வேதாளக் கதைகள்
வேதாளக் கதைகள் (Vetala Panchavimshati, சமக்கிருதம்: वेतालपञ्चविंशति, IAST : vetālapañcaviṃśati,[1][2] "இருபத்தைந்து வேதாளக் கதைகள்"), என்பது இந்தியாவில் நீண்ட காலமாக சொல்லப்பட்டுவரும் இருபத்தைந்து மாயக்கதைகள் மற்றும் புனைவுகளின் தொகுப்பாகும். உலக அளவில், இது விக்ரம்-வேதாளா என்றும் அழைக்கப்படுகிறது. இத்தொகுப்பு முதன் முதலில் சமஸ்கிருதத்தில் எழுதப்பட்டுள்ளது.[3]
_Illustrated_by_Ernest_Griset_page048.png)
11 ஆம் நூற்றாண்டில் சோமதேவாவால் தொகுக்கப்பட்ட சமஸ்கிருதப் படைப்பான கதாசரிதசாகராவின் 12வது புத்தகமே (" பெருங்கடல் கதைகளின் நீரோடைகள் ")[4] இக்கதைகளின் மிகப் பழமையான பிரதியாகும். ஆனால் இதன் பிரதிகள் தற்போது கிடைக்கவில்லை. இக்கதைகளின் வரலாற்றின் படி உண்மையில் இருபத்தி நான்கு கதைகளை உள்ளடக்கியதாகும், இக்கதைகளை விவரிக்கும் கதையே இருபத்தி ஐந்தாவது கதையாக கருதப்படுகிறது. சமஸ்கிருதத்தில் சிவதாசா மற்றும் ஜம்பலாதத்தா ஆகியோரின் பதிப்புகள் மற்ற இரண்டு முக்கிய பதிப்புகளாகும்.
வேதாளக் கதைகள் இந்தியாவில் மிகவும் பிரபலமாக உள்ளது மேலும் பல இந்திய வட்டார மொழிகளில் இக்கதைகள் மொழிபெயர்க்கப்பட்டுள்ளன. [5] சமஸ்கிருத மூலக்கதைகளின் பதிப்புகளைப் பின்பற்றி இந்தி, தமிழ், வங்காளி, மராத்தி மொழிகளில் மொழிபெயர்ப்பும் அதன் அடிப்படையில் பல்வேறு ஆங்கில மொழிபெயர்ப்புகளும் பரவலாக காணக்கிடைக்கும். [6] சர் ரிச்சர்ட் ஃபிரான்சிஸ் பர்ட்டனின் ஆங்கிலப் பதிப்பு மிகவும் பிரபலமானதாக , இருப்பினும், அந்நூல் நேரடியான மொழிபெயர்ப்பு நூல் அல்ல, மாறாக தழுவல் தொகுப்பாகும். [7]
கதைக்களம்
தொகுபழம்பெரும் மன்னன் விக்ரமாதித்தியன் (விக்ரமா) வாமாச்சாரியிடம் (ஒரு தாந்திரீகமந்திரவாதி) ஒரு வேதாளம் எனப்படும் ஒரு மாயாவியான பிசாசினைக் கைப்பற்றி அழைத்து வருவதாக உறுதியளித்து, அதைத் தேடி வனமெங்கும் அலைகிறார். வேதாளம் ஒரு மரத்தில் தலைகீழாகத் தொங்கிகொண்டு பிணம் போல போல தோற்றமளிக்கிறது.
அரசன் விக்ரமன் வேதாளத்தை பிடித்து தந்திரியிடம் ஒப்படைக்க கொண்டு வருவதில் பல சிரமங்களை எதிர்கொள்கிறான். ஒவ்வொரு முறையும் விக்ரமன் வேதாளத்தைப் பிடிக்க முயற்சிக்கும் போது, அது ஒரு புதிர்க்கேள்வியுடம் முடிவடையும் ஒரு கதையைச் சொல்கிறது. அக்கேள்விக்கு விக்ரமனால் சரியாக பதிலளிக்க முடியாவிட்டால் மட்டுமே, அவனுக்கு கட்டுப்பட்டு வரும் எனவும் அவனுக்கு அந்த கேள்விகளுக்கு பதில் தெரிந்தாலும் அமைதியாக இருந்தால், அவனுடைய தலை ஆயிரம் சுக்குகளாக வெடிக்கும் எனவும் மன்னன் விக்ரமன் அதன் கேள்விக்கு சரியாக பதிலளித்தால், மீண்டும் தனது இருப்பிடமான மரத்திற்கே திரும்பும் எனவும் கட்டுப்பாடு விதிக்கிறது.
