வட இந்தியப் பெருங்கடல் வெப்பமண்டல சூறாவளி
பூமத்திய ரேகைக்கு வடக்கே இந்தியப் பெருங்கடலில், வெப்பமண்டல சூறாவளிகள் இந்தியாவின் இருபுறமும் ஆண்டு முழுவதும் உருவாகக்கூடும், இருப்பினும் பெரும்பாலும் ஏப்ரல் மற்றும் ஜூன் மாதங்களுக்கு இடையிலும், அக்டோபர் மற்றும் டிசம்பர் மாதங்களுக்கு இடையிலும். கிழக்குப் பக்கத்தில் வங்காள விரிகுடா பகுதியிலும் மேற்குப் பகுதியில் அரேபியக் கடல் பகுதியிலும் இவை உருவாகின்றன.
துணைப் படுகைகள் தொகு
இந்தியப் பெருங்கடலின் வடகிழக்கில் அமைந்துள்ள வங்காள விரிகுடா, உலகின் வலிமையான மற்றும் ஆபத்தான வெப்பமண்டல சூறாவளிகளில் சிலவற்றை உருவாக்குவதற்கு காரணமாகும். இந்தப் படுகையை சுருக்கமாக பிஓபி (BOB) என இந்தப் படுகைக்கான அதிகாரப்பூர்வ மண்டல சிறப்பு வானிலை மையமான இந்திய வானிலை ஆய்வு மையம் (IMD) கூறுகிறது. இந்தியா, வங்காளதேசம், மியான்மர், இலங்கை மற்றும் தாய்லாந்தின் மேற்கு பகுதி ஆகிய நாடுகளில் வங்காள விரிகுடா கடற்கரையானது பகிரப்பட்டுள்ளது. வளைகுடாவில் மிகவும் தீவிரமான சூறாவளி 1999 ஒடிசா சூறாவளி ஆகும் . வளைகுடாவில் மிக மோசமான சூறாவளி 1970 போலா சூறாவளியும் மற்றும் மிகுந்த சேதத்தை ஏற்படுத்தியது ஆம்பன் சூறாவளியும் ஆகும்.
அரபிக் கடல் என்பது இந்தியப் பெருங்கடலின் வடமேற்கில் அமைந்துள்ள ஒரு கடல் ஆகும். இப்படுகையில் உள்ள வெப்பமண்டல சூறாவளிகள் ஏஆர்பி (ARB) என சுருக்கமாக இந்தப் படுகைக்கான அதிகாரப்பூர்வ மண்டல சிறப்பு வானிலை மையமான இந்திய வானிலை ஆய்வு மையத்தால் (IMD) அழைக்கப்படுகின்றன. அரபிக் கடலின் கடற்கரை இந்தியா, ஏமன், ஓமான், ஐக்கிய அரபு அமீரகம், ஈரான், பாகிஸ்தான், இலங்கை, மாலத்தீவு, சோமாலியா, இலங்கை யெமன் நாடுகளால் பகிர்ந்து கொள்ளப்படுகிறது.[1] பருவ மழைக்காலங்கள் அரேபியக் கடலின் தனிச்சிறப்பியல்பான ஆண்டுதோறும் ஏற்படும் நீர் சுழற்சிக்கான பொறுப்பாகும். கோடையில், தென்மேற்கில் இருந்து வடகிழக்கு நோக்கி பலத்த காற்று வீசுகிறது, இது இந்திய துணைக் கண்டத்திற்கு மழையை உருவாக்கும்.குளிர்காலத்தில், காற்று இலேசாகி எதிர் திசையில், வடகிழக்கு முதல் தென்மேற்கு வரை வீசும். அரபிக் கடலில் சூறாவளிகள் அரிதானவை, ஆனால், இப்படுகை வலுவான வெப்பமண்டல சூறாவளிகளை உருவாக்க முடியும். கோனு சூறாவளி இப்படுகையின் மிக வலுவான வெப்பமண்டல சூறாவளி ஆகும். [2] [3] [4] இருப்பினும், அரேபிய தீபகற்பத்தின் பாலைவனத்திலிருந்து வரும் வறண்ட காற்று மற்றும் பருவமழையிலிருந்து சாதகமற்ற காற்று வெட்டு காரணமாக புயல்கள் பொதுவாக அரேபிய கடலில் அதிக தீவிரத்தை எட்டாது. [5]
படுகையின் வரலாறு தொகு
வங்காள விரிகுடா மற்றும் அரேபிய கடலில் வெப்பமண்டல அமைப்புகளின் முறையான அறிவியல் ஆய்வுகள் 19 ஆம் நூற்றாண்டில் ஹென்றி பிடிங்டனால் தொடங்கப்பட்டது. 1839 மற்றும் 1858 க்கு இடையில் வங்காள ஆசிய சங்கத்தின் பருவ இதழில், பிடிங்டன் கடல்களின் வழிசெலுத்தல் மற்றும் தொடர்ச்சியான நினைவுக் குறிப்புகளை வெளியிட்டது. இந்த நினைவுக் குறிப்புகள் வங்காள விரிகுடா மற்றும் அரேபிய கடலில் தனிப்பட்ட புயல்களின் கணக்குகளையும் தடங்களையும் கொடுத்தன.
