வாசுகி கணேசானந்தன்
வாசுகி கணேசானந்தன் (V. V. "Sugi" Ganeshananthan, பிறப்பு: 1980) அமெரிக்க ஆங்கிலப் புதின எழுத்தாளரும், கட்டுரையாளரும், ஊடகவியலாளரும் ஆவார்.[1] இலங்கைத் தமிழ் வம்சாவளியைச் சேர்ந்தவர். இவரது ஆக்கங்கள் கிரந்தா, தி வாசிங்டன் போஸ்ட் உட்படப் பல முன்னணிப் பத்திரிகைகளிலும், ஊடகங்களிலும் வெளிவந்துள்ளன.
வி. வி. கணேசானந்தன் V. V. Ganeshananthan | |
|---|---|
| பிறப்பு | 1980 (அகவை 43–44) |
| தொழில் | எழுத்தாளர் |
| தேசியம் | அமெரிக்கர் |
| கல்வி | ஆர்வர்டு கல்லூரி (இளங்கலை) அயோவா பல்கலைக்கழகம் (முதுகலை) ஊடகவியலுக்கான கொலம்பியா பல்கலைக்கழகம் (முதுகலை) |
| குறிப்பிடத்தக்க படைப்புகள் | லவ் மேரேச் |
| இணையதளம் | |
| vasugi | |
இலங்கை, வட அமெரிக்காவைப் பின்னணியாகக் கொண்டு வாசுகி எழுதிய லவ் மேரேஜ் (காதல் கல்யாணம்) என்ற புதினம் ஏப்ரல் 2008-இல் வெளியிடப்பட்டது. இப்புதினம் 2008 ஆம் ஆண்டின் சிந்த புத்தகங்களில் ஒன்றாக தி வாசிங்டன் போஸ்ட் பெயரிட்டது. அத்துடன் ஆரஞ்சுப் பரிசுக்கான நீண்ட பட்டியலில் இடம்பெற்றது. "பார்ன்ஸ்-நோபல்" புதிய எழுத்தாளர்களின் பெரும் கண்டுபிடிப்பு" தேர்வாகவும் தேர்ந்தெடுக்கப்பட்டது.[2]
இவரது "பிரதர்லெஸ் நைட்" (சகோதரன் இல்லாத இரவு) என்ற இரண்டாவது புதினம், இலங்கை உள்நாட்டுப் போரின் தொடக்க ஆண்டுகளைக் கதைக்களமாக அமைக்கப்பட்டது. 2023 சனவரியில் பென்குயின் ரேண்டம் ஹவுசு நிறுவனத்தால் வெளியிடப்பட்டது. இது த நியூயார்க் டைம்ஸ் ஆசிரியரின் பரிந்துரைப் புத்தகமாகத் தேர்ந்தெடுக்கப்பட்டது.[3] இந்நூல் 2024 ஆம் ஆண்டு புனைவுகளுக்கான கரோல் சீல்ட்சு பரிசையும்,[4] 2024 ஆம் ஆண்டிற்கான புனைகதைக்கான பெண்கள் பரிசையும் பெற்றது.[5].[6]
வாழ்க்கைக் குறிப்பு
தொகுவாசுகி கேம்பிரிஜ், மாசசூசெட்ஸ், ஆர்வர்டு கல்லூரியில் 2002-ஆம் ஆண்டில் தனது பட்டப்படிப்பை முடித்து, அயோவா பல்கலைக்கழகத்தில் 2005-ஆம் முதுகலைப் பட்டத்தையும், பின்னர் கொலம்பியா பல்கலைக்கழகத்தில் ஊடகவியல் துறையில் 2007-ஆம் ஆண்டில் முதுகலைப் பட்டத்தையும் பெற்றார். மிச்சிகன் பல்கலைக்க்ழகத்தில் வருகைதரு பேராசிரியராகப் பணியாற்றினார்.[2] 2015 முதல், மின்னசொட்டா பல்கலைக்கழகத்தில் பேராசிரியராகப் பணியாற்றுகிறார்.[2]
தெற்காசியப் பத்திரிகையாளர் சங்கத்தின் துணைத் தலைவராகப் பணியாற்றிய வாசுகி, இப்போது ஆசிய அமெரிக்க எழுத்தாளர்கள் பட்டறை வாரியத்திலும், ஆர்வர்டு கிரிம்சன் பட்டதாரி வாரியத்திலும் பணியாற்றுகிறார்.
நூல்கள்
தொகு- லவ் மேரேஜ் (புதினம், 2008)[7][8]
- பிரதர்லெஸ் நைட் (புதினம், 2023)[9][10]
மேற்கோள்கள்
தொகு- ↑ Ranasinha, Ruvani (2016). Contemporary Diasporic South Asian Women's Fiction: Gender, Narration and Globalisation. Springer. p. 119. பன்னாட்டுத் தரப்புத்தக எண் 9781137403056.
- ↑ 2.0 2.1 2.2 "Biography". V.V. Ganeshananthan. பார்க்கப்பட்ட நாள் 2015-10-27.
- ↑ Penguin Random House. "Brotherless Night by V. V. Ganeshananthan". Penguin Random House. பார்க்கப்பட்ட நாள் 3 March 2023.
- ↑ Josh O'Kane, "American author V. V. Ganeshananthan wins $150,000 Shields Prize". The Globe and Mail, May 13, 2024.
- ↑ Creamer, Ella (2024-04-24). "Anne Enright, Kate Grenville and Isabella Hammad shortlisted for Women’s prize for fiction". தி கார்டியன். https://www.theguardian.com/books/2024/apr/24/womens-prize-for-fiction-shortlist-anne-enright-kate-grenville-isabella-hammad.
- ↑ "Announcing the 2024 Winners of the Women’s Prizes". The Women's Prize, June 13, 2024.
- ↑ Cicatrix (23 April 2008). "Q&A with V.V. Ganeshananthan, author of "Love Marriage"". Sepia Mutiny. பார்க்கப்பட்ட நாள் 12 May 2010.
- ↑ Ganeshananthan, V.V. (13 July 2008). "I Wrote a Story, Not the Whole Story". தி வாசிங்டன் போஸ்ட். https://www.washingtonpost.com/wp-dyn/content/article/2008/07/11/AR2008071102389.html.
- ↑ Fiction Non Fiction (5 January 2023). "Brotherless Night & Friends: V.V. Ganeshananthan with Curtis Sittenfeld and Whitney Terrell on Editing A Work in Progress". Lithub. பார்க்கப்பட்ட நாள் 2 March 2023.
- ↑ Penguin Random House. "Brotherless Night by V. V. Ganeshananthan". Penguin Random House. பார்க்கப்பட்ட நாள் 2 March 2023.