மேகமலை பாறைப்பல்லி

மேகமலை பாறைப்பல்லி
உயிரியல் வகைப்பாடு
உலகம்:	மெய்க்கருவுயிரி
திணை:	விலங்கு
தொகுதி:	முதுகெழும்புள்ளவை
துணைத்தொகுதி:	முதுகெலும்பி
வகுப்பு:	ஊர்வன
வரிசை:	செதிலுடைய ஊர்வன
துணைவரிசை:	ஜிகோட்டா
குடும்பம்:	ஜிகோனிடே
பேரினம்:	கெமிடாக்டைலசு
இனம்:	கெ. வனம்
இருசொற் பெயரீடு
கெமிடாக்டைலசு வனம் சைத்தன்யா, லாஜ்மி & கிரி, 2018

மேகமலை பாறைப்பல்லி (கெமிடாக்டைலசு வனம்) என்பது தரைப்பல்லி சிற்றினம் ஆகும். இது இந்தியாவில் தமிழ்நாட்டில் மேகமலையில் மட்டுமே காணப்படும் அகணிய உயிரி. இது பெரிய அளவிலான கெமிடாக்டைலசு சிற்றினமாகும். இது அதிகபட்சமாக 112.2 மி.மீ. வரை வளரக்கூடியது.

வாழ்விடம்:

மேகமலைப் பாறைப்பல்லி பாறைகளைச் சுற்றியுள்ள மரங்களின் உயரமான கிளைகளில் எப்போதாவது காணப்படும். பகலில் பாறை பிளவுகளில் வாழும். இது தேனி மாவட்டம் மேகமலை வனப்பகுதிகளில் காணப்படுகிறது. வனப்பகுதிகளில் காணப்படுவதால், வனம் எனும் சிற்றினப் பெயரினைப் பெற்றது.