பொங்கு தமிழ்

ஈழத்தமிழர் போராட்டத்தின் நியாயங்களை கலைநிகழ்வுகள் மூலம் உலக அரங்கில் முன்வைப்பதே பொங்கு தமிழ் ஆகும். இலங்கை இராணுவ ஆக்கிரமிப்புக்கு உட்பட்டு இருக்கும் யாழ் பல்கலைக்கழக மாணவர்களால் இந்த நிகழ்வு 2001 இல் முதன்முறையாக நிகழ்த்தப்பட்டது. அங்கு பின்வரும் மூன்று வேண்டுகோள்கள் முன்வைக்கப்பட்டன.

• தன்னாட்சி உரிமை
• மரபுவழித் தாயகம்
• தமிழ்த் தேசியம்

அதனைத் தொடர்ந்து ஈழத்தின் பிற பகுதிகளிலும், புகலிட நாடுகளிலும் இந்த நிகழ்வுகள் முன்னெடுக்கப்பட்டன.

உரிமைக்கான குரல் இலங்கை அரசின் கொடுமைக்கு எதிரான குரல்

பொங்கு தமிழ் உலகத்தமிழர்கள் தமது உரிமைகளுக்காகவும் இலங்கை அரசின் கொடுமைகளுக்கு எதிராகவும் தமது குரலை வெளிப்படுத்தும் ஒர் அரங்கு. பல்வேறு சுதந்திரங்கள் உறுதி செய்யப்பட்ட மேற்குநாடுகளில் வெளிவரும் ஒரு குரல். பலர் தமிழீழ விடுதலைப் புலிகளுக்கு ஆதரவாக கருத்துக்களைத் தெரிவித்தாலும், இது தமிழீழ விடுதலை புலிகளின் ஆதரவாளர்களை மட்டும் கொண்டதாக கொள்ள முடியாது. தமிழர்கள் இலங்கை அரசின் கொடுமைகளுக்கு எதிராக தமது நிலைப்பாட்டை வெளிப்படுத்தும் ஒரு அரங்காகவும் இதைக் கருதலாம்.

2008 பொங்கு தமிழ் நிகழ்வுகள்

2008 ஆண்டு பல்வேறு நாடுகளில் பொங்கு தமிழ் நிகழ்ச்சிகள் நிகழ்த்தப்படுகின்றன. தமிழ்நாட்டின் நன்கு அறியப்பட்ட ஈழப்போராட்ட ஆதரவாளர்களும் இங்கு கலந்துகொள்கிறார்கள். இவர்களில் கவிஞர் அறிவுமதி, புலவர் புலமைப்பித்தன், ஓவியர் புகழேந்தி குறிப்பிடத்தக்கோர் ஆவர்.

பொங்குதமிழ் நடத்தப்பட்ட நாடுகள்

• நியூசிலாந்து
• இத்தாலி
• நோர்வே
• டென்மார்க்
• தென்னாபிரிக்கா
• பிரான்ஸ்
• ஜெர்மனி
• சுவீடன்
• பெல்ஜியம்
• நெதர்லாந்து
• பின்லாந்து
• கனடா
• சுவிட்சர்லாந்து
• அவுஸ்திரேலியா:
  • மெல்பேர்ண்
  • சிட்னி
• ஐக்கிய இராச்சியம்

வெளி இணைப்புகள்

• ஐக்கிய இராச்சியம் - இங்கிலாந்து - பொங்கு தமிழ் 2008 பரணிடப்பட்டது 2008-07-14 at the வந்தவழி இயந்திரம் - உத்யோகபூர்வ இணைப்பு
• பொங்கு தமிழ் நிகழ் போன்ற நிகழ்வுகளை தடுத்து நிறுத்துமாறு சிறிலங்கா அரசு தனது தூதரகங்களுக்கு அறிவுறுத்தல்