மெகாலோசாரஸ்
மெகாலோசாரஸ் என்னும் ஊர்வன வகையைச் சேர்ந்த தொன்மா 16 கோடி ஆண்டுகளுக்கு முன்பு வாழ்ந்ததாக கருதப்படுகிறது.
இந்த மிருகத்தின் எலும்புக்கூடு தொகுதிகள் பல இடங்களில் கண்டெடுக்கப்பட்டு இங்கிலாந்து நாட்டின் காட்சி சாலையிலும், ஆகஸ்போர்டு பல்கலைகழக காட்சி சாலையிலும் வைக்கப்பட்டுள்ளது.
ஊர்வன இனத்தில் நீளமானது என்ற பெயரைக் குறிக்க "மெகாலோசாரஸ்” என்று அழைக்கப்படுகிறது. இந்த மிருகம் சுமார் 30 அடி நீளமும், உயரம் சுமார் 12 அடி.
மிக வலிமையான இரண்டு கால்களின் உதவியால் இதன் கணத்த உடல் தாங்கப்பட்டு இருந்திருக்கிறது. முன் இரண்டு கால்கள் மிகச் சிறியதாக இருந்தது, அதனால் அதற்கு எந்தப் பயனும் இருந்திருக்காது என்று கருதுகின்றனர்.
மற்ற மிருகங்கள் போல் தலை நிமிர்ந்து நிற்காமல் ஒரு படுக்கை வசத்திலேயே வலிமையான இரண்டு கால்களால் தாங்கப்பட்டு, தலைப் பகுதியும் உடல் பகுதியும் சமமாக இருக்க இதன் உடலின் பின் பகுதியான வால் திண்மையான நீண்டு இருந்திருக்கிறது.
குனிந்த நிலையிலேயே இரண்டு கால்களின் உதவியால், ஓடவோ நடக்கவோ செய்திருக்க வேண்டும் என்று தொல்லுயிர் அறிஞர்கள் கண்டு பிடித்துள்ளனர். இதன் பொரிய தலையும் கூர்மையான பற்களும் இது ஒரு மாமிசம் உண்ணும் விலங்காக வாழ்ந்திருக்கிறது என்று தெரிகிறது.