வக்கார் சலாம்கெய்ல்
வக்கார் சலாம்கெய்ல் (பிறப்பு 2 அக்டோபர் 2001) ஒரு ஆப்கான் துடுப்பாட்ட வீரர் . இவர் மார்ச் 2019 இல் ஆப்கானிஸ்தான் துடுப்பாட்ட அணிக்காக தனது தேர்வுத் துடுப்பாட்டப் போட்டியில் இவர் அறிமுகமானார்.[1] இவர் ஆப்கன் துடுப்பாட்ட அணிக்காக தேர்வுத் துடுப்பாட்டம், ஒருநாள் பன்னாட்டுத் துடுப்பாட்டம் மற்றும் பன்னாட்டு இருபது20 ஆகிய போட்டிகளில் விளையாடி வருகிறார், மேலும் இவர் பட்டியல் அ துடுப்பாட்டம், முதல் தரத் துடுப்பாட்டம் மற்றும் இருபது20 ஆகிய உள்ளூர்ப் போட்டிகளிலும் விளையாடி வருகிறார். இ
உள்நாட்டு மற்றும் டி 20 தொழில்
தொகுநவம்பர் 19, 2017 அன்று 2017–18 ஆண்டிற்கான அஹ்மத் ஷா அப்தாலி 4 நாள் போட்டியில் பேண்ட்-இ-அமீர் பிராந்தியத்திற்காக முதல் தரத் துடுப்பாட்டப் போட்டிகளில் இவர் அறிமுகமானார், இரண்டாவது ஆட்டப் பகுதியில் 162 ஓட்டங்களை விட்டுக் கொடுத்து ஐந்து இலக்குகளைக் கைப்பற்றினார்.[2] மொத்தம் 55 இலக்குகளை அந்தத் தொடரில் இவர் கைப்பற்றினார். இதன்மூலம் அதிக இலக்குகளைக் கைப்பற்றிய வீரர்கள் வரிசையில் இவர் முதலிடம் பெற்றார்.[3]
செப்டம்பர் 2018 இல், ஆப்கானிஸ்தான் பிரீமியர் லீக் போட்டியின் முதல் பதிப்பில் காந்தஹார் அணி சார்பாக இவர் விளையாடினார்.[4] 6 அக்டோபர் 2018 அன்று 2018–19 ஆப்கானிஸ்தான் பிரீமியர் லீக்கில் காந்தஹார் நைட்ஸ் அணிக்காக இருபது20 போட்டியில் இவர் அறிமுகமானார்.[5] 2018–19 பங்களாதேஷ் பிரீமியர் லீக்கிற்கான வரைவு பட்டியலில் இடம் பெற்றதனைத் தொடர்ந்து, அக்டோபர் 2018 இல், இவர் கொமிலா விக்டோரியன் அணியில் இடம் பெற்றார்.[6]
ஜூலை 2019 இல், யூரோ டி 20 ஸ்லாம் துடுப்பாட்டப் போட்டியில் போட்டியின் தொடக்க பதிப்பில் எடின்பர்க் ராக்ஸிற்காக விளையாட தேர்வு செய்யப்பட்டார்.[7][8] இருப்பினும், அடுத்த மாதம் அந்தப் போட்டி ரத்து செய்யப்பட்டது.[9] செப்டம்பர் 2019 இல், 2019 மென்சி சூப்பர் லீக் போட்டிக்கான டிஷ்வானே ஸ்பார்டன்ஸ் அணியில் இவர் இடம் பெற்றார்.[10]
செப்டம்பர் 10, 2019 அன்று நடந்த 2019 காசி அமானுல்லா கான் பிராந்திய ஒருநாள் போட்டியில் பேண்ட்-இ-அமீர் பிராந்தியத்திற்காக இவர் பட்டியல் அ துடுப்பாட்டப் போட்டிகளில் இவர் அறிமுகமானார்.[11]
சர்வதேச வாழ்க்கை
தொகுபிப்ரவரி 2019 இல், இந்தியாவில் அயர்லாந்துக்கு எதிரான ஒருநாள் போட்டியில் ஆப்கானிஸ்தானின் தேர்வுத் துடுப்பாட்ட அணியில் இவர் இடம் பெற்றார்.[12][13] இவர் மார்ச் 15, 2019 அன்று அயர்லாந்திற்கு எதிராக ஆப்கானிஸ்தானுக்காக தேர்வுத் துடுப்பாட்டப் போட்டியில் இவர் அறிமுகமானார்.[14] அயர்லாந்துத் துடுப்பாட்ட அணிக்கு எதிரான தேர்வுத் துடுப்பாட்டத்தின் முதல் ஆட்டப் பகுதியில் 14 ஓவர்கள் வீசி 35 ஓட்டங்கள் கொடுத்தார். இதில் நான்கு ஓவர்களை மெய்டனாக வீசி 2 இலக்குகளைக் கைப்பற்றினார்.17 ஓவர்கள் 66 ஓட்டங்களை விட்டுக் கொடுத்தார்.இதில் 2 ஓவர்களை மெய்டனாக வீசி 2 இலக்குகளைக் கைப்பற்றினார். இந்தப் போட்டியில் அப்கானித்தான் அணி 7 இலக்குகளில் வெற்றி பெற்றது.[15]
