போரான் சல்பைடு

போரான் சல்பைடு (Boron sulfide) என்பது B₂S₃ என்ற மூலக்கூற்று வாய்ப்பாட்டால் விவரிக்கப்படும் ஒரு கரிம வேதியியல் சேர்மமாகும். பலபடிசார் பொருளான இது உயர் தொழில்நுட்ப கண்ணாடிகளின் ஓர் அங்கமாகவும், கரிமகந்தகச் சேர்மங்களைத் தயாரிப்பதற்கான ஒரு வினையாக்கியாகவும் பயன்படுகிறது. சிலிக்கன் மற்றும் பாசுபரசின் சல்பைடுகளைப் போலவே போரான் சல்பைடும் வளிமண்டல ஈரப்பதம் உட்பட தண்ணீருடன் வினைபுரிந்து ஐதரசன் சல்பைடு வாயுவை வெளியிடுகிறது. எனவே இதன் உப்பு மாதிரிகள் நீரிலி நிலையில் கையாளப்பட வேண்டும். போரான் ஆக்சைடுகளைப் போலவே போரான் சல்பைடும் P4S10 போன்ற பிற சல்பைடுகளுடன் கலக்கும்போது உடனடியாக கண்ணாடிகளை உருவாக்குகிறது. இத்தகைய கண்ணாடிகள் வழக்கமான போரோசிலிகேட் கண்ணாடிகளுடன் ஒப்பிடும்போது குறைந்த அதிர்வெண் அகச்சிவப்பு ஆற்றலை உறிஞ்சுகின்றன.

Boron sulfide

பெயர்கள்
ஐயூபிஏசி பெயர் போரான் சல்பைடு
வேறு பெயர்கள் போரான் செசுகியுசல்பைடு, டைபோரான் டிரைசல்பைடு
இனங்காட்டிகள்
சிஏஎசு எண்	12007-33-9 Y
EC number	234-504-9
InChI InChI=1S/B2S3/c3-1-5-2-4 Key: ZVTQDOIPKNCMAR-UHFFFAOYSA-N
யேமல் -3D படிமங்கள்	Image
பப்கெம்	123269
SMILES S=BSB=S
பண்புகள்
மூலக்கூறு வாய்பாடு	B2S3
வாய்ப்பாட்டு எடை	117.80 கி/மோல்
தோற்றம்	நிறமற்ற படிகங்கள்
அடர்த்தி	1.55 கி/செ.மீ3, திண்மம்
உருகுநிலை	563 °C (1,045 °F; 836 K)
கொதிநிலை	உயர் வெப்பநிலையில் சிதையும்
நீரில் கரைதிறன்	சிதையும்
கரைதிறன்	அமோனியாவில் கரையும்
கட்டமைப்பு
படிக அமைப்பு	ஒற்றை சரிவு, mP40, இட்டக்குழு = P21/c, எண். 14
ஒருங்கிணைவு வடிவியல்	B: சமதளம், sp2
வெப்பவேதியியல்
Std enthalpy of formation ΔfHo298	-240.6 கிலோயூல்/மோல்
நியம மோலார் எந்திரோப்பி So298	327 யூல்/மோல் கெல்வின்
வெப்பக் கொண்மை, C	111.7 யூல்/மோல் கெல்வின்
தீங்குகள்
முதன்மையான தீநிகழ்தகவுகள்	H2S மூலம்
மாறுதலாக ஏதும் சொல்லவில்லை என்றால் கொடுக்கப்பட்ட தரவுகள் யாவும் பொருள்கள் அவைகளின் இயல்பான வெப்ப அழுத்த நிலையில் (25°C, 100kPa) இருக்கும். | colspan=2 |  Y verify (இது: Y/N?) வார்ப்புரு மேற்கோள்கள்

கீட்டோன்களை அவற்றுடன் தொடர்புடைய தையோகீட்டோன்களாக போரான் சல்பைடு மாற்றுகிறது. உதாரணமாக பென்சோபீனோனை அதன் தயோனாக மாற்றும் வினை கீழே கொடுக்கப்பட்டுள்ளது.

B
₂S
₃ + 3 (C
₆H
₅)
₂C=O → B
₂O
₃ + 3 (C
₆H
₅)
₂C=S

நடைமுறையில் இவ்வினைக்கு அதிக அளவான B₂S₃ பயன்படுத்தப்படுகிறது ..

தயாரிப்பு

இரும்பு அல்லது மாங்கனீசு போரைடுடன் 300° செல்சியசு வெப்பநிலையில் ஐதரசன் சல்பைடைச் சேர்த்து வினைபுரியச் செய்தால் டைபோரான் டிரைசல்பைடு தயாரிக்கப்படுகிறது

2 FeB + 4 H₂S → B₂S₃ + FeS + 4 H₂

1824 ஆம் ஆண்டு யோன்சு யாகோபு பெர்சிலியசு நேரடியாக படிகவடிமற்ற போரானுடன் கந்தக ஆவியைச் சேர்த்து இதைத் தயாரித்தார்

2 B + 3 S → B₂S₃

பிரடெரிக் வோலரும் என்றி எட்டியன் செயின்ட்-கிளயிர் டிவில்லியும் மற்றொரு தயாரிப்பு முறையை 1858 ஆம் ஆண்டு வெளியிட்டுள்ளனர். இம்முறையில் போரானும் ஐதரசன் சல்பைடும் தொடக்கப் பொருள்களாகப் பயன்பட்டுத்தப்பட்டன

2 B + 3 H₂S → B₂S₃ + 3 H₂

கட்டமைப்பு

B₂S₃ சேர்மத்திலுள்ள போரான் அணுக்கள் முக்கோண சமதளத்தில் உள்ளன. இவை B₃S₃ மற்றும் B₂S₂ வளையங்களில் கந்தக அணுக்கள் 355 பைக்கோமீட்டர் உள்ளடக்கு இடைவெளியில் ஓர் அடுக்கு கட்டமைப்பாக உருவாகியுள்ளன. போரான் டிரையாக்சைடுடன் ஒப்பிடுகையில் இது வேறுபட்ட அமைப்பாகும். போரான் டிரையாக்சைடில் முப்பரிமாண கட்டமைப்பு காணப்படுகிறது. மூலக்கூற்று ஒருபடி வடிவ B₂S₃ சேர்மம் சமதள V வடிவம் கொண்டு அதன் மைய B-S-B பிணைப்புக் கோணம் தோராயமாக 120°.உடன் கானப்படுகிறது .