2004 ஆம் ஆண்டின் பருவமழைக்குப் பிறகு, இந்திய வானிலை ஆய்வு மையம் இப்படுகைக்குள் வெப்பமண்டல சூறாவளிகளுக்கு பெயரிடத் தொடங்கியது, செப்டம்பர் 2004 இல் ஓனில் சூறாவளி என்று பெயரிடப்பட்டது. 2015 ஆம் ஆண்டில், தீவிரத்தன்மை அளவில் ஒரு மாற்றத்தை நிர்ணயித்தன. ஐஎம்டி மற்றும் டபிள்யூஎம்ஓ 3 நிமிட அதிகபட்ச நீடித்த காற்றின் வேகம் 90 க்னாட்ஸ் (165 கிமீ/மணி அல்லது 105 மைல்/மணி) மற்றும் 120 க்னாட்ஸ் (220 கிமீ/மணி அல்லது 140 மைல்/மணி) என்ற அளவில் இருந்தால் அது மிகவும் கடுமையான சூறாவளி புயல் என வரையறுத்தது..
அரேபிய கடலில் நீர் வெப்பநிலை பொதுவாக வெப்பமண்டல சைக்ளோஜெனீசிஸ் ஆண்டு முழுவதும் அனுமதிக்க போதுமான வெப்பமாக இருக்கும், இருப்பினும் பருவமழை தொட்டியில் இருந்து வலுவான காற்று வீச்சு கோடை மாதங்களில் புயல் உருவாவதைத் தடுக்கிறது மற்றும் ஆண்டின் பிற நேரங்களின் தீவிரத்தை கட்டுப்படுத்துகிறது. 1930 களில் இருந்து காற்று மாசுபாட்டின் அதிகரிப்பு காரணமாக காற்று வெட்டு குறைந்து, 1979 முதல் புயல்கள் வலுவடைய அனுமதித்தது. [6]
மேற்கோள்கள் தொகு
- ↑ http://www.mahalo.com/arabian-sea
- ↑ http://pakistanweatherportal.com/2011/04/10/history-of-cyclones-in-the-arabian-sea/
- ↑ http://pakistanweatherportal.com/2011/05/14/super-cyclones-future-of-arabian-sea/
- ↑ http://www.pakweather.com/2013/05/tropics-that-affected-pakistani-coasts.html
- ↑ Jon Erdman (October 30, 2014). "Cyclone Nilofar Recap". Weather Underground. Archived from the original on ஏப்ரல் 11, 2016. பார்க்கப்பட்ட நாள் March 28, 2016.
{{cite web}}: Check date values in:|archive-date=(help) - ↑ Amato T. Evan; James P. Kossin; Chul ‘Eddy’ Chung; V. Ramanathan (2011). "Arabian Sea tropical cyclones intensified by emissions of black carbon and other aerosols". Nature 479 (7371): 94–7. doi:10.1038/nature10552. பப்மெட்:22051678. Bibcode: 2011Natur.479...94E.