பிர்தௌசி

அக்கீம் அபு ஈ-காசின் பிர்தௌசி துசி (கி.பி 935–1025) அல்லது பிர்தௌசி (Hakim Abu ʾl-Qasim Ferdowsi Tusi Firdawsi, ஒரு புகழ்பெற்ற பாரசீகக் கவிஞரும் சாநாமா என்னும் தேசியப் பெருங்காப்பியம் இயற்றிய பாரசீகப் பெரும்பாவலரும் ஆவார். சாநாமா ("Shahnameh") என்பதே உலகின் ஆகப்பெரும் காப்பியம். சாமனிதுப் பேரரசின் காலத்திலும் காசனாவிதுப் பேரரசின் காலத்திலும் அவர் புரவலராக இருந்தபொழுது எழுதப்பெற்றது. பிர்தௌசி பாரசீக மொழியில் மிகவும் செல்வாக்கு மிக்கப் பாவலர்

அக்கீம் அபுயி காசிம் பிர்தௌசி தூசி Ḥakīm Abu'l-Qāsim Ferdowsī Țusī حکیم ابوالقاسم فردوسی توسی
பிறப்பு	935 தூசு, ஈரான் (சாமனிதுப் பேரரசு)
இறப்பு	1025 (அகவை 89–90) தூசு, ஈரான் (காசனாவிதுப் பேரரசு)
தொழில்	கவிஞர்
காலம்	சாமனிது, காசனாவிது
வகை	பாரசீகப் பாடல், தேசியக் காவியம்

பெயர்

இவருடைய குன்யா (அரபி) பெயராகிய அபு-இ.காசிம் ((ابوالقاسم - Abu'l-Qāsim)) என்பதையும் இவருடைய இலக்காபு (laqab) பெயராகிய பிர்தௌசி (ی - Ferdowsī, பொருள்: 'சொர்கம் போன்ற') ஆகியவற்றைத்தவிர இவருடைய முழுப்பெயரைப்பற்றி ஒன்றும் உறுதியாகத்தெரியவில்லை. இவரை முதலிலிருந்தே வேறு பல புகழ்ப்பெயர்களாலும் அழைத்து வந்திருக்கின்றனர். அவற்றுள் ஒன்று மெய்யியலாளர் என்னும் பொருள்படும் அக்கீம் (ஃகக்கீம், Ḥakīm) இதன் அடிப்படையில் இவர் பெயர் வழங்கப்பெறுகின்றது. உரோமன் அல்லது இலத்தீன் எழுத்தில் இவர் பெயர் பலவாறு எழுதப்படுகின்றது. அவற்றுள் சில Firdawsi, Firdusi, Firdosi, Firdausi.

வாழ்க்கை

குடும்பம்

பிர்தௌசி நிலபுலங்கள் உள்ள செல்வந்த தெஃகான்கள் (dehqan) குடும்பத்தில் கி.பி. 935 -இலோ கி.பி 940 -இலோ ஈரானில் தூசு (Tus) என்னும் ஊரில் பிறந்தார். இவ்வூர் சாமனிதுப் பேரரசில் கொராசான் என்னும் பகுதியில் இருந்தது. தற்பொழுது ஈரானின் வடகிழக்கே உள்ள இராசாவி கொராசான் மாநிலத்தில் உள்ளது. பிர்தௌசியின் தொடக்ககால வாழ்க்கை பற்றி ஏதும் தெரியவில்லை. நிலக்கிழார்களின் குடும்பங்களில் பிறந்த கல்வியறிவுடைய பெண்ணொருவரை மணந்து ஒரு மகனும் பெற்றிருந்தார். ஆனால் மகன் தன் 37 ஆவது அகவையில் இறந்துபோனார் என்றும், இதனை தான் எழுதிய சாநாமாவில் இரங்கற்பாவாக சேர்த்திருந்தார் என்றும் கருதபப்டுகின்றது.

பிர்தௌசி, சியா பிரிவு இசுலாமியர், இதனை சாநாமாவில் இருந்தே அறியலாம்.. பழைய வரைவுகளில் இருந்தும் இது பெறப்படும் ஆனால் அண்மையில் அவருடைய மத்ம் சியா பிரிவுதானா என்பதில் ஐயம் எழுப்பியிருக்கின்றார்கள்

