வனேடியோகார்ப்போலைட்டு

வனேடியோகார்ப்போலைட்டு (Vanadiocarpholite)Mn⁺²V⁺³AlSi₂O₆(OH)₄ என்ற மூலக்கூற்று வாய்ப்பாட்டால் விவரிக்கப்படும் வனேடியத்தின் சிலிக்கேட்டு வகைக் கனிமமாகும். வைக்கோல் மஞ்சள் நிறத்தில் நேர்சாய்சதுர படிகவடிவில் இது படிகமாகிறது. வனேடியம் மிகுந்திருக்கும் கார்ப்போலைட்டு வகை கனிமமாக (Mn⁺²Al₂Si₂O₆(OH)₄) இருப்பதால் இதை வனேடியோகார்ப்போலைட்டு என்ற பெயரால் அழைக்கிறார்கள்.

வனேடியோகார்ப்போலைட்டு Vanadiocarpholite
பொதுவானாவை
வகை	சிலிக்கேட்டு கனிமம்
வேதி வாய்பாடு	Mn+2V+3AlSi2O6(OH)4
இனங்காணல்
நிறம்	வெளிர்-வைக்கோல் மஞ்சள், மஞ்சளும் பழுப்பும்
படிக இயல்பு	ஊசிவடிவ படிகக் கொத்துகள் விரிசலிழை நிரப்பிகளாக
படிக அமைப்பு	நேர்சாய்சதுரம்
பிளப்பு	{010} இல் தெளிவாக
விகுவுத் தன்மை	நெகிழும்
மிளிர்வு	பட்டுப் போல் பளபளப்பு
ஒளிஊடுருவும் தன்மை	ஒளிபுகும்
ஒளியியல் பண்புகள்	ஈரச்சு (+)
ஒளிவிலகல் எண்	nα=1.684, nβ=1.691, nγ=1.7
இரட்டை ஒளிவிலகல்	0.0160
மேற்கோள்கள்

பன்னாட்டு கனிமவியல் சங்கம் வனேடியோகார்ப்போலைட்டு கனிமத்தை Vcar என்ற குறியீட்டால் அடையாளப்படுத்துகிறது.

தோற்றம்

முதன் முதலில். இத்தாலி நாட்டின் வடமேற்கு பகுதியில் உள்ள இலிகுரியா மண்டலத்தின் கெனோவா மாகாணத்தில் 2005 ஆம் ஆண்டு வனேடியோகார்ப்போலைட்டு கண்டறியப்பட்டது. இங்குள்ள கிராவெக்லியா பள்ளத்தாக்கில் அமைந்துள்ள மோலினெல்லோ சுரங்கத்தில் இக்கனிமம் வெட்டியெடுக்கப்படுகிறது. மாங்கனீசு தாதுப் படிவுகளில் செர்ட்டு வகை படிவுப் பாறை புதைபடிவச் சேர்மமாக வனேடியோகார்ப்போலைட்டு கிடைக்கிறது.

வேதி இயைபு

வனேடியோகார்போலைட்டில் பின்வருமாறு தனிமங்கள் சேர்ந்துள்ளன:

மாங்கனீசு	15.56%	Mn	20.09%	MnO
அலுமினியம்	7.64%	Al	14.44%	Al2O3
வனேடியம்	14.43%	V	21.23%	V2O3
சிலிக்கான்	15.91%	Si	34.04%	SiO2
ஐதரசன்	1.14%	H	10.21%	H2O
ஆக்சிசன்	45.32%	O