பில் ஓ'ரெய்லி
வில்லியம் ஜோசப் ஓ ரெய்லி (William Joseph O'Reilly 20 டிசம்பர் 1905 – 6 அக்டோபர் 1992) ஒரு முன்னாள் ஆஸ்திரேலிய துடுப்பாட்ட வீரர் ஆவார். துடுப்பாட்ட விளையாட்டின் வரலாற்றில் மிகச் சிறந்த பந்து வீச்சாளர்களில் ஒருவராக இவர் கருதப்படுகிறார். விளையாடுவதிலிருந்து ஓய்வு பெற்றதைத் தொடர்ந்து, அவர் ஒரு துடுப்பாட்ட எழுத்தாளர் மற்றும் ஒளிபரப்பாளராக ஆனார்.இவர் ஆத்திரேலியத் துடுப்பாட்ட அணிக்காக தேர்வு மற்றும் முதல் தரத் துடுப்பாட்டப் போட்டிகளில் விளையாடினார்.
ஓ'ரெய்லி சிறந்த சுழல் பந்து வீச்சாளர்களில் ஒருவராகக் கருதப்படுகிறார்.இவர் நேர்ச் சுழல் மற்றும் கூக்ளி பந்துகளை மிகத் துல்லியமாக வீசினார்.[1] இவர் 6 அடி 2 அங்குலம் உயரமாக இருந்தார். இவரது பந்துவீச்சினை கணிப்பது மட்டையாளர்களுக்கு கடினமாக இருந்தது. ஓ'ரெய்லி இறந்தபோது, சர் டொனால்ட் பிராட்மேன் தான் எதிர்கொண்ட அல்லது பார்த்த மிகச் சிறந்த பந்து வீச்சாளர் என்று கூறினார்.[2] 1935 ஆம் ஆண்டில், விசுடன் நாட்குறிப்பில்: "நவீன துடுப்பாட்டத்தில்'ரெய்லி ஒரு 'விரோத' பந்து வீச்சாளர் என்று வர்ணிக்கப்படுவதற்கு சிறந்த நபராவார் எனத் தெரிவித்தது." [3] 1939 ஆம் ஆண்டில், பில் ஓ'ரெய்லி 1938 ஆம் ஆண்டில் ஆஷஸ் இங்கிலாந்து சுற்றுப்பயணத்தில் சிறப்பாக விளையாடியதனைக் குறிப்பிட்டு இவர் அனைத்துக் காலத்திற்குமான சிறந்த பந்துவீச்சாளர்களில் ஒருவராகக் கருதப்படுகிறார்.[4]
இளைஞர் மற்றும் ஆரம்பகால வாழ்க்கை
தொகுஐரிஷ் வம்சாவளியைச் சேர்ந்த ஓ'ரெய்லியின் தந்தை தாத்தா பீட்டர் 1865 இல் உல்ஸ்டரின் கவுண்டி கேவனில் இருந்து குடிபெயர்ந்தார். சிட்னிக்கு வந்த அவர், அயர்லாந்தில் நான்கு ஆண்டுகளாக காவல் அதிகாரியாக இருந்தார், மேலும் நியூ சவுத் வேல்சிலும் தனது பணியினைத் தொடர்ந்தார். அவர் ஓ'ரெய்லியின் தந்தை எர்னஸ்ட் ஒரு பள்ளி ஆசிரியராக இருந்தார், மேலும் முர்ரே நதியைச் சுற்றியுள்ள பகுதிகளிலும் கற்பித்தார். ஓ'ரெய்லியின் தாய் மினா (நீ வெல்ஷ்) அடிலெய்டில் இருந்து குடியேறிய குடும்பத்தைச் சேர்ந்த ஐரிஷ் மற்றும் ஆங்கில வம்சாவளியின் மூன்றாம் தலைமுறையினைச் சேர்ந்தவர்.[5] ஓ'ரெய்லி நியூ சவுத் வேல்ஸின் அமுதக்கல் சுரங்க நகரமான வைட் கிளிஃப்ஸில் பிறந்தார். நகரத்தில் முதல் பள்ளியைத் திறக்க ஏர்னஸ்ட் நியமிக்கப்பட்டார்,[6][7] மேலும் பள்ளியையும் அதன் தளபாடங்களையும் கட்டியெழுப்ப உதவினார்.[8] பில்லிற்கு இரண்டு மூத்த சகோதரர்கள் மற்றும் ஒரு சகோதரியுடன் இருந்தனர்.[9]
ஓ'ரெய்லியின் கிரிக்கெட் திறன்கள் பெரும்பாலும் சுயமாகக் கற்றுக் கொண்டது ஆகும். அவரது தந்தை வேறு பள்ளிக்கு அனுப்பப்பட்ட போதெல்லாம் அவரது குடும்பம் நகரத்திலிருந்து நகரத்திற்கு குடிபெயர்ந்தது. இதனால் துடுப்பாட்ட சங்கத்தில் பயிற்சியில் சேர இவருக்கு வாய்ப்பு கிடைக்கவில்லை. அதனால் இவர் தனது சகோதரர்களுடன் விளையாடக் கற்றுக்கொண்டார், " தைல மரத்தினால் கொண்டு செய்யப்பட்ட மட்டை மற்றும் பாங்க்ஸியா ரூட் ஒரு துண்டு ஆகியவற்றைக் கொண்டு விளையாடுவதைக் கற்றுக் கொண்டார்." [7] அவரது மூத்த சகோதரர்கள் மட்டையாட்டத்தில் ஆதிக்கம் செலுத்தியதால் அவர் பந்து வீச கற்றுக்கொண்டார். இவர் நேர்ச் சுழல் பந்துவீச்சாளராக இருந்தார்.சிறு வயதிலிருந்தே, ஓ'ரெய்லி கும்பலாகவே இருக்கும் வீரர் ஆவார்.[10]
ஜனவரி 1908 இல், பில்லின் இரண்டாவது வயதில் இவரது குடும்பம் முர்ரிங்கோவுக்குச் சென்றது, ஏர்னஸ்ட் தலைமை ஆசிரியராக நியமிக்கப்பட்டார்..[11]
சான்றுகள்
தொகு- ↑ Wisden (1935), pp. 284–286.
- ↑ Engel, p. 48.
- ↑ Wisden (1935), p. 5. Past tense was used of a current player, in the context of a review of the tour
- ↑ Wisden, p. 197.
- ↑ Whitington, pp. 115–116.
- ↑ Whitington, p. 113.
- ↑ 7.0 7.1 Engel, p. 44.
- ↑ McHarg, p. 27.
- ↑ Whitington, p. 114.
- ↑ Whitington, pp, 121–122.
- ↑ Whitington, p. 117.