விஸ்வபாரதி பல்கலைக்கழகம்

விஸ்வ-பாரதி பல்கலைக்கழகம் (பெங்காலி: [biʃːɔbʱaroti]) என்பது இந்தியாவின் மேற்கு வங்காளத்தின் சாந்திநிகேதனில் அமைந்துள்ள ஒரு மத்திய பல்கலைக்கழகம் ஆகும் . இந்த பல்கலைக்கழகம் ரவீந்திரநாத் தாகூரால் நிறுவப்பட்டது. அவர் இதை விஸ்வ-பாரதி ( அதாவது இந்தியாவுடன் உலகின் ஒற்றுமை) என்று அழைத்தார். இந்திய சுதந்திரத்திற்குப் பிறகு, 1951 ஆம் ஆண்டில், இந்த நிறுவனத்திற்கு ஒரு பல்கலைக்கழகத்தின் அந்தஸ்து வழங்கப்பட்டு விஸ்வ-பாரதி பல்கலைக்கழகம் என்று பெயர் மாற்றப்பட்டது.

விஸ்வ-பாரதி பல்கலைக்கழகம்

குறிக்கோளுரை	யாத்திர விஸ்வம் பாவதியகனிதம்
ஆங்கிலத்தில் குறிக்கோளுரை	Where the world makes a home in a single nest
வகை	பொதுத்துறை
உருவாக்கம்	1921
வேந்தர்	இந்திய பிரதமர்
துணை வேந்தர்	பித்யுத் சக்ரவர்த்தி
மாணவர்கள்	65,000
அமைவிடம்	சாந்திநிகேதன் , மேற்கு வங்கம் , இந்தியா
சேர்ப்பு	யுஜிசி, என்ஏஏசி, ஏஐயூ
இணையதளம்	visvabharati.ac.in

இந்த பல்கலைக்கழகத்தின் வரலாறு 1863 ஆம் ஆண்டிலிருந்து உள்ளது. தேபேந்திரநாத் தாகூருக்கு ராய்ப்பூரின் ஜமீன்தாரால் ஒரு நிலம் வழங்கப்பட்டது. அந்த இடத்தில் தேபேந்திரநாத் தாகூர் ஒரு ஆசிரமத்தை அமைத்தார். அது இப்போது நகரத்தின் மையத்தில் சதிம் தலா என்று அழைக்கப்படுகிறது. இந்த ஆசிரமம் ஆரம்பத்தில் பிரம்மச்சாரிய ஆசிரமம் என்று அழைக்கப்பட்டது, பின்னர் இது பிரம்மச்சாரிய வித்யாலயா என மறுபெயரிடப்பட்டது. அனைத்து தரப்பு மக்களையும் அந்த இடத்திற்கு வந்து தியானிக்க ஊக்குவிக்கும் நோக்கில் இது நிறுவப்பட்டது. 1901 ஆம் ஆண்டில் அவரது இளைய மகன் ரவீந்திரநாத் தாகூர் ஆசிரமத்தின் வளாகத்திற்குள் ஒரு இணை கல்விப் பள்ளியை நிறுவினார். 1901 முதல், தாகூர் இந்து திருவிழாவை ஏற்பாடு செய்ய ஆசிரமத்தைப் பயன்படுத்தினார், இது விரைவில் தேசியவாத நடவடிக்கைகளின் மையமாக மாறியது. புர்பப்பள்ளியின் முழு சுற்றுப்புறமும் டால்டூரின் முன்னாள் ஜமீன்தார்களுக்கு சொந்தமானது.

ரவீந்திரநாத் தாகூர் திறந்தவெளி கல்வியை நம்பினார், மேலும் நான்கு சுவர்களுக்குள் செய்யப்படும் எந்தவொரு போதனையையும் உதவாது என்று ஒதுக்கி வைத்திருந்தார். சுவர்கள் மனதைக் கட்டுப்படுத்துகின்றன என்ற அவரது நம்பிக்கையின் காரணமாக இது நிகழ்ந்தது. இந்தியாவில் ஆங்கிலேயர்களால் அறிமுகப்படுத்தப்பட்ட மேற்கத்திய கல்வி முறை குறித்து தாகூருக்கு நல்ல கருத்து இல்லை; இந்த விஷயத்தில், தாகூர் மற்றும் காந்திஜியின் கருத்துடன் ஒத்துபோனது. தாகூர் ஒருமுறை, "நான் கற்பித்ததை நினைவில் கொள்ளவில்லை, நான் கற்றுக்கொண்டது மட்டுமே எனக்கு நினைவிருக்கிறது" என்று கூறினார். ஒவ்வொரு நபரும் மேதை என்றும், அனைத்து மாணவர்களும் ஒரே நேரத்தில் பூக்கக்கூடாது என்றும் தாகூரின் கல்வி கருத்து இருந்தது. எனவே அவர் விஸ்வ-பாரதியில் ஒரு புதிய கற்றல் முறையை வகுத்தார். மாணவர் மற்றும் அவரது ஆசிரியர் இருவரும் திருப்தி அடையும் வரை மாணவர்களை தங்கள் படிப்பைத் தொடர அனுமதித்தார்.

பல்கலைக்கழகத்தின் உயர் அதிகாரிகளில் பார்வையாளர் (பரிதர்ஷகா), அதிபர் (ஆச்சார்யா), மற்றும் துணைவேந்தர் (உபாச்சார்யா) ஆகியோர் அடங்குவர். இந்த பல்கலைக்கழகத்திற்கு பார்வையாளராக இந்தியாவின் ஜனாதிபதியும் வேந்தராக பிரதமரும் இருக்கிறார்கள். இந்த பல்கலைக்கழகத்தை ஆச்சார்யா தலைமையில் அதன் கர்மா சமிட்டி (நிர்வாக சபை) நடத்துகிறது. பல்கலைக்கழகத்தின் நிறுவனங்கள் மற்றும் துறைகள் சாந்திநிகேதன் மற்றும் ஸ்ரினிகேதன் என்ற இரண்டு ஊர்களிலும் அமைந்துள்ளன.

விஸ்வ-பாரதி பல்கலைக்கழகம் பள்ளிக்கல்வி, இளங்கலை, முதுகலை, பி.எச்.டி போன்ற பல்வேறு படிப்புகளை வழங்குகிறது. இந்த பல்கலைக்கழகமானது மையங்கள், துறைகள் மற்றும் பள்ளிகளாக பிரிக்கப்பட்டுள்ளது. அந்தந்த துறைகள் நிறுவனங்களில் சேர்க்கப்பட்டுள்ளன.