {{cite book}}: |last1= has generic name (help)
  25. ↑ Peterecca, Laura (Sept 14, 2009). "What kind of business do you want to start?". USAToday (Gannett Company): pp. 4B. http://www.usatoday.com/printedition/money/20090914/smallbizweek114_st.art.htm. பார்த்த நாள்: Sept 14, 2009. 
  26. ↑ Richard Eisenberg (June 1, 1987). "The Mess Called Multi-Level Marketing With celebrities setting the bait, hundreds of pyramid-style sales companies are raking in millions, often taking in the gullible". CNN Money. http://money.cnn.com/magazines/moneymag/moneymag_archive/1987/06/01/83883/index.htm. 
  27. ↑ In re Amway Corp., 93 F.T.C. (1979).
  28. ↑ "Multilevel Marketing Plans". FTC Consumer Alert. November 1996. Archived from the original on 2008-05-09. பார்க்கப்பட்ட நாள் 2008-05-07.
  29. ↑ "FTC Press Release".
  30. ↑ 30.0 30.1 "FalseProfitsHomePage". Falseprofits.com. பார்க்கப்பட்ட நாள் 2010-03-05.
  31. ↑ Carl, Walter J. (2004) "The Interactional Business of Doing Business: Managing Legitimacy and Co-constructing Entrepreneurial Identities in E-Commerce Multilevel Marketing Discourse" Western Journal of Communication , Vol. 68.
  32. ↑ Salinger (Editor), Lawrence M. (2005). Encyclopedia of White-Collar & Corporate Crime. Vol. 2. Sage Publishing. p. 880. பன்னாட்டுத் தரப்புத்தக எண் 0761930043. {{cite book}}: |last= has generic name (help)
  33. ↑ "Unilevel Compensation Plan". The Compensation Plan. network-marketing-business-school.com. Archived from the original on 2009-08-27. பார்க்கப்பட்ட நாள் 2009-08-28.
  34. ↑ "Spencer Reese of Law Firm Grimes & Reese". Archived from the original on 2009-03-03. பார்க்கப்பட்ட நாள் 2010-06-11.

வெளிப்புற இணைப்புகள்

தொகு
"https://ta.wikipedia.org/w/index.php?title=படி_நிலை_சந்தைப்படுத்துதல்&oldid=3635797" இலிருந்து மீள்விக்கப்பட்டது