ரெகானா பாத்திமா

ரெகானா பாத்திமா (Rehana Fathima) சூர்யா காயத்ரி என்றும் அழைக்கப்படும் இவர் கேரளாவைச் சேர்ந்த ஓர் இந்தியப் பெண்கள் உரிமைகள் ஆர்வலர் ஆவார்.

ஆரம்பகால வாழ்க்கை மற்றும் கல்வி

ரெகானா பாத்திமா பயரிஜன் சுலைமான் ஒரு பழமைவாத முஸ்லீம் குடும்பத்தில் பிறந்தார். இவர் 12 ஆம் வகுப்பு படிக்கும் போது இவருடைய தந்தை பயரிஜன் சுலைமான் இறந்தார். இவருக்கு ஒரு சகோதரி இருக்கிறார்.

பாத்திமா இந்திரா காந்தி தேசிய திறந்தநிலைப் பல்கலைக்கழகத்தில் முதல் தரத்துடன் இளங்கலை வணிகம் மற்றும் எம்சிஏ பட்டங்களைப் பெற்றார்..

தொழில் வாழ்க்கை

பாத்திமா பிஎஸ்என்எல் உடன் ஒரு தொலைத்தொடர்பு தொழில்நுட்பவியலாளராக மே 2020 வரை பணி செய்தார். பின்னர் கட்டாய ஓய்வு பெற வேண்டிய நிலைமை ஏற்பட்டது.

பாத்திமா ஒரு பெண் உரிமை ஆர்வலராக மாறுவதற்கு முன்பு வடிவழகியாக இருந்தார். ரெகானா, இவரது கணவர் மனோஜ் கே ஸ்ரீதர் எழுதி இயக்கிய, 'ஈகா' என்ற ஒரு மலையாள திரைப்படத்தில் நடித்துள்ளார் . இவரது கனவர் புனே திரைப்படக் கல்லூரியில் பட்டம் பெற்ற ஒரு கவிஞர் மற்றும் பட்டதாரி ஆவார். இந்தத் திரைப்படம். ஊடுபாலின நபர்களின் வாழ்க்கையைப் பற்றியதாகும். தி க்விண்ட்டின் படி, "ஏகாவின் சுவரொட்டிகள்: 'நான் ஊடுபாலினன் எனக்கு பிறப்பால் ஆண்குறி மற்றும் பெண் பிறப்புறுப்பு உள்ளது. நான் வாழ விரும்புகிறேன்" எனும் குறிச்சொல்லைக் கொண்டுள்ளன.

சமூக செயற்பாடு

ஃபாத்திமா, உடல் கலையுடன்(கேரளா; 2016)

கிஸ் ஆஃப் லவ் எதிர்ப்பு

பாத்திமா மற்றும் இவரது கூட்டாளி திரைப்படத் தயாரிப்பாளர் மனோஜ் கே ஸ்ரீதர் ஆகியோர் 2014 ஆம் ஆண்டு கொச்சியில் நடந்த அறநெறி காவலுக்கு எதிரான முத்தப் போராட்டத்தில் பங்கேற்றனர்.

ஓணம் புலி முகமூடி நடனம்

பாத்திமா புலி காளியில் கலந்து கொள்கிறார் (வருடாந்திர ஓணம் புலி முகமூடி நடனம்), திருச்சூரில் ஒரு பிரபலமான நிகழ்வு, இது பொதுவாக அனைத்து ஆண் குழுக்களும் இதற்கு வருகை தருவர்.

பாலியல் எதிர்ப்பு

மார்ச் 2018 இல், ஃபாத்திமா ஒரு ஆர்ப்பாட்டத்தில் கலந்து கொண்டார் "கடையில் வைக்கப்பட்டுள்ள தர்பூசணிப் பழங்களைப் போல் சிலர் மார்பகங்களை மறைப்பதில்லை என்று கூறிய பேராசிரியருக்கு எதிர்ப்புத் தெரிவிக்கும் வகையில் தனது மார்ப்பகங்களை தர்பூசணி வைத்து மறைத்தது போன்ற புகைப்படங்களை வெளியிட்டார். குவிண்ட்டின் கூற்றுப்படி இந்தப் புகைப்படம் நேர்மறையான மற்றும் எதிர்மறையான கருத்துக்களைப் பெற்றது.

சபரிமலை கோவில்

பல நூற்றாண்டுகளாக, கேரளாவில் உள்ள சபரிமலை கோவிலில் வழிபட தடை விதிக்கப்பட்டுள்ளது. சில பக்தர்கள் குடியிருக்கும் தெய்வம் பிரம்மச்சரியத்தை கடைப்பிடிப்பதாகவும், குழந்தைகளை சுமக்கக்கூடிய பெண்கள் இவரை இவரது சபதத்திலிருந்து விலக்கலாம் என்றும் நம்புகின்றனர். ஒரு என்டிடிவி கட்டுரையின் படி, சிலர் மாதவிடாய் பெண்கள் "தூய்மையற்றவர்கள்" என்ற நீண்டகால கலாச்சார நம்பிக்கையில் பெண்களின் நுழைவு மறுப்பு வேரூன்றியதாக உணர்கிறார்கள். செப்டம்பர் 2018 இல், 20 வருட சட்டப் போராட்டத்திற்குப் பிறகு, இந்திய உச்ச நீதிமன்றம் தடையை நீக்கியது. குவிண்டின் கூற்றுப்படி "பெண்கள் ஆண்களை விட எந்த விதத்திலும் தாழ்ந்தவர்கள் இல்லை, தந்தை மரபாட்சியினை மத நம்பிக்கையின் அடிப்படையில் கூறுவதனை ஏற்க முடியாது" என்று நீதிபதி சிஜெஐ மிசுரா கூறினார்.

ஸ்க்ரோல்.இன் படி, அக்டோபர் 2018 இல், கேரளாவில் சபரிமலை கோவிலுக்குள் நுழைய அனைத்து வயது பெண்களையும் அனுமதிக்க உச்சநீதிமன்றம் அனுமதித்த பிறகு மாதவிடாய் வயதில் இரண்டு பெண்கள் நுழைந்ததாகவும் அதில் பாத்திமாவும் ஒருவர் எனத் தெரிவிக்கப்பட்டது.