அது சொல்லும் எல்லா கதைகளுக்கும் மிகுந்த அறிவாளியான விக்ரமாதித்தனுக்கு பதில் தெரிவதால் இருபத்து நான்கு முறையும் அந்த வேதாளம் அவனிடமிருந்து தப்பி தன்னிடத்திற்கே செல்லுகிறது. இக்கதைகளின் தொகுப்பே வேதாளக்கதைகள் என அழைக்கப்படுகிறது.
_Illustrated_by_Perham_W_Nahl_page214f.png)
இருபத்தைந்தாவது முயற்சியில், வேதாளம் ஒரு பேரழிவுகரமான போருக்குப் பிறகு ஒரு தந்தை மற்றும் மகனின் கதையைச் சொல்கிறது. குழப்பத்தில் ராணியும் இளவரசியும் உயிருடன் இருப்பதை அவர்கள் கண்டுபிடித்து, அவர்களை வீட்டிற்கு அழைத்துச் செல்ல முடிவு செய்கிறார்கள். தக்க சமயத்தில், மகன் ராணியையும், தந்தை இளவரசியையும் மணந்து கொள்கிறான். இறுதியில், மகனுக்கும் ராணிக்கும் ஒரு மகனும், தந்தை மற்றும் இளவரசிக்கு ஒரு மகளும் உள்ளனர். பிறந்த இரண்டு குழந்தைகளுக்கும் என்ன உறவு முறை என்ற வேதாளத்தின் புதிர் கேள்விக்கு மன்னன் விக்ரமாவால் பதில் சொல்லமுடியாததால், தனது போட்டியில் வென்ற திருப்தியில் வேதாளம் விக்ரமாதித்தனுடன் செல்ல சம்மதித்து, தாந்திரீகரிடம் அதனை அழைத்துச் செல்ல அனுமதியளிக்கிறது.
_Illustrated_by_Ernest_Griset_page317.png)
தாந்திரீகரிடம் அழைத்துச்செல்லும் வழியில் வேதாளம் அதனுடைய கதையையேச் சொல்கிறது. அதன்படி வேதாளத்தின் பெற்றோருக்கு வாரிசு இல்லாத காரணத்தால் ஒரு தாந்திரியிடம் வேண்டிடுகின்றனர். அவர்களுக்கு இரட்டை மகன்கள் பிறப்பார்கள் என ஆசீர்வதித்ததோடு, அவ்விருவரும் அவரிடம் மட்டுமே கல்வி கற்க வேண்டும் என்ற நிபந்தனையும் விதிக்கிறார்.
அதன்படி அவரிடம் கல்வி கற்க சென்ற இருவரிலும் வேதாளத்தை மிகவும் மோசமாக நடத்திய அந்த தந்திரி, வேதாளத்திற்கு இவ்வுலகில் உள்ள அனைத்தையும் கற்பித்துள்ளார், ஆனால் வேதாளத்தின் சகோதரனுக்கோ, குறைந்தளவே கற்பித்துள்ளார். மேலும் அவனை நன்றாகவும் நடத்தியுள்ளார். இதற்கு பின்னாலுள்ள சதியாக, அனைத்தையும் கற்றுக்கொடுத்த வேதாளத்தை 'அனைத்தும் அறிந்த குமாரன்' என்பதால் பலி கொடுக்கவும் அதன் மூலம் அந்த தந்திரி யாராலும் அழிக்கப்படமுடியாதவராகவும், அவரது தாந்த்ரீக சக்திகளைப் பயன்படுத்தி உலகையே ஆள முடியும் என்றும் வேதாளத்தின் சகோதரனையோ குறிப்பிட்ட காலம் முடிந்த பின்னால் திரும்ப அவர்களது பெற்றோரிடமே அனுப்புவார் என்பதையும் வேதாளம் கண்டுபிடித்து அவரிடமிருந்து தப்பிக்கிறது.
இப்போதும் வேதாளத்தின் அளவு அறிவு நிறைந்த விக்ரமனை பொய்யான காரணம் சொல்லி வேதாளத்தை பலி கொடுப்பதாகச் சொல்லி ஏமாற்றி, அழைத்துவந்து விக்ரமன் தெய்வத்தின் முன் தலைவணங்கும் போது அவன் தலையை துண்டித்து பலி கொடுத்து அதன் மூலம் தந்திரி வேதாளத்தின் மீதான தன் கட்டுப்பாட்டைப் பெற்று அவரது தீய நோக்கங்களை அடைய முடியும் என்பதே தந்திரியின் உண்மையான திட்டம் என்பதையும் வேதாளம் கூறுகிறது.
