அனாக்சிமாண்டர்
அனாக்சிமாண்டர் (Anaximander, கிரேக்கம்: Ἀναξίμανδρος அனாக்சிமாண்ட்ரோசு, Anaximandros; அண். கிமு 610 – அண். கிமு 546) என்பவர் மிலெத்தெசு நகரில் (இன்றைய துருக்கியில்) வாழ்ந்த சாக்கிரட்டீசுக்கு முற்பட்ட காலக் கிரேக்க மெய்யியலாளர் ஆவார்.[3]
அனாக்சிமாண்டர் Anaximander | |
|---|---|
| பிறப்பு | அண். கிமு 611 |
| இறப்பு | அண். கிமு 546 |
| காலம் | சாக்கிரட்டீசுக்கு முற்பட்ட மெய்யியல் |
| பகுதி | மேற்கத்தைய மெய்யியல் |
| பள்ளி | யவன மெய்யியல், மிலேசிய மெய்யியல், இயற்கையியல் |
முக்கிய ஆர்வங்கள் | மீவியற்பியல், வானியல், வடிவவியல், புவியியல் |
குறிப்பிடத்தக்க எண்ணக்கருக்கள் | உயிரினங்களின் படிமலர்ச்சிக் கண்ணோட்டம்[1][2] புவிப்பரப்பு வளைவு வானின் தன்மை, ஆவியாதல் மூலம் மழைநீர் |
செல்வாக்குச் செலுத்தியோர் | |
செல்வாக்குக்கு உட்பட்டோர்
| |
அனாக்சிமாண்டர் தேலேசுவின் மாணவர் என்பதைத் தவிர இவர் வாழ்க்கையைப் பற்றி ஏதும் தெரியவில்லை. தனது ஆய்வுகளை எழுத்தில் எழுதி வைத்த முதலாவது மெய்யியலாளர் இவரெனக் கூறப்படுகிறது.[4] இவரோடு பல கண்டுபிடிப்புகள் தொடர்பு படுத்தப்படுகின்றன. இவர் சூரியக் கடிகைகைக்கான "குனோமோன்" (gnomon) என்ற கருவியை கிரேக்கத்திற்கு அறிமுகம் செய்தார். அதைக் கொண்டு துல்லியமாக இரு சிறும, பெரும கதிர்மீள்வு நாட்களைக் கண்டுபிடித்ததோடு இரு சமபகலிரவு நாட்களையும் கணித்துள்ளார்.[5] இவை ஆண்டின் பருவக் காலங்களோடு தொடர்புடையவை. நீரியல் சுழற்சி பற்றி முதலில் கூறியவர் இவரே.
இவர் தொல்பாழ் (Archie)/ (apeiron) என்பதில் இருந்தே அனைத்துப் பொருள்களும் உருவாகின என்ற ஒருமைத் தோற்றக் கருத்தினைக் கூறியவர். 'இயற்கை பற்றி' என இவர் எழுதிய முதல் மெய்யியல்-சார்ந்த கிரேக்க நூல் கிடைக்கவில்லை. விண்ணுலகின் தோற்றம், புவியின் தோற்றம், மாந்தத் தோற்றம் பற்றி விளக்கும் படிவளர்ச்சி/மலர்ச்சிக் கண்ணோட்டத்தை முதன்முதலாக அறிமுகப்படுத்தி, புவிப்பரப்பு வளைந்துள்ளதையும் கிழக்கு மேற்காக புவி உருளைவடிவில் புடவியின் மையத்தில் அமைந்துள்ளதாகவும் கூறி, முதல் உலக நிலவரையையும் வரைந்துள்ளார். மேலும் புவியைச் சுற்றி மூன்று வலயங்களில் சூரியனும் நிலாவும் விண்மீன்களும் அமைந்துள்ளதாகக் கூறினார்.[6]
அடிக்குறிப்புகள்
தொகு- ↑ டீல்சு-கிரான்சு எண்கள் ஏ11, ஏ30
- ↑ "Anaximander". பிரித்தானிக்கா கலைக்களஞ்சியம்.
- ↑ "Anaximander" in Chambers's Encyclopædia. London: George Newnes, 1961, Vol. 1, p. 403.
- ↑ Themistius, Oratio 36, §317
- ↑ These accomplishments are often attributed to him, notably by Diogenes Laertius (II, 1) and by the Roman historian Eusebius of Caesarea, Preparation for the Gospel (X, 14, 11).
- ↑ I. Frolov, Editor, Dictionery of Philosophy, Progressive Publishers, Moscow,1984, p. 18.
வெளி இணைப்புகள்
தொகு
பொதுவகத்தில் அனாக்சிமாண்டர் தொடர்பாக ஊடகக் கோப்புகள் உள்ளன.- The Internet Encyclopedia of Philosophy - Anaximander பரணிடப்பட்டது 2009-10-15 at the வந்தவழி இயந்திரம்
- Extensive bibliography by Dirk Couprie
- Anaximander entry by John Burnet contains fragments of Anaximander
