மல்லப்பாடி

மல்லப்பாடி அல்லது மல்லபாடி (Mallapadi) என்பது இந்தியாவின், தமிழ்நாடு மாநிலம், கிருட்டிணகிரி மாவட்டம், பர்கூர் வட்டத்துக்கு உட்பட்ட ஒரு வருவாய் கிராமம் ஆகும். இது மல்லபாடி ஊராட்சிக்கு உட்பட்டது.

மல்லப்பாடி
வருவாய் கிராமம்
நாடு	இந்தியா
மாநிலம்	தமிழ்நாடு
மாவட்டம்	கிருட்டிணகிரி
மக்கள்தொகை  (2011)
• மொத்தம்	7,707
மொழிகள்
• அதிகாரப்பூர்வமாக	தமிழ்
நேர வலயம்	ஒசநே+5:30 (இசீநே)
அஞ்சல் குறியீட்டு எண்	635104

பெயர் வரலாறு

மல்லபாடியில் உள்ள சிவன் கோயிலின் குமுதப்பட்டையில் ஒரு கல்வெட்டு உள்ளது. அது போசள மன்னன் இராமநாதன் காலக் கல்வெட்டாகும். இந்தக் கல்வெட்டில் இந்த ஊர் மலைப்பாடி என்று குறிப்பிடபட்டுள்ளது. மலைப்பாடி என்ற ஊர் பிற்காலத்தில் மல்லப்பாடி என திரிந்துள்ளது.

அமைவிடம்

இந்த ஊரானது மாவட்டத்தின் தலைநகரான கிருஷ்ணகிரியில் இருந்து 19 கிலோமீட்டர் தொலைவிலும், வட்டத் தலைநகரான பர்கூரில் இருந்து 5 கிலோமீட்டர் தொலைவிலும், மாநிலத் தலைநகரான சென்னையில் இருந்து 247 கிலோமீட்டர் தொலைவிலும் உள்ளது.

மக்கள் வகைப்பாடு

2011 ஆண்டு மக்கள் கணக்கெடுப்பின்படி இக்கிராமத்தில் 1840 வீடுகள் உள்ளன. கிராமத்தின் மொத்த மக்கள் தொகையானது 7707 ஆகும். இதில் ஆண்கள் எண்ணிக்கை 3902, பெண்களின் எண்ணிக்கை 3805 என உள்ளது. மக்களின் கல்வியறிவு விகிதமானது 66.0 % என உள்ளது.இது தமிழ்நாட்டின் சராசரி எழுத்தறிவு விகிதமான 80.09 % ஐ விடக்குறைவு ஆகும்.

மல்லப்பாடி தமிழ்நாட்டு வரலாற்றில் சிறப்பான இடம் பெற்ற பகுதியாகும். தமிழாநாட்டிலேயே முதன்முதலாக வரலாற்று காலத்துக்கு முந்தைய ஒவியங்கள் முதன்முதலில் இங்குதான் கண்டறியப்பட்டன. அவை மல்லப்பாடி பாறை ஓவியங்கள் என அழைக்கப்படுகின்றன.

ஊரில் உள்ள கோயில்கள்

• மல்லப்பாடி சஞ்சிவராயசுவாமி கோயில்