இதனை அறிந்து கொண்ட அரசன், தாந்திரீகரிடம் தனது தெய்வ வணக்கத்தை எவ்வாறு செய்வது என்று கேட்டு தந்திரி செய்துக்காட்டும் அந்த தருணத்தைப் பயன்படுத்தி மந்திரவாதியின் தலையை துண்டிக்க வேண்டும் என்றும் வேதாளம் அறிவுறுத்துகிறது. விக்ரமாதித்தியன் வேதாளம் சொன்னபடியே செய்து அந்த தந்திரியை பலிகொடுத்ததன் மூலம், இந்திரன் மற்றும் காளியால் ஆசீர்வதிக்கப்படுகிறான். மேலும் வேதாளம் விக்ரமனுக்கு உதவி தேவைப்படும் எந்த ஒரு தருணத்திலும் நேரடியாக வந்து உதவுவதாகவும் ஒரு வரம் அளிக்கிறது.
மாறுபாடுகள்
தொகுஇந்தக் கதையின் வேறு பதிப்பில், தனது சொந்த உயிருக்கு ஈடாக, விக்ரமனைப் படுகொலை செய்வதற்காக இரண்டு வர்த்தகர்களால் (மந்திரவாதிக்குப் பதிலாக) சதித்திட்டத்தை வெளிப்படுத்தும் ஒரு சிறிய மாற்றத்தோடு உள்ளது. அவர்களைக் கொன்ற பிறகு, விக்ரமனுக்கு தெய்வம் வெகுமதியாக விசுவாசமான இரண்டு ஆவிகளை அவரது ஊழியர்களாக வழங்குகிறது.
மற்ற ஊடகங்கள்
தொகுதிரைப்படங்கள்
தொகுஇக்கதைகளின் பாதிப்பில் 1951 ஆம் ஆண்டு லலிதா இலலிதா, நிருபா ராய், ஷாஹு மோதக், ராஜ் குமார் மற்றும் எஸ்என் திரிபாதி நடித்த திருபாய் தேசாய் இயக்கிய ஜெய் மஹா காளி (விக்ரம் வேதாள்) என்ற இந்தி திரைப்படம் வெளியிடப்பட்டதுமாக மாற்றப்பட்டது. இதே படம் 1986 ஆம் ஆண்டில் விக்ரம் கோகலே, மன்ஹர் தேசாய் மற்றும் தீபிகா சிக்லியா நடிப்பில் சாந்திலால் சோனியால் இயக்கத்தில் விக்ரம் வேதாள் என்ற பெயரில் மறு ஆக்கம் செய்யப்பட்டுள்ளது.
2017 ஆம் ஆண்டு வெளியான தமிழ்த் திரைப்படமான விக்ரம் வேதா அந்த கதைத்திட்டத்திலிருந்து பெறப்பட்ட வான ஆவி வேதாளம் மற்றும் மன்னன் விக்ரமாதித்யனின் குணாதிசயத்துடன் கதையின் நவீனகால தழுவலாக வெளியாகியது. இப்படத்தின் தலைப்பும் இந்த நாட்டுப்புறக் கதையிலிருந்து வரும் இரண்டு முக்கிய கதாபாத்திரங்களிலிருந்து பெறப்பட்டது. [8] 2022 ஆம் ஆண்டில், இப்படம் இந்தியில் இதே பெயரில் மறு ஆக்கம் செய்யப்பட்டது.
தொலைக்காட்சி
தொகு1985 ஆம் ஆண்டில், சாகர் பிலிம்ஸால் விக்ரமும் வேதாளமும் என்ற தொலைக்காட்சித் தொடர் [9] கதை உருவாக்கப்பட்டது, இதில் அருண் கோவில் விக்ரமாகவும், சஜ்ஜன் குமார் வேதாளாகவும் நடித்தனர். இது இந்தியாவின் பொது தொலைக்காட்சி ஒளிபரப்பாளரான தூர்தர்ஷனில் ஒளிபரப்பப்பட்டது. கஹானியான் விக்ரம் அவுர் பேட்டால் கி என்ற புதிய தலைமுறை சாகர் பிலிம்ஸின் அந்த சீரியலின் மறு ஆக்கம், இந்திய செயற்கைக்கோள் தொலைக்காட்சியான கலர்ஸில் ஒளிபரப்பப்பட்டது.
இந்திய அனிமேட்டர் ராஜீவ் சிலகா 2004 ஆம் ஆண்டில்கார்ட்டூன் நெட்வொர்க்கிற்காக விக்ரம் வேதாள் என்ற தொலைக்காட்சித் திரைப்படத்தை இயக்கினார், இது அவரது கிரீன் கோல்ட் அனிமேஷன்ஸ் மூலம் தயாரிக்கப்பட்டது. [10]
2006 ஆம் ஆண்டில் வெளியான அமானுஷ்ய சிட்காம் விக்கி & வேதாள் பைடல் பச்சிசியால் இயக்கப்பட்டது. டாமன் விக்னேல் எழுதி இயக்கிய தி வேதாளா என்ற வலைத் தொடர் 2009 ஆம் ஆண்டு வெளியிடப்பட்டது. இந்தத் தொடர் இறுதி அத்தியாயத்தில் CGI மூலம் வேதாள கதாபாத்திரத்தை வெளிப்படுத்துகிறது.