2019 ஆம் ஆண்டில் ஐசிசி துடுப்பாட்ட உலகக் கோப்பை போட்டித் தொடரில் இவர் விளையாடினார். சூன் 29, லீட்ஸ் துடுப்பாட்ட மைதானத்தில் பாக்கித்தான் துடுப்பாட்ட அணிக்கு எதிரான பட்டியல் அ போட்டியில் இவர் விளையாடினார். அந்தப் போட்டியில் இவர் பந்துவீச வாய்ப்பு கிடைக்கவில்லை. பின் மட்டையாட்டத்தில் தான் சந்தித்த முதல் பந்தில் ஓட்டங்கள் எதுவும் எடுக்காமல் சகீன் ஷா அப்ரிதி பந்துவீச்சில் இவர் ஆட்டமிழந்தார். இந்தப் போட்டியில் பக்கித்தான் துடுப்பாட்ட அணி 3 இலக்குகளில் வெற்றி பெற்றது.
குறிப்புகள்
தொகு- ↑ "Waqar Salamkheil". ESPN Cricinfo. பார்க்கப்பட்ட நாள் 19 November 2017.
- ↑ "11th Match, Alokozay Ahmad Shah Abdali 4-day Tournament at Khost, Nov 19-22 2017". ESPN Cricinfo. பார்க்கப்பட்ட நாள் 19 November 2017.
- ↑ "2017–18 Ahmad Shah Abdali 4-day Tournament: Most Wickets". ESPN Cricinfo. பார்க்கப்பட்ட நாள் 23 December 2017.
- ↑ "Gayle, Afridi, Russell: icons in Afghanistan Premier League". ESPN Cricinfo. பார்க்கப்பட்ட நாள் 11 September 2018.
- ↑ "2nd Match (D/N), Afghanistan Premier League at Sharjah, Oct 6 2018". ESPN Cricinfo. பார்க்கப்பட்ட நாள் 6 October 2018.
- ↑ "Full players list of the teams following Players Draft of BPL T20 2018-19". Bangladesh Cricket Board. Archived from the original on 28 மார்ச் 2019. பார்க்கப்பட்ட நாள் 29 October 2018.
{{cite web}}: Check date values in:|archive-date=(help) - ↑ "Eoin Morgan to represent Dublin franchise in inaugural Euro T20 Slam". ESPN Cricinfo. பார்க்கப்பட்ட நாள் 19 July 2019.
- ↑ "Euro T20 Slam Player Draft completed". Cricket Europe. Archived from the original on 19 ஜூலை 2019. பார்க்கப்பட்ட நாள் 19 July 2019.
{{cite web}}: Check date values in:|archive-date=(help) - ↑ "Inaugural Euro T20 Slam cancelled at two weeks' notice". ESPN Cricinfo. பார்க்கப்பட்ட நாள் 14 August 2019.
- ↑ "MSL 2.0 announces its T20 squads". Cricket South Africa. Archived from the original on 4 செப்டம்பர் 2019. பார்க்கப்பட்ட நாள் 4 September 2019.
{{cite web}}: Check date values in:|archive-date=(help) - ↑ "Ghazi Amanullah Khan Regional One Day Tournament at Amanullah, Sep 10 2019". ESPN Cricinfo. பார்க்கப்பட்ட நாள் 10 September 2019.
- ↑ "Mujeeb left out for Ireland Test, Shahzad out of T20Is". ESPN Cricinfo. பார்க்கப்பட்ட நாள் 7 February 2019.
- ↑ "No Mujeeb in Tests as Afghanistan announce squads for Ireland series". International Cricket Council. பார்க்கப்பட்ட நாள் 7 February 2019.
- ↑ "Only Test, Ireland tour of India at Dehra Dun, Mar 15-19 2019". ESPN Cricinfo. பார்க்கப்பட்ட நாள் 15 March 2019.
- ↑ "Full Scorecard of Afghanistan vs Ireland Only Test 2019 - Score Report | ESPNcricinfo.com". ESPNcricinfo (in ஆங்கிலம்). பார்க்கப்பட்ட நாள் 2019-11-18.