ஷெல்டன் பெஞ்சமின்
ஷெல்டன் பெஞ்சமின் (பிறப்பு: ஜூலை 9, 1975) ஒரு அமெரிக்க தொழில்முறை மல்யுத்த வீரர், தற்போது ரா பிராண்டில் உலக மற்போர் மகிழ்கலை நிறுவனத்திடம் ஒப்பந்தம் செய்து விளையாடி வருகிறார். ஷெல்டன் எக்ஸ் பெஞ்சமின் என்ற மேடைப் பெயரில் நியூ ஜப்பான் புரோ-மல்யுத்தம் மற்றும் புரோ மல்யுத்த நோவா ஆகியவற்றில் பங்கேற்றதன் மூலமாகவும் தனது சொந்த பெயரிலேயே ரிங் ஆப் ஹானர் நிகழ்ச்சியில் பங்கேற்றதன் மூலமாகவும் இவர் பரவலாக அறியப்பட்டார்[1] தொழில்முறை மல்யுத்த வீரராக மாறுவதற்கு முன்பு, கல்லூரியில் இரு வேறு விளையாட்டுக்களில் பங்கேற்று வந்தார். ஜூனியர் கல்லூரியில் படித்த பிறகு , மினசோட்டா பல்கலைக்கழகத்தில் பட்டம் முடித்தார்.
பெஞ்சமின் தனது தொழில்முறை மல்யுத்த வாழ்க்கையை உலக மற்போர் மகிழ்கலை நிறுவனத்தின் பயிற்சிக் களமான ஓஹியோ பள்ளத்தாக்கு மல்யுத்தத்தில் (OVW) தொடங்கினார், அங்கு அவர் தெற்கு இணை வாகையாளர் பட்டத்தினை நான்கு முறை பெற்றார். அதில் மூன்று முறை ப்ரோக் லெஸ்னருடன், ஒரு முறை ரோட்னி மேக் எனபவருடனும் இணை வாகையாளர் பட்டத்தினை வென்றார். 2002 ஆம் ஆண்டில் இவர் உலக மற்போர் மகிழ்கலை நிறுவனத்தின் முக்கிய வீரர்கள் பட்டியலில் இவர் இணைந்தார்.அங்கு அவர் கர்ட் ஆங்கிள் மற்றும் சார்லி ஹாஸ் ஆகியோருடன் ஒரு கூட்டணியை உருவாக்கினார், இது ஆங்கிள் அணி என அழைக்கப்பட்டது. பின்னர் ஹாஸுடன் இணைந்து விளையாடிய போது இது உலகின் தலைசிறந்த இணைகளில் ஒன்று என்று அழைக்கப்பட்டது. இவர் கண்டங்களுக்கு இடையிலான வாகையாளர் பட்டத்தினை மூன்று முறையும், யுனைடெட் ஸ்டேட்ஸ் வாகையாளர் பட்டத்தினை ஒரு முறையும் மற்றும் உலக மற்போர் மகிழ்கலை நிறுவனம் இணை வாகையாளர் பட்டத்தினை இருமுறையும் ஹாஸ் உடன். உலக மல்யுத்த கவுன்சிலில் விளையாடிய போது ஒரு முறை உலக மிகுகன வாகையாளர் பட்டத்தினை வென்றார்.
ஆரம்பகால வாழ்க்கை
தொகுபென்ஜமின் தென் கரோலினாவின் ஆரஞ்ச்பர்க்கில் பிறந்து வளர்ந்தார்.[2] ஆரஞ்ச்பர்க்-வில்கின்சன் உயர்நிலைப் பள்ளியில் இரண்டாம் ஆண்டு கல்வி கற்கும் போது மல்யுத்தப் பயிற்சிகளைத் துவங்கினார்.[3] பெஞ்சமின் தனது உயர்நிலைப் பள்ளியில் கல்வி கற்கும் போது 122 போட்டிகளில் வெற்றியும் 10 போட்டிகளில் மட்டுமே தோல்வியும் அடைந்திருந்தார். மேலும் இரண்டு முறை தென் கரோலினா மாநில உயர்நிலைப் பள்ளி மிகுகன மல்யுத்த வாகையாளர் பட்டத்தினை 1993-1994 ஆம் ஆண்டுகளில் நடைபெற்ற போட்டியில் வென்றார்.[4] பெஞ்சமின் பின்னர் கலிபோர்னியாவின் சூசன்வில்லில் உள்ள லாசன் சமுதாயக் கல்லூரியில் பயின்றார், மேலும் 100 மீட்டர் ஓட்டத்தில் தேசிய ஜூனியர் கல்லூரி தடகள சங்கம் (என்ஜேசிஏஏ) டிராக் அண்ட் பீல்ட் வாகையாளராகவும் , என்ஜேசிஏஏ கல்லூரி மல்யுத்த வாகையாளராகவும் ஆனார். கல்லூரிகளுக்கான மல்யுத்த உதவித்தொகையில் மினசோட்டா பல்கலைக்கழகத்திற்கு மாற்றம் செய்யப்பட்டு அங்கு பட்டம் பெற்றார். அங்கு அவர் 36 போட்டிகளில் வெற்றியும் 6 போட்டிகளில் தோல்வியும் அடைந்தார்.பட்டம் பெற்ற பிறகு, அவர் தனது அல்மா மேட்டரில் உதவி மல்யுத்த பயிற்சியாளராக பணியாற்றினார் மற்றும் எதிர்கால ஓஹியோ பள்ளத்தாக்கில் எதிர்கால கூட்டாளர் ப்ரோக் லெஸ்னருடன் பயிற்சி பெற்றார் . பெஞ்சமின் 2000 கோடைகால ஒலிம்பிக்கிற்கு தகுதி பெற முயற்சித்தார் ஆனால் அதற்கு பதிலாக ஒரு தொழில்முறை மல்யுத்த வாழ்க்கையைத் தொடர முடிவு செய்தார்.
குறிப்புகள்
தொகு- ↑ Caldwell, James; Radican, Sean (2011-04-01). "ROH Internet PPV report 4/1: Caldwell & Radican's "virtual-time" coverage of live ROH PPV from Atlanta". Pro Wrestling Torch. பார்க்கப்பட்ட நாள் 2011-04-02.
- ↑ "Shelton Benjamin's WWE Bio". World Wrestling Entertainment. பார்க்கப்பட்ட நாள் 2010-04-29.
- ↑ It's all about the Benjamin.
- ↑ Milner, John (2005-04-17). "Shelton Benjamin's Profile". SLAM! Wrestling. Archived from the original on 2012-07-17. பார்க்கப்பட்ட நாள் 2007-06-18.