2018 ஆம் ஆண்டின் இந்தி டிவி தழுவலான விக்ரம் வேதாளத்தின் ரகசிய கதை & தொலைக்காட்சியில் ஒளிபரப்பப்பட்டது, இதில் நடிகர்கள் அஹம் சர்மா மற்றும் மக்ரந்த் தேஷ்பாண்டே ஆகியோர் முறையே மன்னர் விக்ரமாதித்தியன் மற்றும் வேதாளமாக நடித்துள்ளனர்.
இலக்கியம்
தொகுகுழந்தைகளுக்கான அம்புலிமாமா இதழில், பல ஆண்டுகளாக விக்ரம் மற்றும் வேதாளத்தின் புதிய கதைகள் என்ற தொடர் கதை நீண்ட காலமாக வெளிவந்துக் கொண்டிருந்தது. தலைப்பு குறிப்பிடுவது போல, கதையின் அசல் கதைகளை கூறாமல் புதிய கதைகளை வேதாளம் மன்னன் விக்ரமாவிடம் கூறும்படி அமைத்துள்ளனர்.
அலிஃப் தி அன்சீன் என்ற புதினத்தில், விக்ரமா தி வாம்பயர் என்ற கதாபாத்திரம் ஜின்னாக தோன்றுகிறது. ஆயிரக்கணக்கான ஆண்டுகளுக்கு முன்பு, விக்ரமன் மன்னன் தனது கிராமங்களில் ஒன்றைப் பயமுறுத்தும் வேதாளம் என்ற காட்டேரி ஜின்னைத் தோற்கடிக்க எப்படிப் புறப்பட்டான் என்பதை அதில் விவரித்துள்ளார். விக்ரமன் வேதாளத்தின் புத்திசாலித்தனமான விளையாட்டில் வென்றாலும் அவரது உயிரை இழந்து இறந்த அவரது உடலிலேயே வேதாளம் இப்போது குடிகொண்டுள்ளதாக எழுதப்பட்டுள்ளது. [11]
மேற்கோள்கள்
தொகு- ↑ Doniger, Wendy (March 2014). On Hinduism (in ஆங்கிலம்). OUP USA. p. 45. பன்னாட்டுத் தரப்புத்தக எண் 978-0-19-936007-9.
- ↑ World religions. Eastern traditions. Internet Archive. Oxford : Oxford University Press. 2010. p. 25. பன்னாட்டுத் தரப்புத்தக எண் 978-0-19-542676-2.
{{cite book}}: CS1 maint: others (link) - ↑ World religions. Eastern traditions. Internet Archive. Oxford : Oxford University Press. 2010. p. 25. பன்னாட்டுத் தரப்புத்தக எண் 978-0-19-542676-2.
{{cite book}}: CS1 maint: others (link) - ↑ Storytelling encyclopedia : historical, cultural, and multiethnic approaches to oral traditions around the world. Internet Archive. Phoenix, Ariz. : Oryx Press. 1997. p. 337. பன்னாட்டுத் தரப்புத்தக எண் 978-1-57356-025-2.
{{cite book}}: CS1 maint: others (link) - ↑ Penzer 1924, Vol VI, p 225.
- ↑ Penzer 1924, Vol VI, p 226.
- ↑ Penzer 1924, Vol VI, p 227. Penzer goes on to observe "What Burton has really done is to use a portion of the Vetāla tales as a peg on which to hang elaborate 'improvements' entirely of his own invention."
- ↑ Vijay Sethupathi, Madhavan's film is based on Vikramathithan Vethalam. தி டைம்ஸ் ஆஃப் இந்தியா.
- ↑ "Sagar Arts". Archived from the original on 11 August 2014. பார்க்கப்பட்ட நாள் 25 February 2014.
The legend says that Vikram aur Betaal has been one of the most popular fantasy shows made for children and had won acclaim and huge popularity during its run on Doordarshan National Network in the year 1985.
- ↑ Dua Aarti (26 August 2012). "Small wonder. Toon hero Chhota Bheem has emerged as the favourite homegrown television character of tiny tots". The Telegraph (Calcutta, India) இம் மூலத்தில் இருந்து November 19, 2012 அன்று. பரணிடப்பட்டது.. https://web.archive.org/web/20121119193225/http://www.telegraphindia.com/1120826/jsp/graphiti/story_15896553.jsp#.UKZ52-RFWAh. பார்த்த நாள்: 1 November 2012.
- ↑ Alif the Unseen. G. Willow Wilson.