• 
  பூங்காவில் சாசனிய அரசன் குசிராவும் அவருடைய அணையினரும். சாநாமா நூலில் படியில் காட்டப்பட்டுள்ள ஒருபடம். இது புரூக்கிலின் அருங்காட்சியகத்தில் உள்ள 15-16 ஆவது நூற்றாண்டின் படி.
• 
  Tசாநாமாவில் வரும் சிமுர்கு என்னும் கற்பனைப் பறவை. பிர்தௌசியின் நினைவு மண்டபத்தில் இருப்பது.
• 
  சாநாமாவில் இருந்து ஒரு காட்சி: அக்கவன் திவ் உறங்கிக்கொண்டிருக்கும் உரொசுத்தம்மை கடலில் எறிந்தல்
• 
  சாநாமாவில் இருந்து ஒரு காட்சி: பார்த்தியாவின் அரசன் அரத்தபான் சாசனிது அரான் அரதாசீர் -1 ஐ பார்ப்பது.
• 
  குளியல் காட்சி

தாக்கம்

ஈரானில் பிர்தௌசி பிறந்த தூசி என்னும் இடத்தில் பிர்தௌசியின் நினைவு மண்டபம்

oபிர்தௌசியின் பாடல் ஒன்று: இறைவனின் உளக்குளிர்ச்சியை நினை - அறிவாகவும் உண்மையாகவும் இரு.

பிர்தௌசிக்குப் பாரசீக வரலாற்றில் தனியிடம் உண்டு, ஏனெனில் இசுலாமிய தாக்கத்தால் அரபு மொழி ஓங்கி வளர்ந்திருந்த நாள்களில் பாரசீக மொழிக்கு மறுமலர்ச்சி அளித்து, பாரசீக கலைபண்பாடுகளுக்குப் புத்துயிர் ஊட்டினார். இன்றைய தொடர்ந்த பாரசீக வளார்ச்சிக்கு இவருடைய நூல் பெரும் அடித்தளமாக அமைந்தது.

உசாத்துணை

• E.G. Browne. Literary History of Persia. (Four volumes, 2,256 pages, and twenty-five years in the writing). 1998. பன்னாட்டுத் தரப்புத்தக எண் 0-7007-0406-X
• Jan Rypka, History of Iranian Literature. Reidel Publishing Company. 1968 இணையக் கணினி நூலக மையம் 460598 பன்னாட்டுத் தரப்புத்தக எண் 90-277-0143-1
• Shirzad Aghaee, Imazh-ha-ye mehr va mah dar Shahnameh-ye Ferdousi (Sun and Moon in the Shahnameh of Ferdousi, Spånga, Sweden, 1997. (பன்னாட்டுத் தரப்புத்தக எண் 91-630-5369-1)
• Shirzad Aghaee, Nam-e kasan va ja'i-ha dar Shahnameh-ye Ferdousi (Personalities and Places in the Shahnameh of Ferdousi, Nyköping, Sweden, 1993. (பன்னாட்டுத் தரப்புத்தக எண் 91-630-1959-0)
• Josef Wiesehöfer, Ancient Persia, I.B.Tauris, (பன்னாட்டுத் தரப்புத்தக எண் 18-606-4675-1)
• A. Shapur Shahbazi, Ferdowsi: a critical biography, Harvard University, Center for Middle Eastern Studies, 1991 (பன்னாட்டுத் தரப்புத்தக எண் 09-3921-483-0)
• Sandra Mackey, W. Scott Harrop, The Iranians: Persia, Islam and the soul of a nation, University of Michigan, 2008 (பன்னாட்டுத் தரப்புத்தக எண் 05-2594-0057)
• R. M. Chopra, 2014, " Great Poets of Classical Persian ", Sparrow Publication, Kolkata (பன்னாட்டுத் தரப்புத்தக எண் 978-81-89140-75-5)

வெளியிணைப்புகள்

விக்கிமீடியா பொதுவகத்தில்,
பிர்தௌசி
என்பதில் ஊடகங்கள் உள்ளன.

• குட்டன்பேர்க் திட்டத்தில் Firdawsi இன் படைப்புகள்
• ஆக்கங்கள் பிர்தௌசி இணைய ஆவணகத்தில்
• Khosrow Nāghed, In the Workshop of Thought and Imagination of the Master of Tūs (Dar Kargāh-e Andisheh va Khiāl-e Ostād-e Tūs) பரணிடப்பட்டது 2013-09-11 at the வந்தவழி இயந்திரம், in Persian, Radio Zamāneh, 5 August 2008.
• Ferdowsi: Poems Ferdowsi's poems in English
• Iraj Bashiri, The Shahname of Firdowsi
• Ferdowsi Museum photos பரணிடப்பட்டது 2011-07-20 at the வந்தவழி இயந்திரம்
• Ferdowsi Tomb photos
• A king's book of kings: the Shah-nameh of Shah Tahmasp, an exhibition catalog from The Metropolitan Museum of Art (fully available online as PDF)
• Ferdowsi Quotes பரணிடப்பட்டது 2015-04-17 at the வந்தவழி இயந்திரம்