மனதில் உறுதி வேண்டும் (1987 திரைப்படம்)
மனதில் உறுதி வேண்டும் (Manathil Urudhi Vendum) 1987-இல் கே. பாலசந்தரின் எழுத்து, இயக்கத்தில் வெளிவந்த இந்தியத் தமிழ்த் திரைப்படமாகும். இத்திரைப்படம் நூறு நாட்கள் திரையிடப்பட்ட தமிழ்த் திரைப்படங்களில் ஒன்றாகும். வாழ்க்கையில் பல போராட்டங்களைச் சந்திக்கும் ஒரு செவிலியரின் கதை. குடும்பத்தில் ஓடிப்போகும் சகோதரி, சகோதரன் மரணம், கணவனின் விவாகரத்து என பல போராட்டங்களை ஒரு சேர சந்திக்கும் பெண்ணின் வாழ்க்கையை அடிப்படையாகக் கொண்டது இப்படத்தின் கதை.[1] இத்திரைப்படத்தில் சுஹாசினி, எஸ். பி. பாலசுப்பிரமணியம், ரமேஷ் அரவிந்த், ஸ்ரீதர், விவேக், லலிதா குமாரி, சித்திரா, சந்திரகாந்த், யமுனா ஆகியோர் நடித்திருந்தனர். ரஜினிகாந்த், விஜயகாந்த், சத்யராஜ் ஆகியோர் விருந்தினர்களாக ஒரு பாடல் காட்சியில் நடித்தனர். இத்திரைப்படம் 1987 அக்டோபர் 21 அன்று வெளியிடப்பட்டது.
| மனதில் உறுதி வேண்டும் Manathil Urudhi Vendum | |
|---|---|
| இயக்கம் | கே. பாலசந்தர் |
| தயாரிப்பு | ராஜம் பாலசந்தர் புஷ்பா கந்தசாமி |
| கதை | கே. பாலசந்தர் |
| இசை | இளையராஜா |
| நடிப்பு | சுஹாசினி ஸ்ரீதர் எஸ். பி. பாலசுப்பிரமணியம் ரமேஷ் அரவிந்த் விவேக் |
| ஒளிப்பதிவு | ஆர். ரகுநாத ரெட்டி |
| படத்தொகுப்பு | கணேஷ்–குமார் |
| கலையகம் | கவிதாலயா புரடக்ஷன்ஸ் |
| வெளியீடு | 21 அக்டோபர் 1987 |
| ஓட்டம் | 147 நிமிடங்கள் |
| நாடு | இந்தியா |
| மொழி | தமிழ் |
கதை
தொகுநந்தினி என்ற கதாபாத்திரத்தில் சுஹாசினி நடித்த ஒரு செவிலியரின் கதையாகும். ஏழு உடன்பிறப்புகள், வேலையில்லாத பெற்றோர்கள் என அவரது மிகப்பெரிய குடும்பத்தில் ஒரே ஒரு வருமானம் ஈட்டுபவராக உள்ளார். விவாகரத்து, ஒரு சகோதரனை இழத்தல், ஓர் ஓடிப்போன சகோதரி, தோல்வியுற்ற இரண்டாவது காதல், உறுப்பு தானம் உள்ளிட்ட பல தடைகளை அவர் எதிர்கொள்கிறார். இவர் அவர்களைக் கண்ணியத்துடன் கையாளுகிறார்.
நடிகர்கள்
தொகு- சுஹாசினி - நந்தினி
- சிறீதர் - சூர்யா
- சந்திரகாந்த்
- ரமேஷ் அரவிந்த் - இரமேஷ் (இளங்கோ)
- விவேக் - விவேக்[2]
- எஸ். பி. பாலசுப்பிரமணியம் - மருத்துவர் அர்த்தநாரி
- இரவிகாந்த் - மருத்துவனைக் காவலர்
- லலிதா குமாரி - வாசு
- யமுனா - ஞானசுந்தரி நந்தினியின் தங்கை
- கே. எஸ். ஜெயலட்சுமி - செவிலியர் ஜெயா
- சித்ரா
- கவிதாலயா கிருஷ்ணன் - கோதண்டம்
- வசந்த் - பத்திரிகையாளர் (விருந்தினர் தோற்றம்)
- சார்லி - நோயாளி (விருந்தினர் தோற்றம்)
இரசினிகாந்து, விசயகாந்து, சத்யராஜ் ஆகியோர் "வங்காளக் கடலே" என்ற பாடல் காட்சியில் நடித்திருந்தனர் .[3]
பாடல்கள்
தொகு| மனதில் உறுதி வேண்டும் | |
|---|---|
| பாடல்கள்
| |
| வெளியீடு | 1987 |
| மொழி | தமிழ் |
இத்திரைப்படத்திற்கு இளையராஜா இசையமைத்திருந்தார். அனைத்துப் பாடல்களையும் கவிஞர் வாலி இயற்றினார்.
| # | பாடல் | பாடகர்(கள்) | நீளம் | |
|---|---|---|---|---|
| 1. | "மனதில் உறுதி வேண்டும்" | கே. ஜே. யேசுதாஸ் | 4:19 | |
| 2. | "கண்ணின் மணியே" | கே. எஸ். சித்ரா | 4:49 | |
| 3. | "கண்ணா வருவாயா" | கே. ஜே. யேசுதாஸ், கே. எஸ். சித்ரா | 5:33 | |
| 4. | "ஆச்சி ஆச்சி" | மனோ, கே. எஸ். சித்ரா | 3:06 | |
| 5. | "சங்கத்தமிழ் கவியே" | கே. ஜே. யேசுதாஸ், கே. எஸ். சித்ரா | 4:31 | |
| 6. | "வங்காள கடலே" | கே. ஜே. யேசுதாஸ் | 2:52 |
மேற்கோள்கள்
தொகு- ↑ "மகளிர் தினம் ஸ்பெஷல்: பெண்மையைப் போற்றும் படங்கள் ஒரு பார்வை!". zeenews.india. Retrieved 18 November 2019.
- ↑ Menon, Vishal (17 April 2021). "Actor Vivekh, Best Friend To Millions, Passes Away". அனுபமா சோப்ரா. Archived from the original on 17 April 2021. Retrieved 17 April 2021.
- ↑ "தீபாவளி ரிலீஸ்!" [Diwali release!]. குங்குமம். 25 October 2019. Archived from the original on 12 July 2021. Retrieved 20 October 2021.